Դեկտեմբերի 3-ին՝ ՄԱԿ-ի Գլխավոր ասամբլեայի կողմից հռչակված Հաշմանդամների միջազգային օրը, Ա. Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել «Կողք կողքի» 4-րդ միջազգային ներառական երաժշտական արտ փառատոնի գալա համերգը։
Համերգին ներկա էին ՀՀ վարչապետի տիկին Աննա Հակոբյանը, Կրթության, գիտության, մշակույթի և սպորտի նախարարի տեղակալ Դանիել Դանիելյանը, պաշտոնատար անձինք, Հայաստանի Հանրապետությունում դիվանագիտական առաքելություններ իրականացնող կառույցների ներկայացուցիչներ, հյուրեր։
ՀՀ ԿԳՄՍ նախարարի տեղակալ Դանիել Դանիելյանը նախարար ժաննա Անդրեասյանի անունից ողջունել է ներկաներին, շնորհավորել փառատոնի մասնակիցներին և կազմակերպիչներին կարևոր նախաձեռնության իրականացման համար։
Դանիել Դանիելյանի նշմամբ՝ նախարարությունն անչափ կարևորում է ներառական ծրագրերը և իր աջակցությամբ մշտապես փառատոնի կողքին է․ «Ներառական ծրագրերը նախարարության ռազմավարության առանցքային կետերից են՝ ԿԳՄՍ բոլոր ոլորտներում։ Այս ուղղությամբ իրականացվում են բազմաթիվ նպատակային ծրագրեր, և այս փառատոնը մշակույթի ոլորտում ներառականության ապահովմանն ու զարգացմանն ուղղված ծրագրերից մեկն է։ Փառատոնն ունի խոսուն անվանում՝ «Կողք կողքի»․ այն արտացոլում է փառատոնի գաղափարն ու նպատակը՝ միասնականությունն ու միմյանց սատարումը։ Եվ հատկանշական է, որ այսօր այստեղ՝ մեկ հարթակում, ձեռք ձեռքի հանդես են գալիս անվանի երաժիշտներն ու առանձնահատուկ կարողություններով երեխաները և պատանիները։ Սա բարության, սիրո, միմյանց գնահատելու հրաշալի դրսևորում է»։
Նախարարի տեղակալը փառատոնին մաղթել է կանաչ ճանապարհ և հաջողություններ։
«Կողք կողքի» միջազգային ներառական երաժշտական արտ փառատոնի հիմնադիր-ղեկավար Նաիրա Սարգսյանն իր երախտագիտությունն է հայտնել փառատոնի աջակիցներին, հովանավորներին, գործընկերներին։
«Արդեն 4-րդ տարին է անցկացվում փառատոնը, և ԿԳՄՍ նախարարությունը մշտապես մեր կողքին է: Առաջին տարին փառատոնն անցկացվել է հանրապետության տարածքում՝ ընդգրկելով Երևանի և մարզերի ներառական կենտրոնների սաներին: Սակայն հաջորդ տարիներին փառատոնը լայնացրել է իր աշխարհագրությունը՝ դառնալով միջազգային: Այս չորս տարիների ընթացքում մեծ աշխատանք է արվել, սակայն դեռևս շատ անելիքներ ունենք առջևում»,- ասել է Նաիրա Սարգսյանը:
Գալա համերգին առանձնահատուկ կարողություններով երեխաներն ու պատանիները երաժշտաոլորտի անվանի երաժիշտների, երաժշտական խմբերի, անհատ-կատարողների հետ ելույթ են ունեցել վոկալ, երաժշտական, պարային կատարումներով: Հայաստանյան մասնակիցների հետ հանդես են եկել նաև Ռուսաստանի, Բահրեյնի, Վրաստանի ներկայացուցիչները:
Այս տարի փառատոնում ընդգրկված էր շուրջ 150 երեխա՝ ՀՀ մարզերի, Երևանի տարբեր ներառական կենտրոններից և արտերկրից։
Նշենք, որ փառատոնը մեկնարկել է առանձնահատուկ կարողություններ ունեցող երեխաների և պատանիների նկարչական և ձեռագործ աշխատանքների ցուցահանդեսով: Հ. Թումանյանի թանգարանի «Ռոտոնդա» ներառական թատերախումբը հանդես է եկել «Էսպես չի մնա» /ըստ Հ. Թումանյանի/ ներկայացումով: Տեղի են ունեցել համերգ և «Ամբրելա» ռուսաստանյան ներառական նախագծում հաղթող ճանաչված հայ մասնակիցների մրցանակաբաշխության արարողությունը:
Փառատոնի շրջանակում Ռուսաստանի, Գերմանիայի, Ֆրանսիայի ներառական կրթության ոլորտի հեղինակավոր մասնագետները հայաստանյան գործընկերների հետ կիսվել են իրենց փորձով։ Կլոր սեղանի շուրջ քննարկվել են ոլորտում առկա խնդիրները, մարտահրավերներն ու արդի միտումները:
Նշենք նաև, որ փառատոնն իրականացրել է «Կողք կողքի» կրթամշակութային ՀԿ-ն ՀՀ կրթության, գիտության, մշակույթի և սպորտի նախարարության աջակցությամբ, ՀՀ վարչապետի տիկին Աննա Հակոբյանի հովանու ներքո։
Փառատոնի հովանավորն է «ArLeAM» ընկերությունը, գործընկերները՝ Երևանի Հովհ. Թումանյանի անվան պետական տիկնիկային թատրոնը, Երևանի մանկապատանեկան ստեղծագործության քաղաքային կենտրոնը, «Աուտիզմ» ազգային հիմնադրամը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ