ԿԳՄՍ նախարար Ժաննա Անդրեասյանն այսօր ընդունել է Արմավիրի թիվ 4 ավագ դպրոցի մանկավարժական կազմի ներկայացուցիչներին՝ դպրոցի տնօրեն Անի Քալաշյանի գլխավորությամբ:
Հանդիպմանը ներկա են եղել ԿԳՄՍՆ գլխավոր քարտուղար Հասմիկ Հակոբյանը, Հանրակրթության վարչության պետի պարտականությունները կատարող Սուսաննա Ազատյանը, Իրավաբանական վարչության պետ Հովհաննես Գևորգյանը:
Քննարկման առանցքում Արմավիրի թիվ 4 ավագ դպրոցը Արմավիրի Ռ. Եղոյանի անվան թիվ 1 ավագ դպրոցին միացման ձևով վերակազմակերպելու ՀՀ կառավարության որոշման նախագիծն էր:
ԿԳՄՍ նախարար Ժաննա Անդրեասյանը ներկայացրել է նախագիծը կրթության ոլորտում պետական բարեփոխումների համատեքստում և անդրադարձել «300 դպրոց, 500 մանկապարտեզ» ծրագրին, որն իրագործելու համար ուսումնասիրվել են թե՛ գյուղական, թե՛ քաղաքային դպրոցները:
«Նախկինում, երբ ավագ դպրոցները նոր էին կազմավորվում, դրանց համար հատկացվել են համեմատաբար ավելի մեծ և ոչ բարվոք վիճակում գտնվող դպրոցներ: Սրանով պայմանավորված՝ այսօր հիմնական դպրոցներում խնդիր ունենք: Այդ դպրոցները, որտեղ սովորում են ավելի մեծ թվով աշակերտներ (1-ից 9-րդ դասարան), զգալիորեն ծանրաբեռնված են, իսկ ավագ դպրոցները, որոնք և՛ ավելի տարողունակ են, և՛ ավելի քիչ թվով աշակերտների են սպասարկում (10-12-րդ դասարան), թերբեռնված են: Ստացվում է, օրինակ, Արմավիրում ունենք 2 ավագ դպրոց, որոնք չեն օգտագործվում ամբողջությամբ: Մեր խնդիրն է այդ 2 դպրոցների ռեսուրսների կիրառմամբ ունենալ 1 ուժեղ ավագ դպրոց»,- ասել է ԿԳՄՍ նախարար Ժաննա Անդրեասյանը: Նա նաև ավելացրել է, որ այս համատեքստում դիտարկվում է նաև վերամիավորման արդյունքում ազատվող դպրոցի տարածքը կրթական այլ նպատակով օգտագործելու հարցը: Արմավիրում գործող Բժշկական քոլեջը չունի սեփական շենք. այն վարձակալած է, որի համար պետությունը հավելյալ գումար է վճարում: Գործընթացի ավարտից հետո ավագ դպրոցի շենքը դարձյալ ծառայելու է կրթական նպատակի, այս անգամ՝ քոլեջի ուսանողների համար:
«Յուրաքանչյուրս պատասխանատվություն ունենք մեկ քայլ առաջ մտածելու՝ համակարգային ճիշտ որոշում կայացնելու համար»,- ասել է նախարարը:
Նա անդրադարձել է նաև դպրոցի ուսուցչական և ուսումնաօժանդակ անձնակազմի՝ հետագա գործունեության խնդրին:
Նախարարի ընդգծմամբ՝ այն աշխատակիցներին, որոնք հնարավորություն չեն ունենա աշխատելու կազմավորված նոր դպրոցում, Արմավիր քաղաքի տարածքում կառաջարկվի աշխատանք իրենց մասնագիտությամբ:
«Դպրոցներում մշտապես առկա է մասնագետների կարիք, և մենք յուրաքանչյուր աշխատակցի համար փորձելու ենք առաջարկել համապատասխան աշխատանք՝ անկախ հանգամանքներից»,- ասել է Ժաննա Անդրեասյանը:
Արմավիրի թիվ 4 ավագ դպրոցի մանկավարժները ներկայացրել են իրենց մտահոգությունները, այս համատեքստում անդրադառնալով նաև դպրոցի տեղակայման հարցին:
ԿԳՄՍ նախարար Ժաննա Անդրեասյանը նշել է, որ հանրային քննարկման դրված նախագիծը մինչ վերջնական հաստատման ներկայացնելը` կարող է որոշակի լրամշակումների ենթարկվել` հաշվի առնելով ներկայացված դիտարկումներն ու առաջարկությունները: Ըստ նախարարի` կարվեն հնարավոր բոլոր քայլերը, որ առաջարկվող իրավական գործընթացներում մանկավարժների հետագա գործունեության ապահովումը երաշխավորված լինի:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ