Սեպտեմբերի 1-ին Գիտելիքի և դպրության օրվա առիթով ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանն այցելել է Երևանի երաժշտական թիվ 13 հատուկ դպրոց, շնորհավորել դպրոցականներին և բարի երթ մաղթել նրանց նոր ուսումնական տարում:
Շնորհավորելով դպրոցականներին և ուսուցչական անձնակազմին՝ նախարարի տեղակալն ընդգծել է՝ գիտելիքն ու կրթությունը պետության հիմնաքարերն են:
«Պետությունը մարդիկ են, իսկ ուժեղ և հզոր պետություն ունենալու համար անհրաժեշտ են բանիմաց և ուժեղ մասնագետներ: Մաղթում եմ, որ բոլորդ լինեք առաջինը ձեր գործում, իսկ այսօր ձեր գործը սովորելն է»,- ասել է Ալֆրեդ Քոչարյանը՝ նորանոր հաղթանակներ ու հետագա հաջողություններ մաղթելով աշակերտներին:
Երևանի երաժշտական թիվ 13 հատուկ դպրոցի տնօրեն Նարինե Մեհրաբյանը ևս շնորհավորել է դպրոցի սաներին, մանկավարժներին և ծնողներին Գիտելիքի օրվա կապակցությամբ.
«Կարևորելով գիտելիքն ու կրթությունը՝ բոլորիս ուժ և հաջողություն եմ մաղթում նոր ուսումնական տարում: Ապրեք՝ սիրելով և արժևորելով ձեր դպրոցը, քանի որ այստեղ դուք նաև երաժշտական կրթություն եք ստանում, և հենց դրանում է մեր յուրահատկությունը: Տարվա ընթացքում բազում հաջողություններ ենք ունեցել, և վստահ եմ, որ դրանք լինելու են շարունակական»,- ասել է Նարինե Մեհրաբյանը՝ տեղեկացնելով, որ ամռանը դպրոցի սաները միջազգային փառատոնի են մասնակցել և արժանացել մրցանակների:
Միջոցառման ընթացքում տնօրեն Նարինե Մեհրաբյանը հաղթող աշակերտներին է հանձնել իրենց մրցանակները: Մասնավորապես՝ «Փոքրիկ քայլ» միջազգային մրցույթ-փառատոնում դպրոցի սովորողներ Գոռ Ենոքյանը, Հովհաննես Մանուկյանը և Մոնիկա Բաբուշկինան արժանացել են գլխավոր մրցանակին: Հովհաննեսը, ի դեպ, այժմ գտնվում է զինվորական ծառայության մեջ՝ պարտքը կատարելով հայրենիքին:
Դպրոցի մի շարք աշակերտներ և շրջանավարտներ արժանացել են առաջին և երկրորդ մրցանակների, իսկ նրանց ուսուցիչները՝ շնորհակալագրերի: Հատուկ շնորհակալագրի է արժանացել նաև դպրոցը:
«Շնորհավորում եմ մեր մրցանակակիրներին և նրանց ուսուցիչներին այս դժվարին ճանապարհն անցնելու համար: Ճանապարհը գեղեցիկ էր, ավարտը՝ ևս: Այսօր արդեն նոր սկիզբ է. վստահ եմ՝ այս ուսումնական տարում ավելի շատ հաղթանակներ ու մրցանակներ կունենանք: Բոլորս միասին պետք է աշխատենք՝ մեր դպրոցն ավելի լսելի և տեսանելի դարձնելու համար»,- եզրափակել է Նարինե Մեհրաբյանը:
Նշենք՝ Երևանի երաժշտական թիվ 13 հատուկ դպրոց այս տարի մուտք է գործել շուրջ 25 առաջին դասարանցի:
ԿԳՄՍ նախարարի տեղակալը նաև շրջայց է կատարել դպրոցում, ծանոթացել ենթակառուցվածքներին՝ կրթական գործընթացում կարևորելով նաև պայմանների բարելավումը: Երաժշտական թիվ 13 հատուկ դպրոցում աշակերտների համար կա նաև գիշերակացի հնարավորություն՝ ծնողների ցանկության դեպքում: Երեխաներն ապահովվում են սննդով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ