ԿԳՄՍ նախարար Ժաննա Անդրեասյանն այսօր ընդունել է ՀՀ-ում ՄԱԿ-ի պարենի համաշխարհային ծրագրի գրասենյակի տնօրեն Նանա Սկաուին:
Հանդիպմանը ներկա է եղել նաև ԿԳՄՍ նախարարի տեղակալ Արթուր Մարտիրոսյանը:
ԿԳՄՍ նախարարը կարևորել է ՄԱԿ-ի պարենի համաշխարհային ծրագրի հետ արդյունավետ համագործակցության շարունակականության ապահովումը: Ժաննա Անդրեասյանն ընդգծել այս տարվա հոկտեմբերին Փարիզում անցկացված «Դպրոցական սնունդ» կոալիցիայի առաջին գլոբալ համաժողովին Հայաստանի մասնակցությունը:
«Շնորհակալ ենք թե՛ կոալիացիային անդամակցության, և թե՛ համաժողովի մասնակցությանն աջակցելու համար: Այս ծրագրում ներգրավվածությունը մեզ համար շատ կարևոր է»,- ասել է ԿԳՄՍ նախարարն ու տեղեկացրել՝ համաժողովի ընթացքում քննարկվել են նաև հետագա համագործակցության հեռանկարները:
Այս համատեքստում Ժաննա Անդրեասյանն ընդգծել է՝ աշխատանքներ են տարվում 2025-26 ուսումնական տարվա մեկնարկին Երևանի դպրոցները ևս ծրագրում ներառելու հնարավորության շուրջ, ինչը թույլ կտա մեծացնել ծրագրի շահառու երեխաների թիվը:
Ժաննա Անդրեասյանը գրասենյակի տնօրենի ուշադրությունն է հրավիրել Կառավարության կողմից իրականացվող դպրոցաշինության մեծածավալ աշխատանքներին, որը ներառում նաև ուսհաստատությունների ճաշարանները: Այս գործընթացում նախարարը կարևորել է «Դպրոցական սնունդ և երեխաների բարեկեցություն» հիմնարկի ներգրավվածությունը՝ որպես այս ուղղությամբ մասնագիտացված կառույց:
ՀՀ-ում ՄԱԿ-ի պարենի համաշխարհային ծրագրի գրասենյակի տնօրեն Նանա Սկաուն շնորհակալություն է հայտնել ընդունելության համար և շեշտել Հայաստանում «Դպրոցական սնունդ» ծրագրի գրանցած հաջողությունները: Նանա Սկաուն ևս կարևորել է Փարիզում անցկացված «Դպրոցական սնունդ» կոալիցիայի առաջին գլոբալ համաժողովին Հայաստանի մասնակցությունը: «Համաժողովին իսկապես շատ տպավորիչ մասնակցություն ունեցաք: Կարծում եմ՝ մի շարք երկրների հետ ունեք կիսվելու տպավորիչ արդյունքներ, քանի որ Հայաստանում այս ծրագիրն իսկապես նշանակալի հաջողություններ է գրանցում»:
Նանա Սկաուն նաև տեղեկացրել է՝ իրականացված որոշակի հետազոտություններ ցույց են տալիս, որ ծրագիրն իր դրական ազդեցությունն է ունենում ՀՀ մարզերի դպրոցականների վրա, որոնք արդեն իսկ էականորեն վերանայել են իրենց սննդակարգն ու ավելի առողջ են սնվում:
ԿԳՄՍ նախարար Ժաննա Անդրեասյանը կարևորել է նմանօրինակ հետազոտությունների անցկացումը՝ ծրագրի ներդրման իրական ազդեցությունն ու արդյունքները հասկանալու համար:
Հանդիպման ընթացքում անդրադարձ է կատարվել նաև «Դպրոցական սնունդ և երեխաների բարեկեցություն» հիմնարկի գործունեությանը՝ ընդգծելով դրա շարունակականության ապահովման կարևորությունը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ