ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Մշակութային գործիչները հանդես են գալիս Լեռնային Ղարաբաղից բռնի տեղահանված մեր հայրենակիցներին աջակցելու նախաձեռնությամբ։
ՀՀ ԿԳՄՍ նախարարության ենթակայության որոշ կազմակերպություններ հայտարարել են բարեգործական համերգների և ներկայացումների մասին։
Նախաձեռնության մեկնարկը կտրվի սեպտեմբերի 28-ին` ժամը 19:00-ին, «Արամ Խաչատրյան» համերգասրահում՝ Հայաստանի ազգային ֆիլհարմոնիկ նվագախմբի Երևանյան 15-րդ միջազգային երաժշտական փառատոնի շրջանակում: Բարեգործական համերգի մենակատարն է անվանի հայ ջութակահար Սերգեյ Խաչատրյանը, դիրիժորը՝ Ստանիսլավ Կոչանովսկին: Ծրագրում կհնչի Արամ Խաչատրյանի Ջութակի կոնցերտը և հատվածներ «Սպարտակ» բալետից:
Համերգի տոմսերի վաճառքից գոյացած հասույթը կուղղվի Լեռնային Ղարաբաղից բռնի տեղահանվածների աջակցությանը:
Երևանի պետական տիկնիկային թատրոնում ներկայացումների մուտքն ազատ է Լեռնային Ղարաբաղից բռնի տեղահանված երեխաների համար։
Սոս Սարգսյանի անվան Համազգային թատրոնում հոկտեմբերի 2-ին «Գծավորը» (մանկական 3+) ներկայացման մուտքն ազատ է Լեռնային Ղարաբաղից բռնի տեղահանված մեր հայրենակիցների համար։
Խնկո Ապոր անվան ազգային մանկական գրադարանը Լեռնային Ղարաբաղից բռնի տեղահանված երեխաների կրթամշակութային ժամանցի կազմակերպման նպատակով հայտարարել է անվճար ծառայություններ՝ շրջայց գրադարանում, հեքիաթապատում, տիկնիկային ներկայացման դիտում: Երեխաների խմբերի հերթագրման և հարցերի դեպքում կարելի է զանգահարել 060-271-138 հեռախոսահամարով:
Մշակութային հաստատությունների կողմից իրականացվող նմանօրինակ նախաձեռնությունները կլինեն շարունակական։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
