ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը շարունակում է մշակութային հաստատություններ այցերը: Այդ շրջանակում նա այցելել է Հայաստանի կոմպոզիտորների միություն և Հովհ. Թումանյանի անվան պետական տիկնիկային թատրոն:
Հայաստանի կոմպոզիտորների միության նախագահ Արամ Սաթյանը և ՀՀ ԳԱԱ արվեստի ինստիտուտի տնօրեն Աննա Ասատրյանը ԿԳՄՍ նախարարի տեղակալին ներկայացրել են միության գործունեությունը, նախատեսվող ծրագրերը, միջազգային համագործակցության ներկա ծրագրերն ու հեռանկարները: Առաջիկա ծրագրերից կարևորվել են Ռոմանոս Մելիքյանի անվան պետական երաժշտական քոլեջի 100 և ԽՍՀՄ ժողովրդական արտիստ, կոմպոզիտոր Հովհաննես Չեքիջյանի ծննդյան 95-ամյակները:
ԿԳՄՍ նախարարի տեղակալ Դանիել Դանիելյանը մասնավորապես հետաքրքրվել է Էդվարդ Միրզոյանի անվան պատանի կոմպոզիտորների հանրապետական ամենամյա մրցույթի ընթացքով: Դանիել Դանիելյանը կարևորել է վաղ տարիքից պատանիներին կոմպոզիտորական արվեստով խրախուսելու և այդպիսով ոլորտը զարգացնելու ցանկացած նախաձեռնություն: ԿԳՄՍ փոխնախարարը կարևորել է նաև հայկական երաժշտարվեստի հանրահռչակումը արտերկրում, ինչպես նաև միջազգային հռչակ ունեցող ստեղծագործությունների կատարումը Հայաստանի բեմերում: Դանիել Դանիելյանը առանձնակի շեշտել է մշակույթի և արվեստի ապակենտրոնացումը և մարզային կառույցների ակտիվ համագործակցության զարգացումը:
«Արդյունավետ կարող ենք աշխատել, եթե համատեղենք մեր ուժերն ու ռեսուրսները, ոչ թե ամեն մեկս մեր կառույցում նստած առանձին գործունեություն ծավալենք»,- ասել է Դանիել Դանիելյանը:
Հովհ. Թումանյանի անվան պետական տիկնիկային թատրոնում գեղարվեստական ղեկավար Ռուբեն Բաբայանի ուղեկցությամբ ԿԳՄՍ նախարարի տեղակալ Դանիել Դանիելյանը շրջել է թատրոնում, ծանոթացել շենքային պայմաններին ու գույքային հագեցվածությանը, թատրոնի կրթամշակութային ծրագրերին ու գործունեությանը: Դանիել Դանիելյանն ընդգծել է, որ մշակութային ցանկացած ծրագիր, որ իրականացվում է երեխաների համար, պետք է ունենա կրթական բաղադրիչ՝ ապահովելով կրթության և մշակույթի ամուր կապը: Քննարկվել են մարզերի երեխաներին տիկնիկային արվեստը հասանելի դարձնելու ծրագրերն ու դրանց զարգացման հեռանկարները: ԿԳՄՍ փոխնախարարը հավաստել է, որ նախարարությունը պատրաստակամ է աջակցելու ցանկացած նախաձեռնության, որը կզարգացնի ոլորտը՝ ապահովելով ներառականությունն ու մասնակցայնությունը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ