ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Նորագավիթի սուսերամարտի մասնագիտացված մարզադպրոցում անցկացվել է Հայաստանի երիտասարդական առաջնությունը․ Սուսերամարտի հանրապետական ֆեդերացիայի՝ 2024 թվականի առաջին մարզական միջոցառմանն ավելի քան 100 մարզիկ է մասնակցել ինչպես Երևանի, այնպես էլ Գյումրիի և Վանաձորի մասնագիտացված մարզադպրոցներից։
Մեկնարկային օրը սուսերամարտի երիտասարդական առաջնության մրցումներին հետևել են Հայաստանի սուսերամարտի հանրապետական ֆեդերացիայի նախագահ, ՀԱՕԿ փոխնախագահ Արմեն Գրիգորյանը, ԿԳՄՍՆ սպորտի բարձրագույն նվաճումների բաժնի պետ Արթուր Սեդրակյանը, ներկայացուցիչներ Հայաստանի ազգային օլիմպիական կոմիտեից և տարբեր մարզադպրոցներից։
Առաջին օրը մարզիկներն իրենց ուժերն են չափել խոցասուսեր և թրասուսեր զենքաձևերում։ Խոցասուսեր զենքաձևի տղաների պայքարում Հայաստանի առաջնության հաղթողի կոչմանն արժանացել է Գագիկ Դավթյանը, արծաթե մեդալը նվաճել է Հրաչ Առաքելյանը, իսկ լավագույն երրորդ արդյունքը ցույց են տվել Ալեքսանդր Հակոբյանն ու Արտյոմ Խալաթյանը։
Խոցասուսեր զենքաձևի աղջիկների պայքարում ոսկե մեդալակիր է դարձել Անահիտ Նավասարդյանը, երկրորդ տեղը զբաղեցրել է Անի Գասաբյանը, իսկ բրոնզե մեդալներին արժանացել են Մարգարիտա Խանջյանն ու Անի Մելքումյանը։
Թրասուսեր զենքաձևի տղաների պայքարում լավագույն արդյունքը ցույց է տվել Արման Ղալաչյանը։ Երկրորդ տեղը գրավել է Կարեն Հակոբյանը, իսկ բրոնզե մեդալակիրներ են դարձել Ալեքս Հակոբյանն ու Գևորգ Կարապետյանը։
Փետրվարի 11-ին Հայաստանի երիտասարդական առաջնության հաղթողներին որոշել են ճկասուսեր զենքաձևի ներկայացուցիչները: Տղաների պայքարում հաղթողի կոչմանն արժանացել է Բորիս Դադայանը, իսկ աղջիկների պայքարում՝ Ասյա Մնոյանը: Տղաների պայքարում երկրորդ լավագույն արդյունքը ցույց է տվել Գագիկ Մորիկյանն, իսկ բրոնզե մեդալներին արժանացել են Վրույր Հովհաննիսյանն ու Ռոման Պոպովը: Աղջիկների պայքարում փոխչեմպիոն է դարձել Սոֆի Սահակյանը, լավագույն եռյակը եզրափակել են Սոֆի Մկրտչյանն ու Նանե Զալիբեկյանը:
Հայաստանի երիտասարդների առաջնության արդյունքներով կձևավորվի Հայաստանի հավաքական թիմը, որն առաջիկայում կմասնակցի Եվրոպայի և աշխարհի առաջնություններին։ Սուսերամարտի Եվրոպայի երիտասարդական առաջնությունը կմեկնարկի փետրվարի 21-ին Իտալիայի Նեապոլ քաղաքում, իսկ աշխարհի երիտասարդների առաջնությունը՝ մարտի 17-ին Սաուդյան Արաբիայում։
Արմեն Գրիգորյանի գնահատմամբ՝ թե՛ մարզիչները, թե՛ մարզիկները անում են առավելագույնը՝ Եվրոպայի և աշխարհի առաջնություններում լավագույնս հանդես գալու համար։
Ֆեդերացիայի նախագահը հույս է հայտնում՝ հետևողական և նվիրված աշխատանքի շնորհիվ մեր պատանի և երիտասարդ մարզիկները կկարողանան զարգացնել, ինչու ոչ՝ գերազանցել նախորդ տարեվերջին գրանցած հաջողությունները․ «2023 թվականի համար մեր աշխատանքները համարում եմ բավարար, քանի որ մի շարք հաջողություններ գրանցեցինք՝ ունենալով Եվրոպայի Մ14 տարեկանների գավաթի խաղարկության հերթական փուլի հաղթող, տարբեր մեդալակիրներ, ինչպես նաև միջազգային մրցաշարերի բազմաթիվ մրցանակակիրներ։ Նույն և ավելի բարձր տեմպով աշխատելու ենք նաև 2024-ին»։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, Մենք այլևս չենք կարող անտեսել այն փաստը, որ նույնիսկ 4-րդ դասարանի աշակերտները սկսել են օգտվել արհեստական բանականության գործիքներից (ChatGPT և այլն)՝ շարադրություններ գրելու կամ մաթեմատիկական բարդ խնդիրներ լուծելու…
Հարգելի՛ գործընկերներ, Այսօր քննարկման եմ դնում բոլորիս համար կարևոր մի թեմա՝ ի՞նչ մեթոդներ և հնարներ կարող ենք կիրառել առաջին դասարանում, որպեսզի փոքրիկ սովորողը չհոգնի, պահպանի հետաքրքրությունը և հնարավորինս երկար ժամանակ…
Կրտսեր դպրոցականների հետ աշխատանքը պահանջում է հատուկ մոտեցում, քանի որ այս տարիքում երեխայի հիմնական գործունեությունը խաղից անցում է կատարում ուսումնառությանը: Ահա մի քանի արդյունավետ մեթոդներ և գաղափարներ. 1. Խաղային մեթոդներ…
Հարգելի մասնակիցներ Հարկ է նկատի ունենալ, որ Ֆորումում դիտարկվում է ոչ թե ձեր ակտիվությունը, այլ ձեր կողմից վարվող հիմնական թեմայի համապատասխանությունը սահմանված «Չափանիշներին»:
Ողջույն, սիրելի գործընկերներ: Որպես դասվար և մաթեմատիկայի ուսուցիչ, ով ամեն օր աշխատում է 1-ին, 5-րդ և 6-րդ դասարանցիների հետ, ես տեսնում եմ, թե որքան արագ է փոխվում կրթական միջավայրը: Այսօր…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
