ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Առանցքում՝ ՌԴ մանկավարժական բուհերում հայերենի ուսուցում կազմակերպելու հնարավորություն

Դեկտեմբերի 24, 2018
Պաշտոնական

ՀՀ ԿԳՆ Լեզվի կոմիտեի նախագահ Դավիթ Գյուրջինյանը աշխատանքային հանդիպում է ունեցել Մոսկվայի պետական մանկավարժական համալսարանի ռեկտոր, Եվրասիական միության մանկավարժական բուհերի միության նախագահ, պատմական գիտությունների դոկտոր, պրոֆեսոր, Ռուսաստանի գիտությունների ակադեմիայի անդամ Ալեքսեյ Լուբկովի գլխավորած պատվիրակության հետ: Պատվիրակության կազմում էին Գեղեցիկ արվեստների ինստիտուտի տնօրեն Անդրեյ Կոնովալովը, միջազգային համագործակցության վարչության պետի տեղակալ Օլգա Մորոզովան և Գեղեցիկ արվեստների ինստիտուտի դոցենտ, «Ժամ» հանդեսի գլխավոր խմբագիր Աննա Գիվարգիզյանը:
Ալեքսեյ Լուբկովը ներկայացրել է իր ղեկավարած կառույցի ավանդույթները, ձեռքբերումները և ծրագրերը, անդրադարձել ռուսերենի հարցերով զբաղվող ռուսաստանյան համերկրային կառույցներին, հետաքրքրվել Լեզվի կոմիտեի աշխատանքով:

Դավիթ Գյուրջինյանն իր հերթին ներկայացրել է Լեզվի կոմիտեի գործառույթները: Նա հանդիպման մասնակիցների ուշադրությունը հրավիրել է այն հանգամանքի վրա, որ Ռուսաստանի մանկավարժական համալսարաններում հայերենի դասընթացներ չկան, հայոց լեզվի մասնագետներ չեն պատրաստվում այն դեպքում, երբ Ռուսաստանի հայությունը պատկառելի թիվ է կազմում, և հայերենի ուսուցմամբ դպրոցների և դասարանների բացակայության պայմաններում հայերը կորցնում են հայոց լեզուն: Նա հիշեցրել է նախախորհրդային Ռուսաստանում հայերենի ուսումնասիրության և դասավանդման ավանդույթները (Մոսկվայի Լազարյան ճեմարան, Սանկտ Պետերբուրգի համալսարան և այլն):
Ռուսաստանյան պատվիրակության ղեկավարը դրական է արձագանքել առաջարկությանը՝ նշելով, որ գործնական քայլեր կարվեն Մոսկվայի պետական մանկավարժական համալսարանում հայերենի ուսուցում կազմակերպելու ուղղությամբ:

Նյութի աղբյուրը. ՀՀ կրթության և գիտության նախարարություն

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: