ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հայ սամբիստների արդյունքներն աննախադեպ էին աշխարհի առաջնությունում. Երևանում ավարտվեց մեծահասակների ԱԱ-ն

Նոյեմբերի 13, 2023
Սպորտային լուրեր

Աշխարհի ավելի քան 70 երկրի 650 սամբիստներ 3 օր շարունակ Երևանում պայքարեցին աշխարհի առաջնության բաղձալի մեդալների համար: Կանանց և տղամարդկանց մարզական սամբոյի, և տղամարդկանց մարտական սամբոյի մրցումներում Հայաստանը ներկայացուցիչներ ունեցավ բոլոր քաշային կարգերում և արդյունքում կարողացավ 10 մեդալ նվաճել՝ 5 արծաթե և 5 բրոնզե:

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանի գնահատմամբ՝ հայ մարզիկների մրցելույթներն աննախադեպ էին:

«Շնորհավորում եմ բոլորիս. սա իսկապես շատ լավ արդյունք է. ավելին է, քան երբևէ եղել է: Հայաստանի սամբոյի մեծահասակաների հավաքականն աշխարհի առաջնություններում երբևէ այսքան մեդալ չէր նվաճել: Ցավոք, ոսկե մեդալ չունեցանք. ոմանց խանգարեց հուզմունքը, ոմանք շատ ավելին էին ցանկանում անել, բայց ունենք այն, ինչ ունենք: Պետք է աշխատել հաջորդ առաջնությունում ոսկե մեդալներ ունենալու համար»,- նշել է Կարեն Գիլոյանը:

Նախարարի տեղակալն ընդգծել է՝ մարզական խոշոր միջոցառումների անցկացման առումով Հայաստանը բարձր նշաձող է սահմանել. «3 օր շարունակ աշխարհի սամբիստների մայրաքաղաքը Երևանն էր: Կազմակերպչական առումով կարող եմ ասել, որ մրցաշարը բարձրակարգ էր։ Դրա վառ վկայությունը մասնակից երկրների ներկայացուցիչների շնորհակալական խոսքերն էին. շատերն ասում էին, որ սա լավագույն առաջնությունն էր, որին իրենք մասնակցում էին: Կարող ենք փաստել, որ մենք ի զորու ենք անցկացնել բարձր կարգի մրցումներ»:

Հայաստանի հավաքականի գլխավոր մարզիչ Վովիկ Խոջայանի գնահատմամբ՝ մեծահասակների աշխարհի առաջնությունում 10 մեդալ նվաճելը գերազանց արդյունք է:

«Ճիշտ է, ոսկե մեդալ չկարողացանք նվաճել, բայց սա առաջին դեպքն էր, երբ Հայաստանի մեծահասակների հավաքականը 10 մեդալ է նվաճում աշխարհի առաջնությունում: Հավատացնում եմ՝ սա գերազանց արդյունք է մեզ համար: Ոսկե մեդալին շատ մոտ էինք: Կարծում եմ՝ տղաներին մի քիչ չհերիքեց վստահությունը սեփական ուժերի նկատմամբ, նաև կաշկանդում էր այն հանգամանքը, որ տանն են հանդես գալիս: Պատասխանատվությունը մեծ էր, լարվածություն կար: Կարծում եմ՝ մյուս տարի մեր երիտասարդները կարդարացնեն բոլորիս սպասելիքները: Ամեն դեպքում, Հայաստանի հավաքականը երբեք մեծահասակների աշխարհի առաջնության եզրափակիչներում 5 մասնակից չէր ունեցել. սա աննախադեպ էր»,- նշել է գլխավոր մարզիչը:

Հիշեցնենք՝ Երևանում անցկացված սամբոյի աշխարհի մեծահասակների առաջնության փոխչեմպիոններ են հռչակվել Արամ Աղաջանյանը (71 կգ), Բորիս Շատվերյանը (79 կգ), Դավիթ Գրիգորյանը (98 կգ), մարտական սամբոյից՝ Ավետիք Պողոսյանը (88 կգ), Վահրամ Գրիգորյանը (64 կգ):

Բրոնզե մեդալներին արժանացել են Վահագն Չալյանը (88 կգ), Վարսիկ Գրիգորյանը (54 կգ), մարտական սամբոյից՝ Վաչիկ Վարդանյանը (71 կգ), Սարգիս Վարդանյանը (79 կգ), Արման Ավանեսյանը (98 կգ):

Հայաստանի հավաքականներն աշխարհի առաջնությանը մասնակցում էին մարզիչներ Վովիկ Խոջայանի, Հայկ Ավետիսյանի և Էռնեստ Միրզոյանի ղեկավարությամբ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ձևավորող գնահատումը մայրենիի, հայոց լեզվի և գրականության դասաժամերին

      « Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել   դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։ 

  • «Աբու-Լալա Մահարի » պոեմի ուսուցման իմ փորձը

    ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:

  • Արհեստական բանականության դերը կրթության մեջ

  • Տեղեկատվական տեխնոլոգիաների դերը կրթության մեջ

    Մասնագիտական հեռավար վերապատրաստման դասընթաց

  • Ուսուցիչների ինքնագնահատման, կարիքների վերհանման և աջակցման գործիքի ստեղծում

  • ՏՀՏ առցանց դասընթաց

  • Հեռավար ուսուցում 2022—2023 ուսումնական տարի, 5-րդ դասարան

    Հեռավար ուսուցում 2022—2023 ուսումնական տարի, 5-րդ դասարան

  • Հեմինգուեյի «Ծերունին և ծովը» վիպակի ուսուցումը նորագույն մեթոդներով

                                              Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է  8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն  կիրառումը մշտապես կարևոր բաղադրիչ է հանդիսացել  ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը:  «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման  ուսումնասիրելիս խորհուրդ է տրվում առաջնորդվել  ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական  հասկացություններին: Եռափուլ համակարգի առանձին փուլերում կիրառել  համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված  բոլոր մեթոդներն ու հնարները  կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը  հաջողությամբ կիրառել կամ դասը պլանավորելիս համատեղել իր  նախընտրած մեթոդի հետ և հասնել ցանկալի արդյունքի:  

  • Հեռավար ուսուցում 2022—2023 ուսումնական տարի, 3-րդ դասարան

    Հեռավար ուսուցում 2022—2023 ուսումնական տարի, 3-րդ դասարան

  • ՏՀՏ գործիքների կիրառությունը ուղղագրություն և ուղղախոսություն ուսուցանելիս

    Ուղղագրությունը և ուղղախոսությունը 10-րդ դասարանում: