ՀՀ կառավարության այսօրվա որոշմամբ վերանայվել է դպրոցների ուսուցիչների և արտադպրոցական հաստատությունների մանկավարժների աշխատաժամանակը:
Մինչ հարցի զեկուցումը ՀՀ կրթության, գիտության, մշակույթի և սպորտի նախարար Ժաննա Անդրեասյանը շնորհավորել է հանրապետության մանկավարժներին Ուսուցչի տոնի առթիվ. «Շնորհավորում եմ բոլոր ուսուցիչներին և շնորհակալություն հայտնում իրենց աշխատանքի համար: Հատկապես այս օրերին դա պահանջում է լրացուցիչ ջանք՝ հաշվի առնելով, որ մեր երկրում են գտնվում նաև Լեռնային Ղարաբաղից բռնի տեղահանված ավելի քան 21 հազար դպրոցահասակ տարիքի երեխաներ, որոնց կրթության ապահովումը նույնպես ուսուցիչների ուսերին է»:
Անցնելով հարցի զեկուցմանը՝ նախարարը նշել է, որ ՀՀ կառավարության ծրագրի և կրթության ռազմավարության կարևորագույն թիրախ է հանրակրթության ոլորտի բովանդակային բարեփոխումը, որը տևական ժամանակ նախապատրաստվում և փորձարկվում էր:
«Սեպտեմբերից սկսել ենք հանրակրթության նոր չափորոշչի փուլային ներդրումը հանրապետության բոլոր դպրոցներում: Այն մի շարք նոր պահանջներ է առաջադրում ուսուցիչներին, որոնք կապված են գնահատման համակարգի փոփոխությունների, դասի պլանավորման և անցկացման որակական նոր պահանջների, կրթական մեթոդների բազմազանեցման, երկարօրյա հավելյալ դասընթացների կազմակերպման և մի շարք այլ նոր խնդիրների հետ, որոնք առաջին հերթին միտված են դպրոցներում կրթության որակի բարձրացմանը»,- նշել է Ժաննա Անդրեասյանը:
Ըստ այդմ, նախարարի խոսքով, անհրաժեշտություն է առաջացել վերանայելու ուսուցչի կողմից շաբաթական դասավանդվող ժամերի թիվը՝ նվազեցնելով դրանք և այդպիսով աշխատաժամանակ ազատելով ուսուցչի մյուս կարևոր անելիքների համար, որոնք էական ազդեցություն ունեն կրթության որակի վրա: «Ներկայում ուսուցչի շաբաթական մեկ դրույք ծանրաբեռնվածությունը կազմում է 22 դասաժամ, որը գործնականում թույլ չի տալիս լուծել նշված խնդիրները: Բացի դրանից, պետք է հաշվի առնել, որ հանրակրթության նոր չափորոշչով տարրական դասարաններում միավորային գնահատման համակարգը չի գործում, և ուսուցիչները զգալի ժամանակ պետք է հատկացնեն ձևավորող գնահատման մեթոդներով սովորողների հետ աշխատելու համար: Ըստ այդմ՝ նախագծով առաջարկվում է 1-4-րդ դասարաններում դասավանդող ուսուցիչների համար շաբաթական դասաժամերը սահմանել 1 դրույքի համար 18 ժամ, իսկ 5-12-րդ դասարաններում՝ 20 դասաժամ: Սա կհանգեցնի տարրական դասարանում դասավանդող ուսուցիչների 1 դրույքի վարձատրության՝ 20 տոկոս, իսկ 5-12-րդ դասարաններում դասավանդողների վարձատրության՝ 10 տոկոս աճին»,-նշել է նախարարը՝ ընդգծելով, որ փոփոխությունները կիրականացվեն փուլային տարբերակով՝ հանրակրթության նոր չափորոշչի ներդրմանը զուգընթաց:
Ըստ այդմ՝ սեպտեմբերից նման ձևաչափով կարգավորվում են 2-րդ, 5-րդ և 7-րդ դասարանների դասավանդման գործընթացները, մյուս ուսումնական տարվանից դրան կավելանան ևս 4 դասարաններ, իսկ հաջորդ տարում՝ մնացած դասարանները:
«Նախագծի ընդունումը կնպաստի ոչ միայն ուսուցիչների աշխատավարձի բարձրացմանը, այլև կրթության որակի բարելավմանը, քանի որ մանկավարժական տեսանկյունից շաբաթական դասավանդման ժամերը, ինչպես հիմնավորված է տեսությամբ և հետազոտություններով, պետք է չգերազանցի 20 ժամը: Այդ կարգավորումները ժամանակին գործել են նաև Հայաստանում, հետագայում՝ 2000-ականներին, վերանայվել են՝ դառնալով 22 ժամ՝ զուտ ֆինանսական խնայողություններ ձևավորելու հիմնավորմամբ՝ դրանով իսկ առաջ բերելով կրթության որակի անկման լուրջ ռիսկ»,- փաստել է Ժաննա Անդրեասյանը:
Նախագծով կարգավորվում է նաև արտադպրոցական հաստատությունների մանկավարժների միասնական աշխատաժամանակի խնդիրը, որն իրականացվել է գործող իրավակարգավորումների վերլուծության և համայնքների ու հաստատությունների հետ մանրակրկիտ քննարկման արդյունքում՝ հաշվի առնելով, որ դրանց ճնշող մեծամասնությունը համայնքային ենթակայության են: Ըստ այդմ՝ առաջարկվում է արտադպրոցական հաստատություններում կիրառել շաբաթական 20 ժամ դասավանդման սկզբունքը: Այդ դրույթն ուժի մեջ կմտնի 2026 թվականի սեպտեմբերի 1-ից՝ հաշվի առնելով, որ դրանից բխող ֆինանսական հետևանքներ կան, և որոշակի ժամանակահատված է պետք, որ համայնքներն իրականացնեն անհրաժեշտ փոփոխությունները:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ