ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍՆ նախնական և միջին մասնագիտական կրթության վարչության պետ Արմենուհի Պողոսյանն այսօր «Արմենպրես» լրատվական գործակալությունում կայացած մամուլի ասուլիսի ընթացքում ներկայացրել է ՄԿՈՒ ոլորտի բարեփոխումները:
Արմենուհի Պողոսյանը հայտնել է, որ ՀՀ արհեստագործական և միջին մասնագիտական կրթական ծրագրեր իրականացնող շուրջ 100 հաստատությունում այս պահի դրությամբ սովորում է ավելի քան 30 հազար ուսանող՝ չհաշված Լեռնային Ղարաբաղից բռնի տեղահանված ուսանողները: Վարչության պետի խոսքով՝ նրանց կողմից դիմումների ստացումն ընթացքի մեջ է. այս պահին ավելացել է մոտ 1000 ուսանող, սակայն վերջնական տվյալները կամփոփվեն տարեվերջին:
«ՄԿՈՒ հաստատությունների պահանջվածության առումով վերջին տարիներին դրական դինամիկա կա: Նախորդ տարվա համեմատ՝ այս տարվա ընդունելությունը, մեկ-երկու մասնագիտությունների տարբերությամբ, աճել է, որոշ դեպքերում՝ պահպանվել»,- ասել է Արմենուհի Պողոսյանը՝ բացատրելով, որ դիմորդների քանակի տատանումները պայմանավորված են տարբեր հանգամանքներով, բայց ոլորտի նկատմամբ վերաբերմունքը վստահաբար փոխվել է:
Նրա խոսքով՝ դրական դինամիկայի պատճառներից մեկն աշխատաշուկայում մի շարք մասնագիտությունների նկատմամբ պահանջարկի մեծացումն է. «Շատ լուրջ ազդեցություն են ունեցել նաև իրականացվող բարեփոխումները և միջազգային կազմակերպությունների աջակցությամբ իրականացվող տարբեր ծրագրերը»:
Անդրադառնալով ՄԿՈՒ ոլորտում պրակտիկ ուսուցման հետ կապված խնդիրներին՝ բանախոսը նշել է, որ ներկայում ուսանողներն ավելի քիչ գործնական աշխատանքներ են կատարում և ավելի շատ լսարանային դասեր անցկացնում: «Այս ուղղությամբ նախարարությունը բազմաթիվ ծրագրեր է իրականացնում. Գերմանիայի միջազգային համագործակցության ընկերության հետ համատեղ ՄԿՈՒ համակարգում ներդրվել է դուալ ուսուցման համակարգը, ինչն իրենից ենթադրում է ուսուցում հենց աշխատավայրում», - ասել է Արմենուհի Պողոսյանը՝ ավելացնելով, որ շուրջ 20 հաստատություններում 24 մասնագիտության գծով իրականացվում է դուալ կրթություն: «Բոլորս շատ լավ գիտենք, որ գործատուին որակյալ կադր է պետք, իսկ դա հնարավոր է միայն համագործակցության միջոցով: Մեր ծրագրերի շրջանակում ներգրավված բոլոր գործատուներն իրենք են քաղում դուալ ուսուցման ձևի դրական արդյունքները: Նրանք տեսնում են, թե դա որքանով է նպաստում որակյալ աշխատուժի ստեղծմանը»,-նշել է Արմենուհի Պողոսյանը:
Վարչության պետն անդրադարձել է նաև օրերս Կառավարության նիստում հավանության արժանացած «Մասնագիտական կրթության և ուսուցման մասին» օրենքի նախագծին, որը, ըստ բանախոսի, լիարժեք արտացոլում է այն բարեփոխումների ուղղությունները, որոնք ներառված և՛ Կառավարության 2021-2026 թվականների ծրագրում, և՛ «ՀՀ կրթության՝ մինչև 2030 թվականը զարգացման պետական ծրագրում»:
«Միջին մասնագիտական ոլորտը տնտեսության հիմքն է: Այն հնարավորություն է տալիս շատ ավելի ճկուն և արագ ուսուցման ձևերով ստանալ անհրաժեշտ հմտություններն ու կարողությունները և համալրել աշխատաշուկան: Նոր օրենքի նախագիծը ստեղծել է այն օրենսդրական հիմքերը, որոնցով հնարավոր կլինի ապահովել մեր տնտեսությունը մրցունակ և որակյալ կադրերով»,-նշել է նա:
ՄԿՈՒ վարչության պետի խոսքով՝ նոր օրենքի նախագծով անցում է արվում շատ կարևոր ձևաչափի, որը վերաբերում է և՛ բովանդակությանը, և՛ մասնավոր ոլորտի հետ համագործակցությանը: Ըստ վարչության պետի՝ լիցենզավորման մասով ուսհաստատությունների առջև դրվող պահանջներն ավելի խիստ են լինելու, որոնք նախևառաջ միտված են որակյալ կրթության ապահովմանը: Նախատեսվում է կենտրոնանալ գործնական ուսուցման միջավայրի ստեղծման և ապահովման վրա:
Ըստ Արմենուհի Պողոսյանի՝ նոր օրենքը հնարավորություն է տալու, որպեսզի պրակտիկ դասընթացների կազմակերպման հիմնական պատասխանատվությունը դրվի ուսհաստատության վրա: Ուսանողն էլ կարող է իր ուժերով գտնել հաստատություն, որտեղ կանցնի պրակտիկա, բայց պետք է եռակողմ համագործակցություն ապահովվի ուսհաստատության, ուսանողի և գործատուի միջև: Նոր նախագծով որպես ուղիղ պատասխանատու սահմանվելու են դասախոսը և արտադրությունում՝ հրահանգիչը, որը լինելու է ուսանողին միաժամանակ սովորել և աշխատել սովորեցնող անձը:
Նրա խոսքով՝ օրենքի նախագիծն ամբողջովին նոր մոտեցում է նախատեսում՝ և՛ ուսման վարձի փոխհատուցման, և՛ դուալ ուսուցման պարագայում ուսանող-աշխատողին աշխատավարձի տրամադրման տեսանկյունից:
Անդրադառնալով ՄԿՈՒ ոլորտի ուսհաստատությունների մանկավարժական անձնակազմի մասնագիտական զարգացման և խրախուսման մեխանիզմներին՝ Արմենուհի Պողոսյանը տեղեկացրել է, որ հանրակրթության ոլորտին համանման մի գործընթաց էլ այստեղ է ընթանում՝ ատեստավորում և տարակարգի շնորհում, որոնք կմեկնարկեն հաջորդ տարվանից: «Դրանք հանգեցնելու են և՛ մանկավարժների դրույքաչափի փոփոխմանը, և՛, համապատասխան միավորների դեպքում, հավելավճարների տրամադրմանը: Այս ծրագրերից այս պահին կարող են օգտվել հանրակրթական առարկաներ դասավանդողները, իսկ հաջորդ տարվանից, բնականաբար, փուլային կմեկնարկի գործընթացը մյուսների համար»:
Արմենուհի Պողոսյանը նշել է ևս մեկ կարևոր միջոցառման մասին՝ մասնավոր հատվածից դասախոսների ներգրավումը՝ որպես տվյալ ոլորտի առանցքային փորձագետներ:
Որպես ամփոփում՝ Արմենուհի Պողոսյանը տեղեկացրել է, որ գործադիրի կողմից հավանության արժանանալուց հետո հաջորդիվ սպասվում է օրենքի նախագծի ներկայացումն ԱԺ-ին, որը կուղեկցվի լրամշակումներով: Նա հույս է հայտնել, որ արդեն հաջորդ տարվանից օրենքն ուժի մեջ կմտնի, որից հետո ակնկալվում են ավելի մեծ անելիքներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
ՀՀ ԿԳՄՍՆ «Կրթության զարգացման և նորարարությունների ազգային կենտրոն» հիմնադրամը մշակում է հերթական ատեստավորման ենթակա ուսուցչի մասնագիտական զարգացման կարիքների գնահատման աշխատակարգ և ուղեցույց: Գյումրու թիվ 38 հիմնական դպրոցը հանդիսանում է ԿԳՄՍ նախարարության կողմից հաստատված վերապատրաստող կազմակերպություն։ Վերապատրաստումների անցկացման ընթացքում ձեռք բերված փորձը հուշեց գրել այս ծրագիրը, որը հիմք կհանդիսանա ուսուցիչների ինքնագնահատման գործիքների ստեղծման համար։ Ուսուցչի մասնագիտական զարգացման կարիքների գնահատումը նախատեսվում է իրականացնել ուսուցչի ինքնագնահատման, ինչպես նաև ուսումնական հաստատության տնօրենի, տնօրենի տեղակալի, առարկայական մեթոդական միավորման նախագահի դիտարկումների և դասալսումների միջոցով: Գնահատումն իրականացվելու է ամեն տարի՝ սեպտեմբեր-հունվար ամիսներին: Ուսուցչի մասնագիտական զարգացման կարիքների գնահատման ենթակա են տվյալ հանրակրթական ուսումնական հաստատության ընթացիկ ուստարում հերթական ատեստավորման ենթակա բոլոր ուսուցիչները: Դպրոցի տնօրինությունը չունի գործընթացը լիարժեք վերահսկելու և կարիքների վերհանման գործուն մեխանիզմներ, իսկ ուսուցիչը՝ ինքնագնահատման գործիքներ, որը կառաջացնի որոշակի խուճապ ուսուցիչների մոտ։ Ելնելով վերոհիշյալից ԿԶՆԱԿ հիմնադրամի կողմից առաջարկվող ինքնագնահատման հարցաթերթիկը լրացնելու համար անհրաժեշտ է ապահովել ուսուցիչների մասնագիտական կարիքների վերհանման անկողմնակալ, միջանկյալ մեխանիզմ։ Ստեղծել ՈԻԿՀ (Ուսումնական կառավարման համակարգ) հարթակներից որևէ մեկի ՝ MS Teams, Google Classroom, Moodle միջոցով հարցերի բանկ, որն իր մեջ կընդգրկի շարունակական լրացվող հարցեր այն բոլոր բաղադրիչներից, որոնք ուսումնասիրվում են պարտադիր ատեստավորման ենթական ուսուցիչների վերապատրաստման ընթացքում։ Հարցաշարերը կկազմվեն Google Forms կամ MS Forms գործիքներով: Միջանկյալ գործիքները հնարավորություն կընձեռեն ուսուցիչներին մինչև տնօրինության կողմից հարցաթերթիկի լրացումը բացահայտել իրենց կարիքները և լինել ավելի ինքնավստահ և ինքնուրույն շարունակաբար աշխատել իր մասնագիտական զարգացման վրա։ Գործիքի ստեղծումից հետո կառաջարկենք վերապատրաստող կազմակերպություններին, որպեսզի նրանք ևս օգտագործեն այս միջանկայլ մեխանիզմը և վերապատրաստումների որակն ավելի բարձրացնեն, դարձնեն նպատակային, և´ ուսուցիչները, և´ վերապատրաստող կազմակերպությունները հնարավորություն կունենան իրենց աշխատանքի որակը բարձրացնելու, կաջակցենք ԿԳՄՍ նախարարությանը այս գործընթացը արդյունավետ անցկացնելու գործում։ Նմուշ օրինակ, որը սակայն մշտապես փոփոխվելու է և վերամշվելու պայմանավորված կրթական բարեփոխումներով։ Նախատեսում ենք նաև աջակցել մեթոդմիավորումներին դասալսումների վերլուծությունների համար։ Հարթակից օգտվելու հնարավորություն կստեղծվի նաև հանրակրթական դպրոցների տնօրինությանը։ Հաստատված պետական և առարկայական նոր չափորոշիչներում կարևոր դեր է հատկացված սովորողների քննադատական մտածողության զարգացմանը, նախագծեր իրականացնելուն, որը սակայն կարող է միայն իրականացնել այն ուսուցիչը որն ինքը ունի հետազոտական հմտություններ և կարողունակություններ: Չափորոշչային պահանջները իրականացնելու համար անհրաժեշտ է առաջին հերթին զարգացնել ուսուցիչների մասնագիտական և հետազոտական հմտությունները: Շատ ուսուցիչներ ի վիճակի չեն խնդիրները բացահայտելու ինքնուրույն լուծումներ առաջարկելու առավել ևս դրանք լուծելու: Ուսուցիչները պարտադիր ատեստացիոն վերապատրաստումների ժամանակ լուրջ դժվարությունների են հանդիպում հետազոտական աշխատանքեր գրելու ընթացքում, մասսայական արտագրություններ, կոռուպցիոն ռիսկեր: Վերապատրաստումները ավարտվելուց հետո ուսուցիչները մեծամասամբ ի վիճակի չեն լինում ինքնուրույն լուծումներ գտնելու, դպրոցը կենդանի օրգանիզմ է, անընդհատ նոր փոփոխությունների կարիք կզգացվի: Հետևաբար այս պահին առաջնահերթություն է ուսուցիչների հետազոտական հմտությունների զարգացումը: Նախնական փուլում մեր կողմից կիրականցվի հարցում ուսուցիչների հետ, վերապատրաստում անցած Շիրակի մարզի տարբեր շրջանների ուսուցիչների մոտ, բացահայտելու համար նրանց կրթական կարիքները, մասնավորապես հետազոտական աշխատանքներ իրականացնելիս, դասպլաններ կազմելիս: Երկրոդ փուլում ընտրված ուսուցիչների հետ ըստ իրենց կարիքների կանցկացվեն անհատական վերապատրաստումներ և հետազոտական հմտությունների զարգացման աշխատանքներ: Գործնական մասում նրանց հետ կզարգացնեք հետազոտական աշխատանքներ գրելու հմտություններ: Արդյունքում կստեղծվի հետազոտական աշխատանքների բանկ, որը հասանելի կլինի մյուս ուսուցիչներին ևս, որոնք կարող են այդ հետազոտությունների արդյունքներն օգտագործել խմբակների և նախագծային ուսուցման աշխատանքները պլանավորելիս: Բացահայտված կարիքները և առաջադրված խնդիրների լուծումները կփոխանցվեն ԿԳՄՍ նախարարություն կրթական քաղաքականության ռազմավարություններ մշակելու համար:
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
