Մայիսի 28-ին՝ Հայաստանի առաջին հանրապետության օրը, ՀՀ Գեղարքունիքի մարզում՝ Շողակաթ (նախկին Շորժա)-Սևանա լճի թերակղզի ճանապարհահատվածում երրորդ անգամ անցկացվել է «ՀՀ վարչապետի գավաթ» սիրողական խճուղային հեծանվավազքի մրցաշարը:
Մրցաշարին կանանց և տղամարդկանց երկուական տարիքային խմբերում ավելի քան 300 հեծանվորդ է մասնակցել:
Կանանց առաջին տարիքային խմբի՝ 18-40 տարեկան մասնակիցների շրջանում 40 կմ մրցատարածությունը բոլորից արագ՝ 1 ժամ 20 րոպեում, հաղթահարել է Նարե Ղարիբյանը՝ Երևանից: Նարեն երկրորդ տարին անընդմեջ արժանացել է ՀՀ վարչապետի գավաթ» սիրողական խճուղային հեծանվավազքի մրցաշարի հաղթողի կոչմանն ու 1 մլն դրամ մրցանակին:
«Ենթադրում էի, որ եռյակում կլինեմ, բայց մրցակցությունը բավական մեծ էր. գիտեի, որ երկու հիմնական մրցակիցներս շատ ակտիվ մարզվում են ու նախապատրաստվում մրցաշարին: Նախորդ տարվա մրցումից հետո մարզումները չեն դադարել: Արդյունքից գոհ եմ. հաղթանակի զգացողությունը շատ հաճելի է: Հենց դա է իմ մոտիվացիան»,- ասում է Նարե Ղարիբյանը, որն ընդամենը 3 տարի է՝ զբաղվում է սիրողական հեծանվասպորտով:
Տղամարդկանց երկրորդ տարիքային խմբում հաղթողի տիտղոսը երկրորդ տարին անընդմեջ նվաճել է Սամվել Հովհաննիսյանը:
«Շատ ուրախ եմ հաղթանակի առթիվ: Այս մրցաշարն իսկապես մեծ աշխուժություն է մտցրել հեծանվային ասպարեզում: Շատ մարդիկ ամբողջ տարի մարզվում են, որպեսզի մասնակցեն այս մրցաշարին: Ինքս էլ ընկերներիս հետ մի քանի ամիս հատուկ նախապատրաստական փուլ եմ անցել, որպեսզի կարողանամ լավագույնս հանդես գալ: Բավական լավ արդյունք գրանցեցի, ինչի համար շատ ուրախ եմ: Սա ևս մեկ խթան է՝ մարզաձևի մասսայականացման ու տարածման համար»,- ընդգծում է Սամվել Հովհաննիսյանը:
Տղամարդկանց առաջին տարիքային խմբում հաղթողի կոչումը նվաճած Անանիա Ոսկանյանը երրորդ անգամ է մասնակցում «ՀՀ վարչապետի գավաթ» սիրողական խճուղային հեծանվավազքի մրցաշարին, բայց նախորդ տարիներին բավարարվել է բրոնզե մեդալներով:
«Այս տարի շատ լուրջ էի նախապատրաստվել՝ ամեն օր մարզումներ անցկացնելով: Վստահ էի, որ այս տարի հաղթանակն իմն է լինելու: 40 կմ մրցատարածությունը հաղթահարելն այնքան էլ դժվար չէ, եթե պատրաստված ես լինում: Նմանօրինակ մրցաշարերի անցկացումը ևս կարևորում եմ՝ հեծանվասպորտի զարգացման տեսանկյունից: Մասնակիցներն անընդհատ աշխատում են իրենց վրա և ձգտում ավելի ուժեղանալ: Հեծանվավազքով զբաղվողներն էլ ավելի են շատանում: Կարծում եմ՝ մրցաշարն իր առջև դրված խնդիրը կատարում է»,- նշում է Անանիա Ոսկանյանը:
Հիշեցնենք՝ երկու տարիքային խմբերում 1-ից 10-րդ տեղերը զբաղեցրած մասնակիցները կպարգևատրվեն դրամական մրցանակներով: Մասնավորապես՝ 1-ին տեղը զբաղեցրած մասնակիցները կստանան 1 մլն դրամ, 2-րդ տեղը՝ 500.000, 3-րդ տեղը՝ 300.000, 4-րդ տեղը՝ 100.000, 5-10-րդ տեղերը՝ 50.000-ական դրամ:
1-ին, 2-րդ և 3-րդ տեղերը զբաղեցրած մասնակիցները պարգևատրվել են նաև ԿԳՄՍ նախարարության համապատասխան կարգի հավաստագրերով, գավաթներով, մեդալներով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ