ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր հանդիպել է 2023-2024 թթ. «Սփյուռքի երիտասարդ դեսպան» ծրագրի մասնակիցներին։
Այս տարի ծրագրին 22-35 տարեկան սփյուռքահայ 18 երիտասարդներ են մասնակցում. նրանք Հայաստան են ժամանել Ֆրանսիայից, Բելգիայից, Իսպանիայից, Գերմանիայից, ԱՄՆ-ից, Կանադայից, Բրազիլիայից, Ռուսաստանից և հանդիսանում են համայնքի ղեկավարներ, դպրոցների տնօրեններ, համայնքային, երիտասարդական կազմակերպությունների ներկայացուցիչներ, խորհրդի անդամներ:
ԿԳՄՍ նախարարը կարևորել է մեր երկրի համար այսպիսի բարդ ժամանակաշրջանում սփյուռքահայ համայնքի դերակատարումն ու մեր անմիջական կապը հատկապես սփյուռքահայ ակտիվ երիտասարդների հետ. «Լեռնային Ղարաբաղում Ադրբեջանի կողմից էթնիկ զտումների քաղաքականության հետևանքով բռնի կերպով Հայաստան են տեղահանվել Լեռնային Ղարաբաղի 100 հազարից ավելի մեր հայրենակիցներ, որոնցից 26 հազարը երեխաներ են: Իհարկե, բոլորս շատ հարցեր ունենք, բայց այս իրավիճակը ցույց է տալիս, որ զարգանալը և հզորանալն այլընտրանք չունեն: Ակնհայտ է՝ հզորացման ու զարգացման ճանապարհին կրթությունն ամենակարևոր բաղադրիչներից է: Այս օրերին՝ առավել քան երբևէ, պետք է ամեն ինչ անենք, որ մեր երեխաները ստանան որակյալ կրթություն, դուրս չմնան պարտադիր ուսուցումից ու նաև հոգեբանական աջակցություն ստանան»:
ԿԳՄՍ նախարարը, կարևորելով «Սփյուռքի երիտասարդ դեսպան» ծրագիրը, ընդգծել է սփյուռքի ակտիվ երիտասարդների հետ անընդհատ շփումն ու հաղորդակցությունը:
«Մեր նախարարությունն ունի մեծ թվով ծրագրեր, որոնք ուղղված են սփյուռքին: Այդ իմաստով, կարծում եմ, շատ կարևոր է նաև հետադարձ կապ ստանալը՝ հասկանալու համար, թե մեր որ ծրագրերն են արդյունավետ գործում, որտեղ կա լրամշակումների և բարելավումների կարիք: Շատ պատրաստակամ ենք ձեր առաջարկներն ու դիտարկումները լսելու: Բոլոր ծրագրերը պետք է անընդհատ փոխվեն, վերամշակվեն, որպեսզի դառնան ավելի դրական, թիրախային և արդյունավետ»,- ասել է Ժաննա Անդրեասյանը:
Այս պատասխանատու ժամանակահատվածում սփյուռքահայ երիտասարդները, 2 շաբաթ գտնվելով Հայաստանում և ուսումնասիրելով հայրենիքի կարիքներն ու հնարավորությունները, կվերադառնան համայնքներ՝ շարունակելու իրենց առաքելությունը, այդ թվում` ներկայացնելով աշխարհին Լեռնային Ղարաբաղի շուրջ տեղի ունեցող իրադարձությունները։
Հանդիպման ընթացքում երիտասարդները տարատեսակ հարցեր են ուղղել նախարար Ժաննա Անդրեասյանին, որոնք վերաբերել են մասնավորապես սփյուռքահայ ուսուցիչների վերապատրաստման ծրագրին, արտերկրի դպրոցներում հայերենի՝ որպես օտար լեզու դասավանդվելու հեռանկարներին, սփյուռքում գործող ուսումնական հաստատություններին դասագրքերով և կրթական այլ նյութերով ապահովելուն, Հայաստանի և արտերկրի բարձրագույն ուսումնական հաստատությունների միջև իրականացվող փոխգործակցության, ուսանողների փոխանակման ծրագրերին, Հայաստանում իրականացվող սպորտային հաստատությունների կառուցման ու վերակառուցման աշխատանքներին:
Սփյուռքահայ երիտասարդները հետաքրքրվել են նաև, թե ինչ աշխատանքներ են իրականացվում Լեռնային Ղարաբաղում՝ Ադրբեջանի անմիջական վերահսկողության ներքո մնացած պատմամշակութային հուշարձանների, թանգարանային նմուշների պահպանության ուղղությամբ: ԿԳՄՍ նախարարը տեղեկացրել է՝ այս առումով իրավիճակն, իսկապես, բավականին բարդ է: խնդիրը Նախարարության ուշադրության կենտրոնում է դեռ 2020 թվականի 44-օրյա պատերազմից հետո, թեմայի առնչությամբ մեծաթիվ նամակներ են հասցեագրվել ՅՈՒՆԵՍԿՕ-ին՝ հաշվի առնելով նաև այն հանգամանքը, որ դրանք ոչ միայն տեղական, այլև՝ համաշխարհային քրիստոնեական ժառանգության կոթողներ են և ամբողջ քրիստոնյա աշխարհի ուշադրության կենտրոնում պետք է լինեն: Նախարարը կարևորել է նաև մտահոգ անհատների և հասարակական կազմակերպությունների՝ այս հարցով միջազգային կառույցներին շարունակաբար դիմելու անհրաժեշտությունը:
Նշենք՝ «Սփյուռքի երիտասարդ դեսպան» ծրագիրն իրականացվում է արդեն երրորդ տարին անընդմեջ՝ նպատակ ունենալով հնարավորություն ընձեռել սփյուռքահայ երիտասարդներին ընդլայնել իրենց պատկերացումները Հայաստանի քաղաքական, սոցիալական, տնտեսական և այլ խնդիրների մասին, աջակցել համայնքային կյանքում նրանց առավել ներգրավմանն ու գործունեության արդյունավետության բարձացմանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
