ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Մեսրոպ Մաշտոցի անվան հին ձեռագրերի գիտահետազոտական ինստիտուտում՝ Մատենադարանում, ՀՀ ԿԳՄՍ նախարար Ժաննա Անդրեասյանը հայագիտության ոլորտում նշանակալի ավանդի և Մատենադարանի ձեռագիր ու արխիվային հավաքածուն արժեքավոր նյութերով հարստացնելու համար Տեր Ներսես ավագ քահանա (Վրեժ) Ներսիսյանին պարգևատրել է «Մեսրոպ Մաշտոց» հուշամեդալով:
ՀՀ ԳԱԱ պատվավոր դոկտոր Տեր Ներսես ավագ քահանա Ներսիսյանը Մատենադարանին նվիրաբերել է բազմաթիվ արժեքավոր ձեռագրեր, որոնք ձեռք է բերել աշխարհի տարբեր երկրներից, տարբեր աճուրդներից և հավաքորդներից: Տեր Ներսես ավագ քահանա Ներսեսյանին Լոնդոնի համալսարանի «Հեյտրոպի» քոլեջը 2017 թվականին շնորհել է աստվածաբանության դոկտորի կոչում: Նա երկար տարիներ (1975-2012 թթ.) եղել է Բրիտանական գրադարանի Քրիստոնեական Մերձավոր Արևելքի բաժնի պատասխանատուն:
ԿԳՄՍ նախարար Ժաննա Անդրեասյանը շնորհավորել է Մատենադարանին՝ արժեքավոր ձեռքբերման համար և նշել. «Այս օրերին կենտրոնացած ենք Լեռնային Ղարաբաղից բռնի տեղահանված մեր հայրենակիցների խնդիրների և ստեղծված իրավիճակով պայմանավորված մարտահրավերների վրա, որոնց լուծման համար մեծ ջանքեր են պահանջվում: Սակայն շատ կարևոր է նաև մոռացության չմատնել պատմամշակութային արժեքների պահպանության կարևոր խնդիրը, որովհետև արժեքները նպաստում են նաև համընդհանուր դիմակայության բարձրացմանը: Մատենադարանին փոխանցվող վավերագրումներն այն կարևոր փաստերն են, որոնք ապահովում են պատմության շարունակականությունը և թույլ տալիս ապահովագրել ժառանգության պաշտպանվածությունը: Մեր այսօրվա կարևորագույն խնդիրներից է Լեռնային Ղարաբաղի տարածքում մշակութային ժառանգության պահպանությունը: Այստեղ ևս կարիք ունենք համախմբելու մեր և ոլորտում մանդատ ունեցող միջազգային կառույցների ջանքերը՝ պաշտպանելու այդ ժառանգությունը»:
Նախարարը բարձր է գնահատել Մատենադարանի և Տեր Ներսես ավագ քահանա Ներսիսյանի համագործակցությունը և շնորհելով հուշամեդալը՝ այն որակել գնահատանք՝ նրա կատարած մեծ աշխատանքին:
Մատենադարանի տնօրեն Արայիկ Խզմալյանի խոսքով՝ Տեր Ներսես ավագ քահանա Ներսիսյանի հետ համագործակցությունը տասնամյակների պատմություն ունի. 1985 թ.-ից առ այսօր շուրջ 60 ձեռագիր մատյաններ և պատառիկներ է նվիրաբերվել Մատենադարանին: Դրանք վերաբերում են ոչ միայն հայկական մշակույթին ու գիտությանը, այլև ներառում են օտարալեզու ձեռագրեր, որոնք մասնագիտական լուրջ հետաքրքրություն են ներկայացնում:
Արայիկ Խզմալյանի տեղեկացմամբ՝ Տեր Ներսես ավագ քահանա Ներսիսյանի հետևողականության շնորհիվ Մատենադարանն այսօր համագործակցում է մի կարևոր նախաձեռնության շուրջ. նախապատրաստվում է Հայաստանի սահմաններից դուրս Տեր Ներսես ավագ քահանա Ներսիսյանի՝ երբևէ հանդիպած ձեռագրերի ցուցակի հրատարակությունը:
Տեր Ներսես ավագ քահանա Ներսիսյանը շնորհակալություն է հայտնել գնահատանքի համար. «Ինչ-որ արել եմ, արել եմ լռության մեջ, իմ ողջ կյանքում չեմ փնտրել ուրիշ գործ: Կարծես թե ի ծնե սա պետք է լիներ իմ պարտականությունը. այս մտայնությամբ եմ մոտեցել գործիս: Շատ կարևոր է արտերկրում ունենալ հայկական հարուստ մշակույթը ներկայացնելու նման հնարավորություն»:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ընտանիք–դպրոց փոխգործակցություն․ ազդեցությունը երեխայի սոցիալական և կրթական առաջընթացի վրա Կրթության ամենաբարձր արդյունքը հանդուրժողականությունն ու համագործակցությունն է... Հելլեն Երեխայի դաստիարակության և կրթության ձեռք բերման կարևոր օղակներից մեկը` դպրոցն է:Դպրոցն ահռելի աշխատանք…
Բանավոր հարցումը արդյո՞ք արդյունավետ մեթոդ է ուսումնառության գործընթացում, և ինչպե՞ս է այն նպաստում երեխայի գիտելիքների ամրապնդմանը և քննադատական մտածողության զարգացմանը Բանավոր հարցումը հանդիսանում է դասի ամենահին, բայց միաժամանակ ամենաարդյունավետ ուսումնական…
Թեմա՝ Թվային էթիկա և հուզական բանականություն. ինչպես կերտել ստեղծարար անհատ տարրական դպրոցում Ողջույն, հարգելի՛ գործընկերներ, կրթության նվիրյալներ: Որպես տարրական դասարանների մանկավարժներ՝ մենք այսօր կանգնած ենք մի կարևոր շեմին, որտեղ ավանդական…
Հարգելի գործընկերներ, այսօր ուզում եմ ներկայացնել մաթեմատիկայի կապը մյուս ուսումնական առարկաների հետ: Չկա ուսումնական որևէ առարկա, որ դասավանդվի մյուս ուսումնական առարկաներից առանձնացված:Բոլոր գիտություններն էլ կապված են միմյանց հետ և փոխադարձ…
Սիրելի գործընկերներ, իմ փորձը ցույց է տալիս, որ 1-ից 4-րդ դասարանում հաջողակ ուսումնառությունը կախված է ոչ միայն ուսուցողական մեթոդներից կամ գիտելիքի բովանդակությունից, այլև այն միջավայրից, որտեղ երեխան զգում է անվտանգություն,…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
