Հրաժեշտ կիսաբաց թևերով

Մայիսի 19, 2023

Դպրոցական անցուդարձ

Տարրական դպրոցի ավարտը կարևորագույն իրադարձություն է դպրոցի կրտսեր աշակերտների համար: Ահա, այսօր, տոն է ու հիշարժան օր 4-րդ <<բ>> դասարանում: Պատասխանատվության կրթությունը քննություն հանձնեց համագործակցելու կարողունակության վերջնարդյունքներով: Ուրախության մթնոլորտը խոսում է սեփական արդյունքների բավարարվածության մասին, չորս տարիների, ձեռքբերումների ու բացահայտումների մասին:

Հրաժեշտի հանդեսը տողատակ ունի՝ արժանապատիվ մուտք միջին դպրոց:

Դասվար Մելադա Սահակյանն անթվելի սերունդ է գրաճանաչ դարձրել, եղել նրանց հոգու մշակը, ուղեկցել միջին դպրոց, ականջալուր դարձել շարունակական գովեստին:

Այսօր ևս երեխաների կատարումներն աչքի ընկան դժվար ճանապարհով քայլելուն պատրաստ հաստատակամությամբ:

Հեքիաթային գնդակը ճիշտ փոխանցումներով հասավ դեպի գիտելիքների գագաթնակետ տանող խաչմերուկ, որտեղ կանաչ լույս է վառված հատու միտք, հստակ խոսք, կոկիկ կեցվածք և հմտություններ ձեռք բերած սաների համար:

Հիրավի, ծափահարություններն այս ամենին են ուղղված:

Ուսմասվար Ալինա Մկրտչյանը ոսկերչական զգուշությամբ բնութագրեց դասվարին և նրա աշխատանքը:

Տնօրեն Սիրանուշ Հարությունյանը պատկառանքի խորը զգացմունքը փոխանցեց ներկաներին՝ ջերմ խոսքեր ուղղելով երեխաներին, ծնողներին, գործընկերներին:

Միջոցառմանը ներկա էր ՀՀ Սյունիքի մարզպետի աշխատակազմի կրթության բաժնի պետ Հասմիկ Մնացականյանը, ով իր խոսքում կարևորեց ուսուցչի կերպարի, լավ կրթության և ճիշտ դաստիարակության դերը պետության կայացման գործում:

Կապանի N 5 հիմնական դպրոց