ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հայկական կինոն 2023 թվականին տոնում է հիմնադրման 100-ամյակը: Այս առթիվ ձևավորվել է ՀՀ կառավարական հոբելյանական հանձնաժողով, որի գլխավորությամբ ՀՀ կրթության, գիտության, մշակույթի և սպորտի նախարարությունը նախաձեռնել է տասնյակից ավելի միջոցառումներ և ծրագրեր:
Հոբելյանական տարվան ընդառաջ՝ ՀՀ ԿԳՄՍ նախարարությունում տեղի է ունեցել մամուլի ասուլիս, որի բանախոսներն էին ԿԳՄՍ նախարարի տեղակալ Արա Խզմալյանը,Հայաստանի ազգային կինոկենտրոնի տնօրեն Շուշանիկ Միրզախանյանը և Հայաստանի կինոգործիչների միության նախագահ Հարություն Խաչատրյանը:
Հայ կինոյի 100-ամյակի միջոցառումներն ընդգրկում են ՀՀ բոլոր մարզերը
ԿԳՄՍ նախարարի տեղակալ Արայիկ Խզմալյանը շնորհավորել է կինոյի ոլորտի ներկայացուցիչներին ու կինոսերներին նշանակալի հոբելյանի կապակցությամբ՝ նշելով, որ հայ կինոյի 100-ամյակի համատեքստում նշանավորվում է նաև անիմացիոն արվեստի 85-ամյակը:
«Կինոն միայն արվեստ չէ, այն անգերազանցելի լծակ է երկրի միջազգայնացման և փափուկ ուժի կիրառման տեսանկյունից: Այս գիտակցումից է, որ հոբելյանական տարեթիվը դիտվում է որպես և՛ անցյալը վերաիմաստավորելու, և՛ ներկայի խնդիրները մեղմացնելու, և՛ ապագան կանխանշելու փայլուն առիթ»,- ասել է ԿԳՄՍ նախարարի տեղակալը:
Փոխնախարարի տեղեկացմամբ՝ հայ կինոյի 100-ամյակի համատեքստում զգալիորեն ավելացվել է կինոարտադրությանը և կինոժառանգության պահպանությանն ուղղված պետական բյուջեն. «2023 թ. կինոնկարների արտադրության բյուջեն աճել է 70 տոկոսով՝ դառնալով 478 մլն դրամ, իսկ կինոժառանգության պահպանության հատկացումները՝ 90 տոկոսով՝ կազմելով 93 մլն դրամ: Հոբելյանական ծրագրերին, ընդհանուր առմամբ, հատկացված է շուրջ 1 մլրդ դրամ»:
Հաստատված ծրագրում նախատեսված են կինոփառատոններ, կրթական ուղղվածության միջոցառումներ, որոնք, ինչպես ընդգծել է Արա Խզմալյանը, կենտրոնացված չեն միայն մայրաքաղաքում. ընդգրկված են բոլոր համայնքները:
Հայ կինոյի 100-ամյակն ընդգրկվել է ՅՈՒՆԵՍԿՕ-ի հռչակավոր մարդկանց և կարևոր իրադարձությունների հոբելյանների 2022-2023 թթ. օրացույցում: Այս շրջանակում Հայաստանում կկազմակերպվի միջազգային գիտաժողով:
Ապրիլի 16-ին Ա. Սպենդիարյանի անվան օպերայի և բալետի ազգային ակադեմիական թատրոնում կկայանա Հայ կինոյի 100-ամյակին նվիրված հոբելյանական «Հանդիսավոր երեկո» մեկնարկային միջոցառումը, և առաջին անգամ հանրությանը կներկայացվի Համո Բեկնազարյանի «Երկիր Նաիրի» համր ֆիլմի վերականգնված տարբերակից հատված:
Արա Խզմալյանն անդրադարձել է նաև հրատարակչական շարունակական ծրագրերին՝ դրանք գնահատելով որպես ազգային արժեքների միջազգայնացման և հանրահռչակման կարևոր ուղղություն: Ընդգծվել է ՀՀ ԿԳՄՍ նախարարության պատվերով հրատարակված «Համո Բեկնազարյան» եռալեզու պատկերագրքի ազգային արժեքը:
Ներկայացնելով մեր կինոն՝ ներկայացնում ենք նաև մեր երկիրը
Հայաստանի ազգային կինոկենտրոնի տնօրեն Շուշանիկ Միրզախանյանն անդրադարձել է հայկական կինոյի մերօրյա ձեռքբերումներին՝ միջազգային կինոփառատոնների մասնակցությունից մինչև տարբեր մրցանակներ: Նա շնորհակալություն է հայտնել կինոգործիչներին այն աշխատանքի համար, ինչի շնորհիվ հայկական կինոն ներկայանում է միջազգային լուրջ հաթակներում:
«Մենք սկսեցինք շոշափելի արդյունքների հասնել՝ փոխելով պետական ֆինանսական աջակցության համակարգը. ընդամենը ընդունեցինք միջազգային ձևաչափը, որով աշխատում է ամբողջ աշխարհը: Այսօր պետությունը՝ ի դեմս կինոկենտրոնի, հանդես է գալիս որպես պետական ֆինանսավորող կառույց: Սրա շնորհիվ մեր կինոարտադրողը սկսեց ակտիվանալ, կարողացավ իսկապես համատեղ արտադրություն ստեղծել տարբեր երկրների հետ: Ներկայացնելով մեր կինոն՝ մենք ներկայացնում ենք նաև մեր երկիրը»,- ասել է Շուշանիկ Միրզախանյանը: Նա անդրադարձել է նաև կինոժառանգության պահպանության աշխատանքներին. «Հատկացված գումարով նախատեսում ենք վերականգնել 25 ֆիլմ՝ և՛ լիամետրաժ, և՛ անիմացիոն, և՛ վավերագրական: Այս պահին վերականգնվում է Ֆրունզե Դովլաթյանի «Բարև, ես եմ» ֆիլմը, որը ներկայացվելու է Կաննի միջազգային կինոփառատոնին: Վերականգնվող ֆիլմերի պրեմիերաներ կլինեն նաև Հայաստանում, շուրջ 100 ֆիլմ ցուցադրվելու է մարզերում, նախատեսվում են ֆիլմերի նոր և հին պաստառների ցուցահանդեսներ՝ երիտասարդ նկարիչների հեղինակությամբ»:
Շուշանիկ Միրզախանյանի հավաստմամբ՝ դպրոցականներին հայ կինոյին առնչելու նպատակով իրականացվում են կրթական ծրագրեր. հուշագրեր են կնքվել «Այբ» դպրոցի, «Թումոյի», Գեղագիտական ազգային կենտրոնի հետ: «Երեխաները մեր ապագա կինոգործիչներն են ու հանդիսատեսը»,- եզրափակել է Միրզախանյանը:
Հայաստանի կինոգործիչների միության նախագահ Հարություն Խաչատրյանն էլ իրազեկել է, որ իրականացվում են կրթական տարբեր ծրագրեր, նախատեսվում է բացել կինոդպրոց, իսկ «Կինոուսուցիչ» ծրագիրը հանրային մեծ հետաքրքություն է վայելում:
Նշենք, որ ասուլիսի շրջանակում կինոյի ոլորտում ունեցած նշանակալի ավանդի համար մի շարք կինոգործիչներ պարգևատրվել են ԿԳՄՍ նախարարության ոսկե մեդալով, պատվոգրերով և շնորհակալագրերով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
