«Դե անիմացրո՛ւ» համակարգչային անիմացիոն մրցույթ-փառատոնի հայտարարությունը

Մայիսի 22, 2018

Մրցույթի կանոնակարգը՝

Ավ. Իսահակյանի տուն թանգարանը` Նաիրի համընկերության նաև «Այ Իքս-Թեք» ՍՊԸ-ի,  «Անտարես» հոլդինգի և «Էդիթ Պրինտ» հրատարակչության աջակցությամբ հայտարարում է  «Դե անիմացրու՛» ամենամյա  համակարգչային անիմացիոն մրցույթ-փառատոնը:

Մրցույթի մասնակիցները պետք է համակարգչային անիմացիոն ծրագրերի միջոցով պատրաստեն անիմացիոն տեսահոլովակներ՝ Ավ. Իսահակյանի հետևյալ 5 ստեղծագործություններից որևէ մեկի մոտիվներով՝

1. «Նուկիմ քաղաքի խելոքները»
2. «Աղա Նազար»
3. «Արևի մոտ»
4. «Եղնիկը»
5. «Լիլիթ»

Մրցույթին կարող են մասնակցել 12-16 տարեկան աշակերտները։
Անիմացիոն տեսահոլովակի նվազագույն  տևողությունը պետք է լինի 20 վայրկյանից ոչ պակաս:

Անիմացիոն տեսահոլովակներն ընդունվում են առանց համակարգչային ծրագրերի սահմանափակման՝ և՛ անհատական, և՛ խմբային աշխատանքներով։ Տեսահոլովակի պարտադիր ձևաչափերն են՝ ․avi, ․mp4 ։

Հուշող ծրագրերի անվանումներ՝

«Աղուէս»
Tupi.com
Moovly.com
Animaker.com
Osalt.com
Freemaker.com

Մրցույթի ժամանակացույցը՝

Մրցույթը մեկնարկում է 2018թ.մայիսի 20-ին և կավարտվի սեպտեմբերի 20-ին:
Մրցույթի հաղթողների համար նախատեսված են մրցանակներ: Կլինեն նաև անակնկալ նվերներ:

Հաղթողների անունները կհայտարարվեն հոկտեմբեր ամսին կայանալիք մրցանակաբաշխությանը, որի մասին հստակ ինֆորմացիա կտրամադրվի առաջիկայում: Մրցույթը նվիրվում է Ավ. Իսահակյանի տուն-թանգարանի հիմնադրման 60-ամյակին:

Մրցույթի հանձնաժողովի, կազմակերպչական թիմի, մասնակիցներին ներկայացվող պահանջների, մրցանակային անվանակարգերի և այլ մանրամասների կարելի է ծանոթանալ հայտարարության ամբողջական տեքստում (կցվում է):

Աշխատանքները պետք է ուղարկել deanimacru@gmail.com հասցեին՝ վերնագրի տողում (Subject) նշելով «Դե անիմացրու» արտահայտությունը: Կից պետք է ուղարկել նաև մասնակցի անուն, ազգանունը դպրոցը և բնակության վայրը: