2023 թվականի մայիսի 24-ին լրանում է Հայաստանի Հանրապետության ժողովրդական նկարիչ, պետական մրցանակի դափնեկիր Հակոբ Հակոբյանի ծննդյան 100-ամյակը:
Այս կապակցությամբ ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալ Արա Խզմալյանը և ԿԳՄՍՆ մշակության ժառանգության և ժողովրդական արհեստների վարչության պետ Աստղիկ Մարաբյանն այցելել են Հակոբ Հակոբյանի այրի Մարի Հակոբյանին՝ պատվելու վարպետի հիշատակը:
Նախարար Ժաննա Անդրեասյանը շնորհակալական և շնորհավորանքի խոսքեր է ասել վարպետի հիշատակին. «Վարպետի մշակութային ժառանգությունը և արժեհամակարգը մեզ համար ուղենշային են ճիշտ գործելու և քայլեր ձեռնարկելու առումով: Այս հոբելյանական տարվա ընթացքում անելու ենք հնարավորը՝ ըստ արժանվույն մեծարելու Հակոբ Հակոբյան արվեստագետի կյանքն ու արվեստը: Հոբելյանական յուրաքանչյուր միջոցառում պլանավորվել է՝ ի հիշատակ և շարունակություն նրա գործի»:
Նշենք, որ Հակոբ Հակոբյանի ծննդյան 100-ամյակի առիթով ՀՀ կրթության, գիտության, մշակույթի և սպորտի նախարարի հրամանով ստեղծվել է հոբելյանական հանձնաժողով՝ նախարարի տեղակալ Արա Խզմալյանի նախագահությամբ:
Փոխնախարարի խոսքով՝ հոբելյանական տարին նոր է մեկնարկում: Նախատեսվում են վարպետին նվիրված ցուցահանդես Հայաստանի ազգային պատկերասրահում, պատկերագրքի թողարկում, քաղաքում նրա հեղինակային քանդակներից մեկի տեղադրում, նամականիշի մարում և այլն:
«Միջոցառումները, որոնք իրականացնում ենք, ունեն ոչ միայն անցյալն արժևորելու նպատակ, այլև հանրությանը վերադարձնելու այն կենարար ներուժը, որ ունեն մեր արվեստագետները և նրանց ժառանգությունը: Յուրաքանչյուր հոբելյանական միջոցառում պետք է ուղերձ լինի հասարակության համար, իսկ Հակոբ Հակոբյանի ուղերձը լուսավոր ու կենսարար է, ինչպես ինքն է եղել՝ բարի, մարդասեր, կյանքի ու պահի արժեքն իմացող, ազնիվ ու բաց՝ որպես հիշեցում, թե ինչպես պետք է ապրել»,- ասել է Արա Խզմալյանը:
Նկարչի այրին՝ Մարի Հակոբյանը հուշեր է պատմել Հակոբ Հակոբյանի կյանքից ու կենսագործունեությունից՝ Հայաստան տեղափոխվելուց մինչև ապրած վերջին օրեր: «Հակոբի շունչը, հոգին միշտ այս տանն են. այդ մասին են վկայում նաև նրան ճանաչողները: Նա այն բացառիկ մարդկանցից էր, որ սիրում էր բոլորին, և բոլորը սիրում էին նրան: Նա ապրում էր ժողովրդի ցավով և մահացավ՝ ժողովրդի ճակատագրով մտահոգված»,- ասել է արվեստագետի այրին:
Նախարարն առաջարկել է հուշերը գրի առնել կամ ձայնագրել՝ որպես արժեքավոր ժառանգություն Հակոբ Հակոբյանի կենսագրության վերաբերյալ:
ԿԳՄՍ նախարարի տեղակալ Արա Խզմալյանի խոսքով՝ Հակոբ Հակոբյանի կտավները ներառվելու են «Քո արվեստը դպրոցում» և «Դասարվեստ» ծրագրերում, որպեսզի վարպետի արվեստի գործերը ճանաչելի դառնան նաև դպրոցականների շրջանում:
Նշենք, որ մինչ Հակոբ Հակոբյանի բնակարան այցը՝ ԿԳՄՍ նախարար Ժաննա Անդրեասյանը և նախարարի տեղակալ Արա Խզմալյանը հարգանքի տուրք են մատուցել վարպետի հիշատակին՝ ծաղիկներ խոնարհելով Կոմիտասի անվան պանթեոնում նրա շիրմաքարին: Պանթեոնում էին նաև Հակոբ Հակոբյանի դուստրը՝ Նորա Հակոբյանը և լիբանանահայ լուսանկարիչ Հրայր Բազե Խաչերյանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության նոր հնարավորություններ: Դրանք ոչ միայն հեշտացնում են կրթական գործընթացը, այլև այն դարձնում ավելի հետաքրքիր, մատչելի և արդյունավետ:Դրանց…
Հարգելի ուսուցիչներ, սիրով ձեզ եմ ներկայացնում իմ <<Հեքիաթաստեղծման կարողության ձևավորումը տարրական դասարաններում>> վերնագրով թեման: Մայրենիի ծրագրերում և դասագրքերում ոչ պակաս կարևոր է հեքիաթի տեղն ու դերը, քանի որ հեքիաթն ունի…
Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:
Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի ներմուծումը, բազմությունների հատումն ու միավորումը հատուկ պայմանանշաններով գրառելու…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ