ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ՀՀ պատմության և մշակույթի անշարժ հուշարձանները կվավերագրվեն նոր տեխնոլոգիաներով. հուշագիր «ՍԻՄՈՆՅԱՆ» հիմնադրամի հետ

Հոկտեմբերի 6, 2023
Մշակութային լուրեր

ՀՀ կրթության, գիտության, մշակույթի և սպորտի նախարարությունը և «ՍԻՄՈՆՅԱՆ» կրթական հիմնադրամը համագործակցության հուշագիր են ստորագրել պատմամշակութային ժառանգության արժեքների վերականգնման և պահպանման վերաբերյալ:

Հուշագիրը ստորագրել են ԿԳՄՍ նախարարի տեղակալ Ալֆրեդ Քոչարյանը և «ՍԻՄՈՆՅԱՆ» կրթական հիմնադրամի գլխավոր տնօրեն Մարի Լու Փափազյանը:

Կարևորելով պատմամշակութային ժառանգության արժեքն ու հետագա սերունդներին փոխանցելու անհրաժեշտությունը՝ կողմերը կմիավորեն իրենց հնարավորությունները և համատեղ աշխատանքներ կիրականացնեն Հայաստանի Հանրապետության պատմության և մշակույթի հուշարձանների վավերագրման և ուսումնասիրության ուղղությամբ:

Համագործակցության շրջանակում ԿԳՄՍ նախարարությունը «ՍԻՄՈՆՅԱՆ» կրթական հիմնադրամին կթույլատրի և կաջակցի անխոչընդոտ իրականացնելու պատմության և մշակույթի անշարժ հուշարձանների ուսումնասիրությունը, նորագույն տեխնոլոգիաների՝ եռաչափ սկանավորման միջոցով դրանց վավերագրմանն ու արդյունքների ամրագրմանը: Աշխատանքների կատարման ընթացքում հիմնադրամին կցուցաբերվի նաև մասնագիտական ու գիտագործնական աջակցություն:

Հիմնադրամը հուշարձանների ուսումնասիրությունը և եռաչափ սկանավորման միջոցով դրանց վավերագրման ու արդյունքների ամրագրման աշխատանքներն իրականցնելու է սեփական միջոցներով: Նրանք պարտավորվում են նաև ԿԳՄՍ նախարարությանը տրամադրել ուսումնասիրության ստույգ մշակված արդյունքները, որոնք կարող են օգտագործվել պատմության և մշակույթի անշարժ հուշարձանները վավերագրելու, ուսումնասիրելու, վկայագրեր, ամրակայման և վերականգնման գիտանախագծային փաստաթղթեր կազմելու և այլ գիտահետազոտական նպատակներով:

ՀՀ որոշ սահմանային շրջաններում ավարտվել են տվյալների հավաքագրման և հուշարձանների վավերագրման աշխատանքները: Հիմնադրամը կարևորում է աշխատանքների իրականացումը սկսել հենց սահմանապահ շրջաններից 5-ական կիլոմետրով խորանալ դեպի կենտրոնական հատվածներ:

Համագործակցությունը նախատեսվում է առաջիկա 5 տարվա համար:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • 9-րդ դաս. Բնագիտություն առարկայի քննությունը ուս. նախագծի միջոցով անցկացնելու մասին

    Թեմայի հեղինակ՝ manush

    ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…

  • Նախագծային ուսուցում. Հայեցակարգ և ուսուցիչների վերապատրաստման մոդուլ

    Թեմայի հեղինակ՝ manush

    Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…