«Հորիզոն Եվրոպա» ծրագրի շրջանակում այսօր տեղի է ունեցել Հետազոտությունների և նորարարության հարցերով Հայաստան-Եվրոպական միություն համատեղ կոմիտեի երկրորդ հանդիպումը։
Հանդիպմանը մասնակցել են ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, ԿԳՄՍՆ բարձրագույն կրթության և գիտության կոմիտեի նախագահ Սարգիս Հայոցյանը, ՀՀ մի շարք գերատեսչությունների ներկայացուցիչներ։ ԵՄ պատվիրակությունը գլխավորում էր Անն Հագլունդ-Մորիսին՝ ԵՀ հետազոտությունների և նորարարության հարցերով գլխավոր տնօրենության «Հորիզոն Եվրոպա» ծրագրի ասոցացման հարցերով ստորաբաժանման ղեկավարի տեղակալը։
Ողջունելով ներկաներին՝ համատեղ կոմիտեի հայաստանյան համանախագահ Արթուր Մարտիրոսյանը նշել է, որ նախորդ տարվա նոյեմբերին Բրյուսելում կայացած առաջին հանդիպումից ի վեր՝ «Հորիզոն Եվրոպա» ծրագրի շրջանակում համագործակցության ոլորտում զգալի առաջընթաց է գրանցվել, սակայն անհրաժեշտություն կա հավելյալ քննարկելու ծրագրին ՀՀ մասնակցության հետագա խթանման միջոցները և գործիքները։
«Հայաստանը մի շարք էական բարեփոխումներ է իրականացրել բարձրագույն կրթության և գիտության ոլորտներում, որոնցից մեկը պետական բյուջեից գիտության ֆինանսավորմանը հատկացվող միջոցների զգալի ավելացումն է, իսկ մյուսը Գիտության կոմիտեի վերակազմակերպման արդյունքում Բարձրագույն կրթության և գիտության կոմիտեի ստեղծումը, որը թույլ կտա ապահովել կրթության և գիտության ոլորտների առավել արդյունավետ ինտեգրում՝ բերելով սիներգետիկ արդյունքների»,- նշել է ԿԳՄՍ նախարարի տեղակալը։
Անն Հագլունդ-Մորիսին ընդգծել է «Հորիզոն Եվրոպա» ծրագրին ՀՀ մասնակցության զգալի առաջընթացը և դրական փոփոխությունները՝ նախորդ «Հորիզոն 2020» ծրագրի համեմատ (ներկա պահին ՀՀ մասնակցության քանակային ցուցանիշներն արդեն կազմում են «Հորիզոն 2020» ծրագրին մասնակցության 2016-2020 թթ․ ցուցանիշների 50%-ը), սակայն ծրագրին ՀՀ մասնակցությունը դեռևս կարիք ունի խթանման։
Բարձրագույն կրթության և գիտության կոմիտեի նախագահ Սարգիս Հայոցյանը կարևորել է հայաստանյան գիտական խմբերի՝ միջազգային գիտահետազոտական դրամաշնորհներին մասնակցության և մրցունակության բարձրացման հարցը։ Նա նաև անդրադարձել է «Հորիզոն Եվրոպա» ծրագրին համարժեք հայաստանյան ծրագրերին ԵՄ կազմակերպությունների փոխադարձ մասնակցության խթանման հարցին՝ ներկայացնելով ՀՀ գիտական կազմակերպություններում արտերկրի գիտնականների ներուժի ներգրավմանն ուղղված մրցույթները: Սարգիս Հայոցյանն անդրադարձել է նաև «Ակադեմիական քաղաք» ծրագրի շրջանակում համագործակցության հնարավորություններին, համատեղ Կոմիտեի առաջին հանդիպման արդյունքում ընդունված գործառնական եզրակացություններին, ինչպես նաև «Հորիզոն 2020» ծրագրի իրականացման արդյունքում ՀՀ-ում գիտության ոլորտի զարգացման քաղաքականությանն աջակցելու նպատակով ձեռնարկված քայլերին։
Հանդիպման օրակարգում էին նաև 2021-2023 թթ․ «Հորիզոն Եվրոպա» ծրագրին ՀՀ մասնակցության արդյունքների քննարկումները և հետագա մասնակցության խթանման ծրագրերը։ Ներկայացվել են Եվրոպական նորարարական խորհրդի կողմից, ինչպես նաև եվրոպական հետազոտական տարածքի 2020 թ․ քաղաքականության շրջանակում իրականացվող որոշ միջոցառումներին ՀՀ մասնակցության հնարավորությունները, 2022 թ․ Եվրոպական նորարարական օրակարգի և ԵՄ «Հետազոտությունների և նորարարության ոլորտներում գլոբալ մոտեցման» սկզբունքները:
Հանդիպման ընթացքում անդրադարձ է կատարվել նաև ՀՀ կրթության, գիտության և արդյունաբերության ոլորտների միջև կապի ներդաշնակեցման, «Հորիզոն Եվրոպա» ծրագրերին մասնավոր կազմակերպությունների մասնակցությունների խթանման, Հետազոտությունների և նորարարության հարցերով ԱրԳ ոչ ֆորմալ աշխատանքային խմբի շրջանակում ԵՄ-ՀՀ համագործակցության հարցերին:
Հետազոտությունների և նորարարության հարցերով Հայաստան- ԵՄ համատեղ կոմիտեն ստեղծվել է՝ 2021 թվականի նոյեմբերի 12-ին ստորագրված «Հետազոտությունների և նորարարության «Հորիզոն Եվրոպա» ծրագրին ՀՀ մասնակցության մասին» համաձայնագրի 8-րդ հոդվածի դրույթներին համաձայն: Առաջին հանդիպումը տեղի է ունեցել 2022 թվականի նոյեմբերի 15-17-ը՝ Բելգիայի Թագավորության մայրաքաղաք Բրյուսելում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ