ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Երևանում կայանալիք ծանրամարտի Եվրոպայի առաջնությունը հավակնում է դառնալ լավագույններից մեկը Եվրոպայի առաջնությունների պատմության մեջ. այս մասին լրագրողների հետ հանդիպմանը նշել են երևանյան առաջնության կազմակերպիչները:
Լրագրողների հետ հանդիպել և առաջնության նախապատրաստական աշխատանքներն ամփոփել են ՀՀ վարչապետի աշխատակազմի ղեկավար, ծանրամարտի Եվրոպայի 2023թ․ առաջնության անցկացման աշխատանքների նախապատրաստման և կազմակերպման միջգերատեսչական հանձնաժողովի նախագահ Արայիկ Հարությունյանը, ԿԳՄՍ նախարարի տեղակալ Կարեն Գիլոյանը, Ծանրամարտի միջազգային ֆեդերացիայի նախագահ Ջալուդ Մուհամեդը և Եվրոպայի ֆեդերացիայի նախագահ Անտոնիո Կոնֆլիտին:
«Վստահ եմ՝ բոլորս անհամբեր սպասում ենք առաջնության մեկնարկին. մենք պատրաստ ենք: Առավոտյան ներկա եմ եղել Եվրոպական ֆեդերացիայի կոնգրեսին: Այն փորձը, որը ձեռք ենք բերել, թույլ է տալիս հյուրընկալել ավելի մեծ միջոցառումներ: Այս ընթացքում խոսել ենք մեր գործընկերների հետ և հայտ ենք ներկայացրել աշխարհի հաջորդ տարվա առաջնությունն ընդունելու համար: Շնորհակալ եմ գործընկերներին այս հարցում մեզ աջակցելու համար»,- ասել է Արայիկ Հարությունյանը:
ԿԳՄՍ նախարարի տեղակալ Կարեն Գիլոյանն ընդգծել է՝ հայկական կողմը միջազգային ֆեդերացիային պետք է առաջարկեր այնպիսի ծրագիր, որը գայթակղիչ լիներ, և ընդամենը մեկ տարվա ընթացքում Հայաստանին վարկանշային մրցաշար վստահեին: Կարեն Գիլոյանը, անդրադառնալով Հայաստանի հավաքականներից ունեցած սպասելիքներին, նշել է՝ մեր մարզիկները մասնակցելու են՝ հնարավորին շատ մեդալներ նվաճելու մտադրությամբ. «Թե՛ կանանց, և թե՛ տղամարդկանց հավաքականները պատրաստ են առաջնությանը: Հուսանք, որ գոնե երեք չեմպիոն կունենանք»:
Այն, որ Հայաստանը մեծ շանսեր ունի ծանրամարտի աշխարհի 2024 թվականի առաջնությունը հյուրընկալելու համար, ընդգծում է նաև Միջազգային ֆեդերացիայի նախագահ Ջալուդ Մուհամեդը:
«Շնորհակալություն ենք հայտնում ՀՀ կառավարությանը, ԿԳՄՍ նախարարությանը, Օլիմպիական կոմիտեին՝ այս մեծ միջոցառումը հյուրընկալելու համար: Գիտեմ, որ Հայաստանը ծանրամարտում առաջատարներից է և հայտ է ներկայացրել աշխարհի հաջորդ առաջնությունն անցկացնելու համար: Իմ այցի նպատակը նաև այդ առումով ուսումնասիրություններ կատարելն է: Կարծում եմ՝ Հայաստանը լավագույնս կհավակնի այդ իրավունքին: Գիտեմ, որ հայերը մեծ սիրտ ունեն և անկախ քաղաքական իրավիճակներից՝ պատրաստ են եղել լավագույնս ընդունել բոլորին, ովքեր ցանկացել են մասնակցել այս առաջնությանը»,- նշել է Մուհամեդ Ջալուդը:
Ծանրամարտի Եվրոպայի ֆեդերացիայի նախագահ Անտոնիո Կոնֆլիտիի խոսքով՝ Հայաստանը նախապատրաստական աշխատանքների փուլում գերազանցել է բոլոր սպասելիքները. «Դուք գերազանցել եք մեր սպասելիքներն ու պահանջները: Շատ հաջող առաջնություն ենք ակնկալում՝ ամենաբարձր որակի: Սա պարզապես Եվրոպայի առաջնություն չէ, նաև օլիմպիական վարկանիշային մրցաշար է: Այդ իսկ պատճառով մեր պահանջներն ու չափանիշները փոքր-ինչ բարձր են եղել ընդունող երկրի համար: Երբ ստանդարտները մի փոքր ավելի բարձր են լինում, մենք բախվում ենք ուշացումների և այլ խնդիրների հետ, բայց Հայաստանի պարագայում մեր դրած չափանիշների 99 տոկոսն արդեն իսկ իրականացված է: Արվել է ավելին, քան մենք պահանջել ենք»:
Հիշեցնենք, որ Եվրոպայի առաջնության բացման հանդիսավոր արարողությունը կմեկնարկի ապրիլի 14-ին՝ ժամը 20:30-ին, Կ. Դեմիրճյանի անվան մարզահամերգային համալիրում։
Ծանրամարտի Եվրոպայի 101֊րդ առաջնությանը մասնակցելու է եվրոպական 40 երկրի 380 մարզիկ: Խաղարկվելու է մեդալների 20 հավաքածու՝ տղամարդկանց և կանանց 10-ական քաշային կարգերում: Եվրոպայի առաջնությունը վարկանիշային է Փարիզի 2024 թվականի Օլիմպիական խաղերի համար:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Կարդալով Եղիշե Չարենց և Գևորգ Էմին .. Անցնում են նրանք:ÖŠՈւ նրանց երթից, Աչքերը հառած քարերին խաղաղ` Հանկարծ բաժանվում ու մոտ է գալիս Մի կապուտաչյա գանգրահեր տղա: ...Հետո կարծրացած փոշին է…
Հարգելի՛ գործընկերներ, Իմ մանկավարժական փորձը ցույց է տալիս, որ դասի արդյունավետությունը մեծապես պայմանավորված է սովորողների ակտիվ ներգրավվածությամբ ուսումնական գործընթացում: Երբ սովորողը դառնում է ոչ միայն լսող, այլ՝ մտածող, հարցադրող և…
«Հարգելի գործընկերներ, տարրական դպրոցում բազմահամակազմ դասարանների հետ աշխատելը մեծ հմտություն է պահանջում: Հատկապես բարդ է, երբ պետք է միաժամանակ ուշադրություն դարձնել թե՛ առաջադեմ աշակերտներին, թե՛ աջակցության կարիք ունեցող երեխաներին: Կցանկանայի…
«Հարգելի գործընկերներ, նոր չափորոշիչով նախագծային աշխատանքը դարձել է պարտադիր նաև տարրական դասարաններում: Կցանկանայի լսել ձեր կարծիքը. Ինչպե՞ս ընտրել թեմա, որը հետաքրքիր կլինի ցածր դասարանցիներին և չի դառնա բեռ ծնողի համար:…
Ինչպե՞ս եք կազմակերպում հետադարձ կապը տարրական դասարաններում, որպեսզի աշակերտը ոչ թե սպասի «թվանշանի», այլ հասկանա իր սխալն ու առաջընթացը: Կիսվե՛ք ձեր փորձով՝ ի՞նչն է իրականում աշխատում՝ ինքնագնահատման սանդղակնե՞րը, թե՞ «ելքի…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
