ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանն աշխատանքային այցով եղել է Վայոց ձորի և Սյունիքի մարզերի մի շարք համայնքներում։
Աշխատանքային այցի նպատակն էր ծանոթանալ մարզերի որոշ համայնքներում գործող մշակույթի, արվեստի կրթօջախներին և ժամանցի վայրերին, երիտասարդության ոչ ֆորմալ կրթության հետ կապ ունեցող ենթակառուցվածքներին և շենքային պայմաններին՝ առաջիկայում նոր հայեցակարգով համայնքային կենտրոնների հիմնադրման հնարավորության գնահատման համար։
Նախարարի տեղակալը Վայոց ձորի մարզպետարանում աշխատանքային քննարկում է ունեցել մարզպետ Արարատ Գրիգորյանի հետ, որի ընթացքում ներկայացվել են մարզի մշակութային, երիտասարդական, թատերահամերգային, սպորտային, գրադարանային ենթակառուցվածքների վիճակը, ինչպես նաև քննարկվել տարբեր համայնքներում դրանց վերանորոգման, նոր հայեցակարգով գործարկման և շահագործման հնարավորությունները։
Դանիել Դանիելյանը կարևորել է մարզերում կրթական, մշակութային, երիտասարդական ծրագրերի ու հնարավորությունների հասանելիության ապահովումը. «Այն, ինչ հասանելի է մայրաքաղաքի բնակչին, հավասարապես պետք է մատչելի լինի նաև մարզային բնակչին։ Իսկ դրա համար անհրաժեշտ է համայնքային համապատասխան ենթակառուցվածքների լուրջ ուսումնասիրություն իրականացնել, գնահատել առկա ռեսուրսները և դրանց հիման վրա ստեղծել այնպիսի միջավայր, որտեղ ցանկացած տարիքի բնակիչ կկարողանա կրթվել և ապահովել մշակութային ժամանցը»։
Հանդիպման ընթացքում քննարկվել են նաև նոր ձևաչափով միջավայր ստեղծելու համար առկա հնարավորությունները և դրա ապահովման համար անհրաժեշտ քայլերը:
Այնուհետև Դանիել Դանիելյանն այցելել է Եղեգնաձորի մշակույթի տուն և մարզային գրադարան:
Վայքում և Ջերմուկում նախարարի տեղակալն աշխատանքային քննարկումներ է ունեցել երկու համայնքների ղեկավար կազմերի հետ։ Վայքում տեղի են ունեցել նաև հանդիպումներ Վայքի մշակույթի տան, Խ. Ներսիսյանի անվան արվեստի դպրոցի անձնակազմերի հետ, իսկ Ջերմուկում՝ Ջերմուկի երիտասարդական կենտրոնի աշխատողների, Շառլ Ազնավուրի անվան արվեստի դպրոցի և քաղաքային գրադարանի ներկայացուցիչների հետ։ Մարզի արվեստի դպրոցների ղեկավարության հետ քննարկվել են մարզում մեկ մասնագիտացված երաժշտական և արվեստի դպրոց հիմնադրելու հնարավորությունները, ինչպես նաև արվեստի դպրոցները որակյալ մասնագետներով համալրելու խնդիրը։
Ջերմուկից հետո Դանիել Դանիելյանն այցելել է Սյունիքի մարզ՝ հանդիպումներ ունենալով Կապանի մշակույթի տանը, Կապանի արվեստի պետական քոլեջում, Դրամատիկական թատրոնում, որտեղ նախարարի տեղակալը ծանոթացել է թատրոնի վերափոխման, շենքային պայմանների բարելավման նոր նախագծին, քննարկել երևանյան և մարզային թատերախմբերի փոխայցելությունների հնարավորությունները և այլն։
Քաջարանում շրջայցի ժամանակ Դանիել Դանիելյանին տպավորել են մշակույթի պալատի և արվեստի դպրոցի շենքային գերազանց պայմաններն ու տեխնիկական հագեցվածությունը։ Մշակույթի պալատում նախարարի տեղակալին ներկայացվել են համայնքի բնակիչների համար իրականացվող մշակութային կրթական և ժամանցային ծրագրերը, շահառուների թիվը և այլն։ Արվեստի դպրոցում Դանիել Դանիելյանը ծանոթացել է դպրոցի կողմից մատուցվող ծառայություններին՝ հատուկ ուշադրություն դարձնելով ազգային նվագարանների բաժնին, ունկնդրել դպրոցի սաների ելույթները։
Մեղրի, Ագարակ և Շվանիձոր կատարած այցելությունների ժամանակ նախարարի տեղակալն այցելել է մշակույթի տներ` յուրաքանչյուր տեղում մանրամասն ծանոթանալով այդ տների շենքային պայմաններին, կարծիքներ փոխանակել կառույցների պատասխանատուների հետ։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
