Խ. Աբովյանի անվան հայկական պետական մանկավարժական համալսարանի բակում բուհի՝ Արցախյան երկրորդ պատերազմում զոհված ուսանողների հիշատակը հավերժացնող խաչքար-հուշաքարի մոտ, այսօր երդվել են ՀՊՄՀ առաջին կուրսեցիները:
Հանդիսավոր արարողությանը մասնակցել են ԿԳՄՍ նախարարի տեղակալ Արաքսիա Սվաջյանը, ՀՊՄՀ ռեկտոր Սրբուհի Գևորգյանը, Երևանի Սուրբ Գրիգոր Լուսավորիչ եկեղեցու հովիվ Տեր Առնակ քահանա Հարությունյանը, ՀՊՄՀ պրոֆեսորադասախոսական կազմի ներկայացուցիչներ, ուսանողներ:
Ողջունելով ներկաներին՝ ԿԳՄՍ նախարարի տեղակալ Արաքսիա Սվաջյանն ընդգծել է՝ որակյալ և բարձր արդյունավետությամբ աշխատող ուսուցիչների պահանջարկը մեծ է, իսկ երկրի զարգացման միակ ճանապարհը ուժեղ և մրցունակ կրթական համակարգ ունենալն է:
«Վստահ եմ՝ մեր ուսանողներն իրենց ուսումնառության տարիներին ջանասիրաբար յուրացնելու են իրենց տրված գիտելիքը, կարողությունները և համալրելու են մեր ուսուցիչների շարքերը, որոնք ջանք ու եռանդ չեն խնայում երկրի համար ամենակարևոր աշխատանքը կատարելու համար: Խնդրում եմ, որ շատ ուշադրությամբ ու խնամքով վերաբերվենք այն տարիներին, որոնց ընթացքում ուսումնասիրելու եք ձեր ընտրած մասնագիտությունը: Լրջորեն վերաբերվեք այն պատասխանատվությանը, որը տրվելու է ձեզ որակավորում ստանալու արդյունքում: Մեր երկիրն այսօր կրթության ոլորտի լուրջ բարեփոխումների շրջափուլում է, և դուք ընդամենը 4 տարի անց մտնելու եք դպրոց՝ լուծելով նաև այն խնդիրները, որոնց առջև այսօր կանգնած է մեր կրթական համակարգը»,- նշել է Արաքսիա Սվաջյանը՝ վստահություն հայտնելով, որ այսօրվա ուսանողները հետագայում լրացնելու են կրթական համակարգում արդյունավետորեն աշխատող ուսուցիչների շարքերը:
ՀՊՄՀ ռեկտոր Սրբուհի Գևորգյանը շնորհավորել է ուսանողներին իրենց մասնագիտական երազանքի իրականացման և Խ. Աբովյանի անվան պետական մանկավարժական համալսարանի բանակին զինվորագրվելու առթիվ։
«Օրը շատ կարևոր է, վայրը՝ խորհրդանշական: Մեկդարյա պատմություն ունեցող, ձեռքբերումները սերնդեսերունդ փոխանցող համալսարանի ավանդական երդման արարողությունը 2020 թվականից կազմակերպվում է մի վայրում, որտեղ նաև լռելյայն գտնվում են այն ուսանողները, որոնք չեն հասցրել սովորել և ուսուցիչ դառնալ։ Նրանց լռությանը մենք պարտք ենք միասին։ Այստեղ ձեր երազանքներին գումարվում են մեր տղաների սպասումները»,- նշել է ՀՊՄՀ ռեկտորը։
Տեր Առնակ Հարությունյանը աղոթքով է սկսել իր օրհնության խոսքը և ուսանողներին հորդորել է իրենց ամբողջ մտածումը, միտքը և հոգին դնել սերունդների դաստիարակության և կրթության գործում. «Յուրաքանչյուր ազգի հիմքը կրթությունն է, անկրթությունն է ազգին կործանում։ Այսօր դուք լծված եք այդ աստվածահաճո առաքելությանը»։
Առաջին կուրսեցիներին ողջունել ու հաջող ուսումնառություն են մաղթել նաև Մանկավարժական գիտությունների դոկտոր, պրոֆեսոր Աիդա Թոփուզյանը և Բանասիրական գիտությունների դոկտոր, պրոֆեսոր Աելիտա Դոլուխանյանը:
Այնուհետև, Կրթության հոգեբանության և սոցիոլոգիայի ֆակուլտետի առաջին կուրսի ուսանողուհի Մոնիկա Մելքոնյանն ընթերցել է առաջին կուրսեցու երդման տեքստը, որից հետո բոլոր առաջին կուրսեցիները կրկնել են՝ «Երդվում ենք»։ Համալսարանի Գեղարվեստական կրթության ֆակուլտետի երգչախմբի կատարմամբ հնչել է ուսանողների միջազգային հիմնը։
Միջոցառման ավարտին ԿԳՄՍ նախարարի տեղակալ Արաքսիա Սվաջյանը բուհի ղեկավար և պրոֆեսորադասախոսական կազմի հետ խնկարկել է Արցախյան պատերազմների ընթացքում նահատակված աբովյանականներին նվիրված հուշակոթող-խաչքարի մոտ և մեկ րոպե լռությամբ հարգել նրանց հիշատակը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ