ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Թատրոն, թանգարան այցելությունը պետք է դառնա կրթության պարտադիր բաղադրիչ». Ժաննա Անդրեասյան

Սեպտեմբերի 15, 2023
Մշակութային լուրեր

ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է մշակութային ՊՈԱԿ-ների (թատրոններ, թանգարաններ, գրադարաններ և այլն) ղեկավարների հետ:

Հանդիպմանը ներկա էին ԿԳՄՍ նախարարի տեղակալներ Ալֆրեդ Քոչարյանը և Դանիել Դանիելյանը, Ժամանակակից արվեստի վարչության պետ Սվետլանա Սահակյանը և Մշակութային ժառանգության և ժողովրդական արհեստների վարչության պետ Աստղիկ Մարաբյանը:

ԿԳՄՍ նախարար Ժաննա Անդրեասյանը ողջույնի խոսքում նշել է. «Մշակութային հաստատությունները մշակույթի տարածման դեսպաններն են հասարակության մեջ: Մեր համատեղ խնդիրն է անել ամեն ինչ, որ այս կամ այն հաստատություն այցից հետո մարդկանց հետաքրքրությունը մշակույթի տվյալ ուղղության նկատմամբ մեծանա։ Եվ հենց այստեղ է, որ բոլորիս անելիքները և ջանքերը պետք է միատեղվեն: Վստահ եմ՝ համագործակցային աշխատանքը կնպաստի ժամանակակից արվեստի միջոցով մեր մշակութային ժառանգության ճանաչմանը, տարածմանն ու հանրահռչակմանը»:

Նախարարն անդրադարձել է մշակութային հաստատությունների նորոգման և բարեկարգման աշխատանքներին՝ նշելով, որ Կառավարությունն ավելացրել է կապիտալ ծախսերի ֆինանսավորման ծավալը։ Հաստատվել է ԿԳՄՍ նախարարության ենթակայությամբ գործող թանգարաններում և արգելոց-թանգարաններում էլեկտրոնային տոմսերի միասնական ավտոմատացված համակարգ ներդնելու նախագիծը: Այդ նպատակով ՀՀ կառավարության որոշմամբ նախարարությանը պետական բյուջեով հատկացված միջոցներից կատարվել վերաբաշխում՝ 49 մլն դրամի չափով: Քննարկվում է այդ մոդելը թատրոններում ևս ներդնելու հնարավորությունը։

Հանդիպման ընթացքում անդրադարձ է եղել գրադարանների դերի վերաիմաստավորմանը, մշակութային հաստատությունների համագործակցությունների ակտիվացմանը՝ հանրության լայն շերտերին հնարավորինս ներգրավելու նպատակով:

Ըստ նախարարի՝ հաստատությունների գործունեության արդյունավետությունը բարձրացնելու առումով կարևոր է ոլորտի առավել հրատապ խնդիրների վեր հանումն ու քարտեզագրումը:

«Ակնկալում ենք ձեզնից ստանալ տվյալ հաստատության ամենահրատապ խնդիրների ցանկը, որպեսզի դասակարգենք՝ ըստ առաջնահերթության և քայլեր ձեռնարկենք լուծումների ուղղությամբ»,- ընդգծել է նախարար Ժաննա Անդրեասյանը:

Առանձնակի անդրադարձ է եղել նաև բաժանորդային տոմսերի քաղաքականությանը: Այս համատեքստում նախարարն ասել է. «Պետությունը խնդիր է դրել մշակութային հաստատություններում դպրոցականների համար ապահովել համալիր գիտելիքի փոխանցում՝ ներառյալ էքսկուրսավարի ծառայությունը: Թատրոն, թանգարան այցելությունը պետք է դառնա կրթական գործընթացի պարտադիր բաղադրիչ: Սա նաև լավ հնարավորություն է տվյալ հաստատության հանրահռչակման և բովանդակային սպասարկման վերանայման համար: Նպատակն է կամրջել կրթությունն ու մշակույթն այնպես, որ շահեն պետությունն ու քաղաքացին»:

Հանդիպման երկրորդ հատվածում մշակութային հաստատությունների ղեկավարները ներկայացրել են իրենց հուզող հարցերը, առաջիկա անելիքները, ոլորտի խնդիրները: Մասնավորապես անդրադարձ է եղել գալիք տարվա հոբելյանական միջոցառումների պատշաճ իրականացմանը, ընթացիկ շինարարական աշխատանքներին, ըստ այդմ՝ հաստատություններում ներառականության պարտադիր ապահովմանը, մարզային հաստատություններում վերակառուցման, պահպանման հրատապ աշխատանքների իրականացմանը և այլն:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ջոն Դյուի՝ նախագծային մեթոդի հիմնադիր

    Թեմայի հեղինակ՝ LZH

    <<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…

  • 9-րդ դաս. Բնագիտություն առարկայի քննությունը ուս. նախագծի միջոցով անցկացնելու մասին

    Թեմայի հեղինակ՝ manush

    ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…

  • Նախագծային ուսուցում. Հայեցակարգ և ուսուցիչների վերապատրաստման մոդուլ

    Թեմայի հեղինակ՝ manush

    Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…