ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանն այսօր հրավիրված մամուլի ասուլիսի ընթացքում ներկայացրել է ՀՀ մշակույթի պահպանության, զարգացման և հանրահռչակման 2023-2027 թթ. ռազմավարությունը ժամանակակից արվեստի ոլորտում:
Փոխնախարարը նշել է՝ ռազմավարությունն այն հիմնարար փաստաթուղթն է, որով պետք է առաջնորդվել առաջիկա տարիներին մշակույթի ոլորտում գործունեություն իրականացնելիս:
Ըստ Դանիել Դանիելյանի՝ մշակույթի ռազմավարությունը կառուցված է մեկը մյուսից բխող երեք շղթայական օղակներից՝ ոչ նյութական մշակութային ժառանգություն՝ որպես պատմական մշակութային արժեք, կատարողական արվեստ և երրորդ օղակը՝ ինչպես, ում և երբ ներկայացնել մշակույթը, ովքեր են թիրախները:
«Մշակութային և ստեղծարար ոլորտի ռազմավարական նպատակին՝ նորարար, ներկայանալի և մրցունակ հայ ժամանակակից արվեստ ունենալու համար սահմանվել ենք 6 հիմնական գերակայություն»,- ասել է Դանիել Դանիելյանը:
Նշված գերակայություններից է մշակույթի կառավարման ժամանակակից համակարգերի և ֆինանսավորման նոր մոդելի ներդրումը, որը կհիմնվի հաստատության գեներացրած եկամուտները պետական աջակցությամբ ավելացնելու սկզբունքի վրա. նախորդ տարվա համեմատ՝ ավելացված մուտքերը պետության կողմից կկրկնապատկվեն:
«Ռազմավարությունում նախանշված գերակայություններից է թատերահամերգային կազմակերպություններում նյութատեխնիկական բազայի արդիականացումը: Արդեն իսկ միջոցներ են հատկացվել թատրոնների վերազինման, աշխատանքային միջավայրի բարելավման ուղղությամբ: Այդ աշխատանքներն ընթացքի մեջ են: Հանդիսատեսը մշակույթին պետք է հաղորդակցվի ներկայանալի կառույցներում»,- ասել է ԿԳՄՍ նախարարի տեղակալը՝ ներկայացնելով Սունդուկյանի անվան, Օպերայի և բալետի ազգային ակադեմիական, Վանաձորի թատրոններում իրականացված և նախատեսվող աշխատանքները:
Երիտասարդ ստեղծագործողներին խրախուսելու և աջակցելու համատեքստում Դանիել Դանիելյանն ընդգծել է հաջորդ գերակայության՝ ինքնազբաղ/անկախ ստեղծագործողների գործունեության խթանման կարևորությունը: «Բազմաթիվ տաղանդավոր երիտասարդներ ունենք, որոնք մասնակցում են միջազգային տարբեր մրցույթների և վերադառնում հաղթանակով: Մեր խնդիրն է պատշաճ գնահատել նրանց և խրախուսել տարբեր հեղինակավոր հարթակներում նրանց մասնակցությունը»,- ասել է փոխնախարարը՝ այս գործընթացում կարևորելով մասնավոր հատվածի հետ համագործակցությունը:
ԿԳՄՍ նախարարի տեղակալ Դանիել Դանիելյանն անդրադարձել է նաև գեղագիտական դաստիարակության և գեղարվեստական կրթության համակարգի կատարելագործման, համայնքներում մշակույթի համաչափ զարգացման ապահովման հարցերին. «Մենք առաջնային ենք համարում մշակույթի ապակենտրոնացումը՝ համայնքների համաչափ զարգացմամբ և հասանելիության ապահովմամբ: Նախատեսվում է մեծացնել նաև արվեստի և երաժշտական կրթության դասավանդման ծավալները՝ մասնագիտական և հենակետային դպրոցների հիմնմամբ»:
Փոխնախարարը, որպես գերակայություն, ընդգծել է նաև հայ մշակույթի հանրահռչակումն ու հանրային լայն մասնակցության ապահովումը մշակութային կյանքին՝ թե՛ Հայաստանի ներսում, թե՛ ՀՀ սահմաններից դուրս: Այս համատեքստում նա տեղեկացրել է, որ Ֆիլհարմոնիկ նվագախումբը համերգային ծրագրով այժմ գտնվում է Աթենքում՝ Արամ Խաչատրյանի 120-ամյակի շրջանակում: Նշվել է նաև, որ նույն ծրագրի շրջանակում Օպերային թատրոնը հանդես կգա Ֆրանսիայի տարբեր քաղաքներում, իսկ Սիմֆոնիկ նվագախումբը կմեկնի Չինաստան:
Ամփոփելով ասուլիսը՝ Դանիել Դանիելյանը նշել է, որ 2024 թվականը ևս հոբելյանական է. կձևավորվեն հոբելյանական հանձնաժողովներ Շառլ Ազնավուրի և Սերգեյ Փարաջանովի 100-ամյակները պատշաճ անցկացնելու նպատակով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
