Գորիսի պետական համալսարանը ՀՀ կրթության, գիտության, մշակույթի և սպորտի նախարարության աջակցությամբ երկրորդ տարին է՝ իրականացնում է անվճար մասնագիտական դասընթացների շարք։
Նպատակը ոչ ֆորմալ կրթության միջոցով մասնագիտական վերապատրաստման հնարավորությունների, մասնագիտական կողմնորոշման ծրագրերի մասին երիտասարդների (այդ թվում՝ արցախյան վերջին պատերազմի մասնակիցների, պատերազմից ներազդված հասարակության այլ շերտերի երիտասարդների) իրազեկվածության և ներգրավվածության բարձրացումն է։
Այս տարի «Հնարավորություններ և հեռանկարներ» խորագրով իրականացվող դասընթացներին մասնակցելու ցանկություն է հայտնել շուրջ 287 երիտասարդ:
Պետական ֆինանսավորմամբ իրականացվող ծրագրի նպատակն է Սյունիքի մարզի երիտասարդների համար ապահովել մասնագիտական կողմնորոշման, հմտությունների զարգացման, կարիերայի աջակցման համար պայմաններ՝ աշխատաշուկայում արդյունավետ ներգրավման համար անհրաժեշտ անձնային և մասնագիտական աճ ապահովող կարողությունների զարգացման միջոցով:
Գորիսի պետական համալսարանի աշխատանքային թիմը շարունակաբար ընթացիկ հարցումներ է իրականացրել՝ պարզելու ծրագրի ընթացքի, կազմակերպվածության և դասընթացավարների պատրաստվածության մակարդակի մասին երիտասարդ մասնակիցների կարծիքները։
Ստացված տվյալներով կարելի է փաստել, որ երիտասարդների համար նման ձևաչափով կազմակերպվող դասընթացները համարվել են չափազանց արդյունավետ։ Օրինակ, «Գնումների գործընթացի կազմակերպում» դասընթացի մասնակիցները, առանձնակի կարևորելով դասընթացի մեթոդաբանությունը և շնորհակալություն հայտնելով ԿԳՄՍՆ-ին ու Գորիսի պետական համալսարանին, հիմնականում նշել են, որ դասընթացը եղել է բավականին օգտակար, և կազմակերպվել է ինտերակտիվ, նորարական մոտեցումներով։
«Մշտապես ունեցել ենք հնարավորություն ինքնուրույն աշխատանքների միջոցով կատարելու իրավիճակային խնդիրներ և ավելի լավ պատկերացում կազմելու գնումների գործընթացի կազմակերպման վերաբերյալ: Այս առումով դասընթացը շատ օգտակար էր»,- նշել է դասընթացի մասնակիցներից մեկը:
Մասնակիցներից շատերը նշել են, որ դասընթացից ստացել են արժեքավոր գիտելիք ու հմտություններ և հետագայում կփորձեն վերամասնագիտանալ այդ ոլորտում, իսկ որոշները ընդգծել են, որ, լինելով ոլորտում գործող երիտասարդ մասնագետ, ծրագիրը մասնագիտական զարգացման լավագույն և հասանելի հնարավորություն է տվել:
«ՀՀ աշխատանքային օրենսդրություն» դասընթացի դասընթացավար, փաստաբան Արկադի Հովհաննիսյանի խոսքով՝ երիտասարդների ոգևորությունը, ակտիվությունն ու հետաքրքրությունը պահպանվել են դասընթացի ավարտից հետո ևս: Նա փաստել է՝ ծրագրի մասնակիցները ցանկություն են հայտնել, որ այն կրի շարունակական բնույթ, քանի որ աշխատանքային իրավունքների պաշտպանության ուղղությամբ իրազեկվածության բարձրացումը մասնագիտական կողմնորոշման և աշխատաշուկայում անհրաժեշտ հմտությունների ձեռքբերման տեսանկյունից էական նշանակություն ունի երիտասարդների համար։
Ծրագրի շրջանակում մինչ այժմ առկա և հեռավար ձևաչափերով կազմակերպվել են «Մեդիագրագիտություն», «Ընդհանուր անգլերեն», «Թվային հմտություններ», «Մենեջմենթ», «ՀՀ աշխատանքային օրենսդրություն», «Գնումների գործընթացի կազմակերպում» դասընթացները, ստեղծվել են էլեկտրոնային ուսուցման կառավարման հարթակներ: Ընթացքի մեջ են «Հաշվապահական հաշվառում», «Թվային հմտություններ», «Թիմային աշխատանք», «Հաղորդակցման հմտություններ և հոգեբանական տեխնիկաներ», «Սթրեսի կառավարում», «Ժամանակի կառավարում և ուշադրություն մանրուքներին», «Խնդիրների լուծում և ստեղծարարություն», «Առաջնորդության հմտություններ» դասընթացները:
Ծրագրի շրջանակում կազմակերպվելու է նաև աշխատանքի տոնավաճառ, որի նախապատրաստական աշխատանքները ներկայում ակտիվ փուլում են։ Ծրագրի երրորդ բաղադրիչով նախատեսվում է իրականացնել հետազոտություն, որը վեր կհանի աշխատաշուկայում երիտասարդների պահանջարկի, ժամանակակից մասնագիտությունների և զբաղվածության հետ առնչվող մի շարք հիմնահարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ