ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մեկնարկել է «ԱՊՀ և ՇՀԿ լեզուների և մշակույթների երկխոսությունը 21-րդ դարում» համաժողովը

Նոյեմբերի 22, 2018
Մշակութային լուրեր

Երևանի Վ. Բրյուսովի անվան պետական լեզվահասարակագիտական համալսարանում մեկնարկել է «Անկախ պետությունների համագործակցության (ԱՊՀ) և Շանհայի համագործակցության կազմակերպության (ՇՀԿ) լեզուների և մշակույթների երկխոսությունը 21-րդ դարում» 14-րդ միջազգային համաժողովը, որն իրականացվում է Մոսկվայի պետական լեզվաբանական համալսարանի և ԵՊԼՀ-ի համատեղ ջանքերով՝ ԱՊՀ հումանիտար համագործակցության միջպետական ֆոնդի ֆինանսական աջակցությամբ:
Համաժողովի բացմանը ՀՀ կրթության և գիտության նախարարության արտաքին կապերի և սփյուռքի վարչության պետ Արկադի Պապոյանն ընթերցել է ԿԳ նախարարի պաշտոնակատար Արայիկ Հարությունյանի ուղերձը, որում, մասնավորապես, նշված էր. ‹‹Ժամանակակից աշխարհում առանց լեզուների երկխոսության անհնար է ապահովել մշակութային երկխոսությունը: Այս առումով նշանակալի և անփոխարինելի է նման միջոցառումների դերը, որոնք ուղղված են մեր երկրների կրթական և մշակութային ոլորտի համագործակցության զարգացմանը, ինչպես նաև բարեկամական միջավայրի ստեղծմանը: Լիահույս եմ, որ այս ֆորումն արդյունավետ հարթակ կծառայի հստակ ծրագրերի և նախաձեռնությունների համար, որոնք հնարավորություն կընձեռեն ԱՊՀ և ՇՀԿ երկրների քաղաքացիներին՝ սովորել լեզուներ և իրականացնել մշակութային երկխոսություն: Համաժողովն արդյունավետ ձևաչափ է բարձրագույն կրթության ժամանակակից համակարգի զարգացման տեսանկյունից: Վստահ եմ, որ այս միջոցառումը կնպաստի նաև մեր երկրների միջև նորարարական համագործակցության խորացմանը»: 
Ողջույնի խոսքով հանդես են եկել ՀՀ-ում ՌԴ արտակարգ և լիազոր դեսպան Սերգեյ Կոպիրկինը, Մոսկվայի պետական լեզվաբանական համալսարանի ռեկտոր Իրինա Կրաևան, ինչպես նաև ԱՊՀ գործադիր կոմիտեի ընդհանուր քաղաքական և սոցիալական խնդիրների հումանիտար համագործակցության դեպարտամենտի փոխնագահ Փիրուզա Կոսիմովան:
Հավելենք, որ համաժողովի ծրագրով նախատեսվում է անցկացնել լիագումար նիստ, կլոր-սեղան հանդիպումներ, վարպետության դասեր, որոնց կմասնակցեն Հայաստանի, Ռուսաստանի, Բելառուսի, Ղազախստանի, Ղրղզստանի, Մոլդովայի, Հյուսիսային Օսիայի, Տաջիկստանի և Ուզբեկստանի առաջատար բուհերի, գիտական հաստատությունների, հասարակական կազմակերպությունների, պետական կառավարման համակարգի ներկայացուցիչներ:
Համաժողովի աշխատանքները կշարունակվեն նոյեմբերի 23-ին:

Նյութի աղբյուրը. ՀՀ կրթության և գիտության նախարարություն

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: