ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի` ապրիլի 25-ի նիստում առաջին ընթերցմամբ քննարկվել է ««Նախադպրոցական կրթության մասին» օրենքում լրացումներ և փոփոխություններ կատարելու մասին փաթեթը:
Հարցը զեկուցել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը՝ նշելով, որ փոփոխությունների փաթեթը պայմանավորված է մի շարք ուղղություններով հստակ կարգավորումներ ունենալու պահանջով: Առաջինը փոփոխությունը վերաբերում է ներառական կրթությանը, և նախագծի ընդունմամբ ակնկալվում է կարգավորել նախադպրոցական ոլորտում կրթության և զարգացման առանձնահատուկ պայմանների կարիք ունեցող երեխաների կրթության կազմակերպման հետ առնչվող հարցերը, ինչպես նաև մանկավարժահոգեբանական աջակցության ծառայությունների տրամադրումը:
Երկրորդ փոփոխությունը վերաբերում է նախադպրոցական ուսումնական հաստատությունների մանկավարժական աշխատողների վերապատրաստումներին. նախատեսվում է յուրաքանչյուր հինգ տարին մեկ պարտադիր վերապատրաստման պահանջ սահմանել, ինչը թույլ կտա նրանց շրջանում ևս ապահովել կարողությունների շարունակական զարգացում:
Ըստ Արաքսիա Սվաջյանի՝ երրորդ ուղղությունը վերաբերում է նախադպրոցական ուսումնական հաստատության ղեկավարման իրավունքի՝ հավաստագրի ստացմանը: Գործող օրենքով պարտադիր պահանջ էր վերապատրաստում ու դրանից հետո նոր միայն հավաստագրում. առաջարկվել է հանել պարտադիր վերապատրաստման պահանջը:
Չորրորդ ուղղությունը վերաբերում է նախադպրոցական ուսումնական հաստատության ղեկավարմանը: Փոխնախարարի խոսքով՝ իրականացված վերլուծության համաձայն՝ տնօրենների շուրջ 65 տոկոսը պաշտոնավարում է անորոշ ժամկետով պայմանագրերի հիման վրա, հետևաբար ժամկետի հստակեցման կարիք կա: Ըստ առաջարկվող փոփոխության` նախադպրոցական ուսումնական հաստատության ղեկավարները կկարողանան մինչև 2024 հունիսի 1-ն առանց հավաստագրի պաշտոնավարել:
Հինգերորդ ուղղությունը վերաբերում է զարգացման կենտրոնների և նախադպրոցական ծառայություններ մատուցող կազմակերպությունների լիցենզավորման գործընթացին. լիցենզավորման ժամկետն առաջարկվել է երկարաձգել մինչև 2023 դեկտեմբերի 10-ը:
Զեկույցից հետո Արաքսիա Սվաջյանը պատասխանել է պատգամավորների հարցերին` անդրադառնալով խնամքի կենտրոնների լիցենզավորման, նախադպրոցական ուսումնական հաստատությունների տնօրենների պաշտոնավարման և մի շարք այլ խնդիրների:
Օրենսդրական փաթեթը ստացել է դրական եզրակացություն:
Հանձնաժողովի նիստի ընթացքում առաջին ընթերցմամբ քննարկվել է նաև պատգամավորներ Սիսակ Գաբրիելյանի և Թագուհի Ղազարյանի հեղինակած ««Կինեմատոգրաֆիայի մասին» օրենքում լրացումներ և փոփոխություններ կատարելու մասին» օրենքի նախագիծը:
Հանձնաժողովի նախագահ Սիսակ Գաբրիելյանի խոսքով՝ առաջարկվող կարգավորմամբ ֆիլմարտադրողի (ներդրողի) ֆիլմարտադրության հետ անմիջականորեն կապված ապրանքների և ծառայությունների համար կատարված դրամական ծախսերը կարող են մասնակի հետ վերադարձվել` ծախսային մինչև 20 տոկոսի հաշվարկով: Ըստ նախագծի` ներդրումների մասնակի վերադարձը տրամադրելու չափը, հատկացման համամասնությունը և ժամկետները, վերադարձի ենթակա ծախսումները հիմնավորող փաստաթղթերի ցանկն ու ձևաչափը, ինչպես նաև վերադարձը մերժելու, դադարեցնելու և պետական բյուջե հետգանձում կատարելու (վերադարձնելու) և բողոքարկելու ընթացակարգերը կսահմանվեն Կառավարության որոշումով:
ՀՀ կրթության, գիտության, մշակույթի և սպորտի նախարար Ժաննա Անդրեասյանը կարևորել է, որ այս տարի, երբ նշվում է հայ կինոյի 100-ամյակը, հնարավորություն կա օրենսդրական այնպիսի մեխանիզմներ ունենալ, որոնք կինոարտադրության ոլորտի զարգացման նոր փուլ կբացեն: Նա տեղեկացրել է, որ առաջիկայում շրջանառության մեջ կդրվի օրենքից բխող ենթաօրենսդրական փաթեթ` հույս հայտնելով, որ դրանց միասնաբար իրականացումը կստեղծի ինստիտուցիոնալ հնարավորություններ:
Լրամշակված նախագիծը ստացել է դրական եզրակացություն:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ