ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը մասնակցել է Ամերիկահայ գիտնականների և ճարտարագետների ընկերակցությանն (AESA) ամենամյա գիտական 22-րդ օլիմպիադայի մրցանակաբաշխությանը:
Գիտական օլիմպիադայի հիմնական նպատակն է դպրոցականների շրջանում խթանել ճարտարագիտության և գիտությունների նկատմամբ հետաքրքրությունը: Այս տարվա մրցանակաբաշխությունը մասնակցել են ՀՀ դպրոցների շուրջ 250 աշակերտ և ուսուցիչ:
ՀՀ ԿԳՄՍ նախարարի տեղակալը շնորհավորել է մրցանակակիրներին և շնորհակալություն հայտնել օլիմպիադայի կազմակերպիչներին և ուսուցիչներին սրտացավ աշխատանքի համար:
«Մենք կարևորում ենք այսօրինակ մրցույթներն ու նախաձեռնությունները, որոնք աշակերտներին մոտիվացնում են զբաղվել գիտությամբ և իրականացնել հետազոտություններ: ՀՀ կառավարությունը մեծ ուշադրություն է դարձնում կրթության և գիտության ոլորտի զարգացմանը. այժմ իրականացվում են կրթության բովանդակային բարեփոխումներ՝ զարգացնելու ԲՏՃՄ կրթությունը հանրակրթական դպրոցներում: Բացի դրանից՝ բոլոր դպրոցներում ստեղծվում են բնագիտական և ինժեներական լաբորատորիաներ, որոնք կնպաստեն հետազոտություններ իրականացնելուն ու առավել շոշափելի արդյունքներ գրանցելուն»,- ասել է Արաքսիա Սվաջյանը:
Ամենամյա գիտական օլիմպիադան ֆիզիկայի, բնական, սոցիալական գիտությունների, ճարտարագիտության և քիմիայի ոլորտների ընդգրկմամբ ակադեմիական մրցույթ է, որն անցկացվում է հիմնական դպրոցի 6-8-րդ դասարանների և ավագ դպրոցի 9-12-րդ դասարանների աշակերտների համար: Աշակերտների նախագծերը գնահատվել են ստեղծարարության, գիտական մոտեցման, ըմբռնման և ներկայացման հիման վրա: Ամենամյա գիտական 22-րդ օլիմպիադայի աշակերտները ներկայացրել են 66 հետազոտական կամ փորձարարական նախագծեր:
AESA 22-րդ գիտական օլիմպիադան տեղի է ունեցել ապրիլի 16-ին և 17-ին, որին առցանց միացել են մասնակիցներ Հայաստանի Հանրապետությունից և ԱՄՆ-ից: Այս տարվա օլիմպիադային մասնակցել է 37 հիմնական և ավագ դպրոցների 133 աշակերտ, որոնցից հաղթող է ճանաչվել 55-ը: Նրանք ստացել են մեդալներ, պատվոգրեր և դրամական պարգև:
Ամերիկահայ գիտնականների և ճարտարագետների ընկերակցության ներկայացուցիչ Վարդան Գևորգյանն իր հերթին շնորհավորել է բոլոր աշակերտներին քրտնաջան աշխատանքի և որակյալ նախագծերի համար. «Մենք գնահատում ենք ուսուցիչներին, ծնողներին, հանձնաժողովի անդամներին և այն աջակիցներին, որոնք AESA-ի 22-րդ գիտական օլիմպիադան դարձրին հաջողված իրադարձություն»:
Սահմանվել են «Տարվա դպրոց» և «Տարվա ուսուցիչ» մրցանակները՝ հիմնված յուրաքանչյուր անվանակարգում և մակարդակում մասնակցող նախագծերի ընդհանուր քանակի վրա: Այս տարի «Տարվա դպրոց» մրցանակը հանձնվել է «Շիրակացու ճեմարան» միջազգային գիտակրթական համալիրին, իսկ «Տարվա ուսուցիչը»՝ Վանաձորի թիվ 1 դպրոցի ուսուցչուհի Նելլի Ստեփանյանին:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ