ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ Սյունիքի մարզի Գորիս համայնք կատարած այցի շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է նաև Լեռնային Ղարաբաղից բռնի տեղահանված մեր հայրենակիցների դիմավորման և աջակցման աշխատանքներում ներգրավված դպրոցների ղեկավարներին, մանկավարժներին ու աշակերտներին:
«Անհատապես յուրաքանչյուրիդ սրտանց ու խորին շնորհակալություն եմ հայտնում այն անձնվեր, սրտացավ աշխատանքի համար, որ կատարել եք: Այս օրերին հեշտ չի եղել ոչ մեկիս համար, բայց գիտեմ, որ ձեզ համար առանձնակի բարդ է եղել, քանի որ բռնի տեղահանված մեր հայրենակիցներն իրենց ծանր հույզերը առաջինը սփոփել են ձեզնով: Շատերդ ժամանակ չեք ունեցել մտածելու սեփական զգացողությունների մասին, այլ առաջին հերթին զբաղվել եք հայրենիքը, տունն ու տեղը կորցրած մարդկանց օգնելով: Մեր հայրենակիցներն այստեղ են հասել տասը ամսվա շրջափակումից, սարսափներից ու զրկանքներից հետո և շատ կարևոր էր, որ Հայաստանում առաջինը հանդիպել են գորիսեցիների հոգատարությանն ու աջակցությանը»,- Գորիսի պետական դրամատիկական թատրոնում տեղի ունեցած հանդիպմանն ասել է ԿԳՄՍ նախարարը:
Ընդգծելով, որ այդ օրերին Գորիսի Վ․ Վաղարշյանի անվան պետական դրամատիկական թատրոնը վերածվել էր տեղահանվածների ընդունման կայանի՝ Ժաննա Անդրեասյանը կարևորել է մեծածավալ աշխատանքը, որ այդ օրերին արվել է տեղի կրթական և մշակութային համակարգի ներուժով.
«Գիտեմ, որ դպրոցների գրեթե բոլոր աշակերտները, ուսուցիչները, տնօրեններն ու մյուս աշխատողները ներգրավված են եղել կամավորական աշխատանքներում: Ունենք դպրոց, որտեղ ապահովվել է մեր հայրենակիցների գիշերակացը, մեկ այլ դպրոց ծառայում էր որպես պահեստ: Այս օրերին մենք տեսել ենք, թե ինչպես է կրթական համակարգը պետության համար հավելյալ խնդիրներ լուծում, որը շատ կարևոր է որպես փաստ և արժանի է մեծ գնահատանքի: Բոլորդ առանձին-առանձին շատ մեծ աշխատանք եք կատարել, ինչի համար շնորհակալ եմ թե՛ ձեզ, թե՛ ձեր ընտանիքներին և թե՛ կրթական հաստատություններին»,- շեշտել է ԿԳՄՍ նախարար Ժաննա Անդրեասյանը՝ հավելելով, որ աշխատանքները դեռ ավարտված չեն:
Նախարարի խոսքով՝ ԼՂ-ից բռնի տեղահանված մեր հայրենակիցներից շատերն արդեն հաստատվել են Սյունիքի մարզում և առաջիկայում մեծ աշխատանքներ պետք է տարվեն՝ երեխաներին պարտադիր կրթության մեջ ընդգրկելու ուղղությամբ . «Շատ մեծ գործ եք արել ու շարունակելու եք անել՝ երեխաների ինտեգրումը սահուն կազմակերպելու, ջերմություն ու հոգատարություն տալու առումով: Ցավոք, մեր դժվար օրերը չեն անցել, բայց դուք այս օրերին ցույց տվեցիք, որ մենք որպես մեկ միասնական թիմ, մեկ միասնական հասարակություն ու պետություն կարողանում ենք դիմակայել այսպիսի ճգնաժամային իրավիճակներին»:
Ժաննա Անդրեասյանը հույս է հայտնել, որ հաջորդիվ Գորիսի պետական դրամատիկական թատրոն այցելելու առիթը միայն պրեմիերաների ու ներկայացումների դիտումները կլինեն:
ԿԳՄՍ նախարարը շնորհակալություն է հայտնել նաև թատրոնի ողջ անձնակազմին՝ աջակցման աշխատանքներում իրենց մեծ ներդրումն ունենալու համար:
Այցի շրջանակում նախարար Ժաննա Անդրեասյանը եղել է նաև Գորիսի Ակսել Բակունցի անվան թիվ 1 ավագ և Գորիսի թիվ 2 հիմնական դպրոցներում: ԿԳՄՍ նախարարը հանդիպել է նշված դպրոցներ հաճախող ԼՂ-ից բռնի տեղահանված աշակերտներին, զրուցել նրանց հետ: Նախարարը հույս է հայտնել, որ սրտացավ մանկավարժների ու սովորողների շնորհիվ երեխաներն արագ կինտեգրվեն նոր միջավայրին, ձեռք կբերեն ընկերներ: Գորիսի Ակսել Բակունցի անվան թիվ 1 ավագ և թիվ 2 հիմնական դպրոցներում այս պահի դրությամբ, ընդհանուր առմամբ, Լեռնային Ղարաբաղից բռնի տեղահանված ավելի քան 50 աշակերտ է ընդգրկվել: Նրանք բոլորն էլ ստացել են անվճար դասագրքեր, գրենական պիտույքներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
