ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ ԿԳՄՍ նախարարության «Կրթության զարգացման և նորարարությունների ազգային կենտրոն» (ԿԶՆԱԿ) հիմնադրամը Երևանի պետական համալսարանի հետ մայիսի 20-ին անցկացրել է «Հետազոտենք և բացահայտենք աշխարհը» խորագրով աշակերտական աշխատաժողովը:
Աշխատաժողովին մասնակցել են ՀՀ դպրոցների 7-12-րդ դասարանների աշակերտները։
Ողջույնի խոսքով հանդես են եկել ՀՀ ԿԳՄՍ նախարարի տեղակալ Արաքսիա Սվաջյանը, Երևանի պետական համալսարանի ռեկտոր Հովհաննես Հովհաննիսյանը, «ԿԶՆԱԿ» հիմնադրամի տնօրենի պաշտոնակատար Արտաշես Թորոսյանը, կրթական ոլորտի ներկայացուցիչներ:
Նախարարի տեղակալ Արաքսիա Սվաջյանն ընդգծել է, որ համաժողովը նպաստում է երեխաների հետազոտական կարողությունների և քննադատական մտածողության զարգացմանը․ «Կրթական համակարգը դինամիկ փոփոխությունների փուլում է․ փոխվում են և՛ մանկավարժական մոտեցումները, և՛ սովորողների պահանջները։ Կարևոր է համադրել այդ փոփոխությունները և սովորողներին հաղորդել մոտիվացնող գիտելիքներ ու հմտություններ։ Վստահ եմ, որ նախագծային և հետազոտական աշխատանքը, որը դրված է հանրակրթության նոր չափորոշչի հիմքում, հենց այն մեթոդն է, որը երեխաներին առավելագույնս ինքնուրույն և ստեղծագործական մոտեցում ցուցաբերելու հնարավորություն է ընձեռում։ Լիահույս եմ, որ մեր աշակերտների կողմից այսօրվա համաժողովում ներկայացված գաղափարներից շատերը հետագայում կարող են զարգացում ունենալ և դառնալ հետաքրքիր հետազոտւթյուն, ծառայել հանրային ու պետական կարիքների իրացմանը»։
Փոխնախարարի խոսքով՝ համաժողովում ներկայացված աշխատանքները պետք է դիտարկել նաև մասնագիտական կողմնորոշման համատեքստում, որը հանրակրթության համակարգի առաջնային խնդիրներից է։ Արաքսիա Սվաջյանը շնորհակալություն է հայտնել Երևանի պետական համալսարանին ու «ԿԶՆԱԿ» հիմնադրամին՝ համագործակցության համար՝ շեշտելով, որ բուհի հետ շփումը դպրոցականների համար կարևոր նախադրյալ է՝ իրենց ապագան պլանավորելու, ճիշտ մասնագիտություն ընտրելու առումով։
«Ուզում եմ առանձնահատուկ կարևորել ոււսուցիչների դերակատարումը նախագծային ուսուցման ներդրման և նոր չափորոշչի փորձարկման գործընթացում։ Նոր չափորոշիչն արդեն երկու տարի է, ինչ փորձարկվում է, և արդեն իսկ ներդրված է Տավուշի մարզում, իսկ հաջորդ ուսումնական տարվանից այն ներդրվելու է ՀՀ բոլոր դպրոցների 2-րդ, 5-րդ, 7-րդ և 10-րդ դասարաններում: Այն ուսուցիչները, որոնք այս ընթացքում աշխատանքներ են իրականացրել հետազոտական և նախագծային ուսուցման ուղղությամբ, ավելի պատրաստված են և կարողանալու են արդյունավետ աշխատել՝ իրականացնելով նոր չափորոշչով սահմանված պահանջները»,- նշել է նախարարի տեղակալը։
ԵՊՀ ռեկտոր Հովհաննես Հովհաննիսյանը, ողջունելով աշակերտներին, հույս է հայտնել, որ նրանցից շատերն ապագայում կընդունվեն ԵՊՀ՝ դառնալով համալսարանական մեծ ընտանիքի անդամ։
«ԵՊՀ-ում արդեն երկրորդ տարին անցկացվող այս միջոցառումը հիանալի հնարավորություն է՝ խթանելու աշակերտների հետազոտական ու հաղորդակցական հմտությունների զարգացումը և նպաստելու նրանց մասնագիտական կողմնորոշմանը։ Ես վստահ եմ, որ մտքերի փոխանակումը, քննարկումներն ու քննադատական մոտեցումն ապահովում են մեծ առաջընթաց, իսկ այսօրվա միջոցառումն իր ձևաչափով միտված է հենց դրան»,- ասել է ԵՊՀ ռեկտորը։
Դիմելով աշակերտներին՝ նա հաջողություն է մաղթել ու կոչ արել երբեք չվախենալ նոր գաղափարներն արտահայտելիս, զարգացնել ազատ մտածողությունն ու քննադատական միտքը և երբեք չդադարել սովորել։
ՀՀ ԿԳՄՍՆ «ԿԶՆԱԿ» հիմնադրամի գործադիր տնօրենի պաշտոնակատար Արտաշես Թորոսյանի խոսքով ՝ կարևոր է, որ աշակերտները տեսնեն՝ ինչ մեծ ու կարևոր գիտական կենտրոն ունի ՀՀ-ն՝ հանձին ԵՊՀ-ի:
«Այսօրինակ միջոցառումները նպատակ ունեն ցույց տալու այն հսկայական աշխատանքը, որ դպրոցներում կատարում են ուսուցիչներն ու աշակերտները, որպեսզի բոլորս տեսնենք հաջողության ճանապարհը»,- նշել է Արտաշես Թորոսյանը՝ անդրադառնալով աշխատաժողովի կարևորությանը։
Արդեն երկրորդ անգամ անցկացվող աշակերտական համաժողովի նպատակն է դպրոցում խթանել հետազոտական աշխատանքների իրականացումը, նպաստել աշակերտների մասնագիտական կողմնորոշմանը, բուհ-դպրոց համագործակցության ընդլայնմանը։
«Հետազոտենք և բացահայտենք աշխարհը» խորագրով աշակերտական գիտաժողովի զեկուցումները ներկայացվել են «Հայոց լեզու և գրականություն», «Հայրենագիտություն», «Օտար լեզուներ», «ԲՏՃՄ», «Արվեստ և արհեստ», «Հասարակություն, հասարակական գիտություններ», «Ֆիզիկական կրթություն և անվտանգ կենսագործունեություն» բնագավառներից։
Աշխատաժողովի մասնակից աշակերտները ներկայացրել են նշված ուղղությումններով իրենց կատարած հետազոտական աշխատանքներն ու նախագծերը: Աշխատաժողովը հնարավորություն է ընձեռել դպրոցականների շրջանում զարգացնելու հետազոտական աշխատանք կատարելու և հաղորդակցական հմտությունները, ստեղծագործական միտքը, ինչպես նաև կապեր հաստատելու այլ դպրոցների աշակերտների հետ։
Նշենք, որ այս տարի ներկայացված հայտադիմումների թիվը գերազանցում է նախորդ տարվա ցուցանիշը․ մասնակցել են Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Տավուշի մարզերի և Երևանի 67 դպրոց, 252 աշակերտ, 152 հետազոտական աշխատանք:
Ավարտին ամփոփվել են աշխատաժողովի արդյունքները: Այնուհետև ԵՊՀ Շառլ Ազնավուրի անվան մշակույթի կենտրոնի երգչախումբը, անհատ կատարողները, աղջիկների պարային համույթը հանդես են եկել տարբեր կատարումներով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
