ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Հայաստանի սամբոյի ֆեդերացիայի նախագահ Միքայել Հայրապետյանին և ֆեդերացիայի այլ ներկայացուցիչների:
Հայաստանի սամբոյի ֆեդերացիայի և ԿԳՄՍՆ սպորտի քաղաքականության վարչության ներկայացուցիչների մասնակցությամբ հանդիպման ընթացքում ամփոփվել են Երևանում նոյեմբերի 10-12-ն անցկացված աշխարհի առաջնության արդյունքներն ու կազմակերպչական աշխատանքները:
ԿԳՄՍ նախարարի տեղակալը շնորհակալություն է հայտնել գործադրած ջանքերի և կատարած մեծ աշխատանքի համար, ինչի շնորհիվ Երևանում անցկացված առաջնությունը, Միջազգային ֆեդերացիայի ղեկավարների և մյուս գործընկերների գնահատմամբ, մտել է սամբոյի պատմության մեջ՝ որպես երբևէ անցկացված լավագույն աշխարհի առաջնություն:
«Միջազգային ֆեդերացիայի ամենաբարձր պատասխանատուների, տարբեր երկրների ազգային ֆեդերացիաների նախագահների, միջազգային ԶԼՄ-ների ներկայացուցիչների և հենց մարզական պատվիրակությունների գնահատմամբ՝ սամբոյի աշխարհի առաջնությունն անցկացրել ենք ամենաբարձր մակարդակով: Սա, իսկապես, բոլորովին այլ մակարդակ է: Շնորհակալություն եմ հայտնել Սամբոյի ֆեդերացիային կատարած մեծ աշխատանքի և Հայաստանը 70-ից ավելի երկրների շուրջ 700 մարզիկների շրջանում հանրահռչակելու համար: Կարելի է պատկերացնել, թե ամբողջ աշխարհում այս ամենն ինչ արձագանք է ստացել: ՀՀ կառավարությունը՝ ի դեմս ԿԳՄՍ նախարարության, հետագայում էլ կլինի ձեր կողքին ու կաջակցի ձեր լավագույն նախաձեռնությունները: Սամբոյի ֆեդերացիան մշտապես հանդես է բերում խանդավառություն, նախաձեռնողականություն և նորարարություն՝ ջանք ու եռանդ չխնայելով»,- ասել է Կարեն Գիլոյանը:
Հայաստանի սամբոյի ֆեդերացիայի նախագահ Միքայել Հայրապետյանը, շնորհակալություն հայտնելով պատրաստակամության համար, ընդգծել է՝ Հայաստանում անցկացված աշխարհի առաջնության «Սամբոն ընտանիք է, ընտանիքը՝ ուժ, ուժը՝ խաղաղություն» կարգախոսը դարձել է նաև Միջազգային ֆեդերացիայինը:
«Դա մեր մեծ սպորտային ընտանիքն է, որն ամբողջ աշխարհին ցույց է տվել՝ Հայաստանն այն երկիրն է, որտեղ կարելի է անցկացնել միջազգային ամենաբարձր մակարդակի մրցումներ: Յուրաքանչյուր պատասխանատուի քրտնաջան աշխատանքն ու վերաբերմունքը շատ գնահատելի են: Ուրախ եմ, որ այս մեծ ընտանիքի մի մասն եմ կազմում»,- ասել է Միքայել Հայրապետյանը և տեղեկացրել՝ միջազգային Eurosport հեռուստաալիքում Երևանում անցկացված առաջնությունը 20 մլն դիտում է ունեցել:
Հանդիպման ընթացքում ֆեդերացիայի նախագահը ԿԳՄՍ նախարարի տեղակալ Կարեն Գիլոյանին է հանձնել Երևանում անցկացված աշխարհի առաջնության ոսկե հուշամեդալ և խորհրդանշական այլ պարգևներ:
Հիշեցնենք՝ Հայաստանի հավաքականները 10 մեդալով են ավարտել ելույթները Երևանում անցկացված սամբոյի մեծահասակաների աշխարհի 2023 թվականի առաջնությունում:
Առաջնության փոխչեմպիոններ են հռչակվել Արամ Աղաջանյանը (71 կգ), Բորիս Շատվերյանը (79 կգ), Դավիթ Գրիգորյանը (98 կգ), մարտական սամբոյից՝ Ավետիք Պողոսյանը (88 կգ), Վահրամ Գրիգորյանը (64 կգ):
Բրոնզե մեդալներին արժանացել են Վահագն Չալյանը (88 կգ), Վարսիկ Գրիգորյանը (54 կգ), մարտական սամբոյից՝ Վաչիկ Վարդանյանը (71 կգ), Սարգիս Վարդանյանը (79 կգ), Արման Ավանեսյանը (98 կգ):
Հայաստանի հավաքականներն աշխարհի առաջնությանը մասնակցում էին մարզիչներ Վովիկ Խոջայանի, Հայկ Ավետիսյանի և Էռնեստ Միրզոյանի ղեկավարությամբ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
