Բաց դաս՝ Նախնական զինվորական պատրաստություն առարկայից

Ապրիլի 11, 2023

Դպրոցական անցուդարձ

Բաժին – Մարտավարություն

Թեմա - Դասակը պաշտպանությունում, անտառում և տարբեր տեղանքներում

Զինղեկ, փոխգնդապետ՝ Գ. Ներսեսյան

Այսօր՝ ապրիլի 11-ին, Կապանի N 5 հիմնական դպրոցի 9-րդ «բ» դասարաnնի հետ համաձայն նախօրոք կազմված ծրագրի՝ անց է կացվել նախնական զինվորական պատրաստության բաց դաս:

Դասի նպատակն էր.

• Ստուգել 8-րդ և 9-րդ դասարաններում ձեռք բերած գիտելիքների գործնական կիրառումը, աշակերտների հմտությունները, ներդաշնակ գործողությունները ջոկերի կազմով,
• Մարտավարական և կրակային պատրաստությունների նորմացույցների կատարումը:
• Ռազմական տեղագրությունից կողմնորոշումը տեղանքում կողմնացույցով և քարտեզի ընթերցում,
• Առաջին բուժօգնության ցուցաբերումը վիրակապում և արյունահոսության դադարեցման գործնական կատարումներ,
• Դիտորդների դիտակետերի ընդունումը, նրանց պարտականությունները և փոխարինումը,
• Զինվորի գործողությունները մարտի դաշտում,
• Դասակի հենակետ հակառակորդ ներթափանցման դեպքում անձնակազմի գործողությունները,
• Ինչպես պայքարել առաջին գիծը ճեղքած հակառակորդի տանկերի դեմ,
• Դաշտային պամաններում ապրելակերպի և կենցաղի կազմակերպումը , գետնատնակ և կացարան,
• Զինվորների սնվելը չափաբաժնով՝ ըստ ռեժիմների:

9-րդ «բ» դասարանի աշակերտները դպրոցի զինղեկ, փոխգնդապետ Գ. Ներսեսյանի գլխավորությամբ նախօրոք կատարել են մի շարք շին աշխատանքներ՝ խրամատների կարգի բերում, կացարանի պատրաստում, ականապատ դաշտերի պայմանական պատրաստում և այլ աշխատանքներ:

Դասն անցավ կազմակերպված, շեշտը դրված էր կարգապահության վրա:

Աշակերտները կարգապահ և բարեխիղճ ձևով կատարեցին իրենց պարտականությունները և առաջադրված հանձնարարությունները: Պարապմունքը ծառայեց իր նպատակին:

Համագործակցելով Սյունիքի մարզպետարանի «Զարկ» ծրագրի ղեկավար Արման Հովհաննիսյանի հետ՝ դասին ապահովելով ուսումնական զենքերով և նռնականերով:

Դասին ներկա էին Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանը, տարածքային դպրոցների ավագ զինղեկ, լեյտենանտ Նազիկ Սարգսյանը:, դպրոցի տնօրեն Ս. Հարությունյանը, ուսմասվար Ա. Մկրտչյանը, ՄԿԱ գծով տեղակալ Ա. Մաթևոսյանը և ուսուցիչներ:

Ամփոփիչ խոսքում իր գոհունակությունը հայտնեց պարապմունքի անցկացման համար կրթության, մշակույթի և սպորտի վարչության պետ Մերի Գանդալյանը՝ կարևորելով նման պարապմունքների անցկացումը մարզի բոլոր դպրոցներում:

Կապանի N5 հիմնական դպրոց