ՀՀ կրթության, գիտության, մշակույթի և սպորտի նախարարության և «ՍոուլՄի» ՏՏ կազմակերպության միջև կնքվել է համագործակցության հուշագիր՝ թվային տեխնոլոգիաների կիրառման միջոցով սպորտը զարգացնելու նպատակով:
Հուշագիրը ստորագրել են ԿԳՄՍ նախարարի տեղակալ Կարեն Գիլոյանը և «ՍոուլՄի» ՏՏ կազմակերպության հիմնադիր տնօրեն Պավել Խաչատրյանը։
Կողմերի միջև նախատեսվում է համագործակցություն՝ սպորտային միջոցառումների ընթացքում կիրառելով թվային տեխնոլոգիաների լուծումներ, ինչպես նաև նախատեսվում է համատեղ ծրագրերի մշակում՝ թվային տեխնոլոգիաների միջոցով դեռահասների և պատանիների շրջանում սպորտի նկատմամբ հետաքրքրության բարձրացման ու սպորտի մասսայականացման նպատակով։
«ՍոուլՄի»-ն հայկական ՏՏ սթարթափ է, որը ստեղծում է թվային հիշողություններ: Ընկերության կողմից արդեն իսկ ստեղծվել են մարզիկների անհատական թվային քարտեր, որտեղ QR կոդերի միջոցով մարզիկներն ու երկրպագուները հնարավորություն կունենան ստեղծելու և պահպանելու տեսանյութեր ու այլ մեդիաարտադրանք: Ստեղծվել են նաև սթիքերներ, որոնք ԿԳՄՍ նախարարության կողմից կազմակերպված առաջնությունների ու մրցաշարերի ժամանակ փակցվելու են գավաթների ու դիպլոմների վրա՝ մարզիկին թողնելով նաև վիդեո հիշողություններ առաջնության ամբողջ ընթացքից:
ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը կարևորել է մարզիկների հանրահռչակման գործընթացը, որն այսուհետ իրականացվելու է նաև նորարարական լուծումներով:
«Շուտով կընդունվի Հայաստանի սպորտի զարգացման ռազմավարությունը, որի հենակետային դրույթներից մեկը մարզիկների հանրահռչակումն ու նրանց հեղինակության բարձրացումն է: Մեր մարզիկները պետք է ավելի ճանաչելի լինեն՝ օրինակ ծառայելով երեխաներին: Այս նորարարական հանրահռչակման մեթոդը կծառայի այդ նպատակին: QR կոդով, հեռախոսի սքանավորման միջոցով մարզիկն իր մոտ կունենա այսպես կոչված ալբոմ, որը ցանկացած պահի կլինի հասանելի: Երկրպագուները նույնպես կկարողանան իրենց մոտ պահել մարզիկների հետ իրենց լուսանկարները, դրանք հրապարակել սոցիալական կայքերի էջերում»,- ընդգծում է Կարեն Գիլոյանը:
«ՍոուլՄի» թվային քարտերը փորձնական տարբերակով առաջին անգամ փորձարկվել են Երևանում անցկացված ծանրամարտի Եվրոպայի առաջնության ժամանակ:
Պավել Խաչատրյանն ընդգծում է՝ իրենք առաջարկում են անհատականացված լուծումներ այնպիսի ոլորտներում, ինչպիսիք են կրթությունը, սպորտը, մշակույթը և բիզնեսը՝ առաջնահերթությունը տալով այս ոլորտների միջոցառումների թվայնացմանը։
«Թվայնացնում ենք սպորտային միջոցառումների կազմակերպման և անցկացման գործընթացները՝ գրանցումից մինչև տեղեկատվության տրամադրում, մասնակիցների միջև ինտերակտիվ հաղորդակցությունից մինչև հետադարձ կապի ստացում։ Ֆիզիկական ատրիբուտները՝ մեդալներ, գավաթներ, դիպլոմներ, պարգևներ, կրծքանշաններ, տաղավարներ և այլն նույնպես թվայնացվում են։ Այսպիսով, առավելագույնի է հասցվում միջոցառումների արդյունավետությունը՝ հնարավորություն տալով կազմակերպիչներին հավաքագրել տվյալներ՝ հետագայում վերլուծելու և միջոցառումների քարոզչության նպատակով, իսկ մասնակիցներին՝ ստանալու լավագույն տպավորություններ»,- նշում է Պավել Խաչատրյանը:
ԿԳՄՍ նախարարության և «ՍոուլՄի» ՏՏ կազմակերպության միջև համագործակցության շրջանակում նորարարական լուծումները՝ սթիքերները և քարտային համակարգն առաջին անգամ կներդրվի Ստեփան Սարգսյանի անվան ըմբշամարտի միջազգային հուշամրցաշարում, որը կանցկացվի հունիսի 15-17-ը Երևանի «Միկա» մարզահամալիրում:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ