ՀՀ կրթության, գիտության, մշակույթի և սպորտի նախարարությունում շարունակվում են «Էրազմուս+» ծրագրի ազգային նախագծերի մեկնարկային օրերը:
Հանդիպմանը ներկա են եղել ԿԳՄՍ նախարար տեղակալ Արաքսիա Սվաջյանը, ՀՀ-ում ԵՄ պատվիրակության համագործակցության բաժնի ղեկավար Ֆրանկ Հեսսը, Հայաստանում «Էրազմուս+» ծրագրի ազգային գրասենյակի համակարգող Լանա Կառլովան, ՄԿՈւ ոլորտի, հասարակական կազմակերպությունների և այլ շահառու կազմակերպությունների ներկայացուցիչներ:
Ներկաներին առցանց ողջունել է Եվրահանձնաժողովի կրթության, երիտասարդության, սպորտի և մշակույթի գլխավոր տնօրինության ներկայացուցիչ Կինգա Բերեզա-Հուսակը:
ԿԳՄՍ նախարարի տեղակալ Արաքսիա Սվաջյանը ողջունել է ներկաներին Եվրոպական միության «Էրազմուս+» ծրագրին վերաբերող կարևոր միջոցառմանը մասնակցելու կապակցությամբ:
«Ծրագիրը գալիս է օժանդակելու այն բոլոր թիրախներին և նպատակներին, որոնք սահմանված են նախնական արհեստագործական և միջին մասնագիտական կրթության ոլորտի զարգացման համար: Բոլոր այն ծրագրերը և հնարավորությունները, որ այսօր կներկայացվեն, նոր դռներ են բացելու դեպի կրթության այս մակարդակի որակի փոփոխություն և միջազգայնացում՝ որպես Կրթության զարգացման ռազմավարության առանցքային թիրախներ»,- ասել է Արաքսիա Սվաջյանը:
Ըստ ԿԳՄՍ փոխնախարարի՝ «Էրազմուս+» ծրագրի ներդրումը նախնական և միջին մասնագիտական ուսումնական համակարգում ենթադրում է գործընկեր կազմակերպությունների հետ համագործակցային կապերի հաստատում, համատեղ ծրագրերի մշակում, կրթական բովանդակության բարելավում:
««Էրազմուս+» ծրագրի ներդրումը քոլեջների և ուսումնարանների համար նոր հնարավորություն է՝ ինչպես մանկավարժների և վարպետների կարողությունների զարգացման, այնպես էլ ուսանողների փոխանակման ծրագրերի, կրթությունը եվրոպական ուսումնական հարստություններում շարունակելու, մեր երկրում նոր նշաձողեր սահմանելու տեսանկյունից»,- ասել է նախարարի տեղակալը:
ԵՄ ներկայացուցիչ Ֆրանկ Հեսսը «Էրազմուս+» ծրագրի կարևոր հատկանիշներից մատնանշել է կարողությունների զարգացումը ՄԿՈւ ոլորտում և ձեռներեցության հմտությունների ձեռքբերումը: Ըստ նրա՝ ծրագիրն աջակցում է մասնագիտական հմտությունների զարգացմանը՝ դրանով իսկ նպաստելով որակյալ աշխատատեղերի ստեղծմանը և նորարարության խթանմանը:
Այսօրվա հանդիպումը նվիրված է եղել ՄԿՈւ ոլորտում կարողությունների զարգացման 3 նոր նախագծերի ներկայացմանը, որից հետո տեղի է ունեցել պանելային քննարկում ՄԿՈւ ոլորտի պետական և մասնավոր հաստատությունների ներկայացուցիչների հետ:
Շահագրգիռ կողմերը «European Year of Skills 2023» խորագրի ներքո նաև քննարկել են մասնագիտական կրթության և հմտությունների միջև կապը։
Հիշեցնենք նաև, որ ԿԳՄՍ նախարարության աջակցությամբ միջոցառումը կազմակերպվել էր Հայաստանում «Էրազմուս+» ծրագրի ազգային գրասենյակի կողմից, որի նպատակն էր ներկայացնել «Էրազմուս+» դրամաշնորհ ստացած բարձրագույն, նախնական արհեստագործական և միջին մասնագիտական ուսումնական հաստատությունների կողմից իրականացվելիք նախագծերի հիմնական անելիքներն ու ակնկալվող արդյունքները։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ