ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը մասնակցել է Շիրակի մարզի Արթիկի տարածքային մանկավարժահոգեբանական աջակցության վերանորոգված կենտրոնի բացման արարողությանը:
Կենտրոնը վերանորոգվել է ՀՀ ԿԳՄՍ նախարարության և ԱՄՆ Միջազգային զարգացման գործակալության համագործակցությամբ՝ «Ներառական կրթության համակարգի հզորացում Հայաստանում» ծրագրի շրջանակում: Միջոցառմանը ներկա են եղել Շիրակի մարզպետի տեղակալ Աննա Մարտիկյանը, ԱՄՆ ՄԶԳ Հայաստանի առաքելության տնօրենի պաշտոնակատար Ռեբեկա Ուայթը, պաշտոնատար այլ անձինք:
ԿԳՄՍ նախարարի տեղակալ Արաքսիա Սվաջյանը ողջունել է ներկաներին՝ ընդգծելով, որ ՀՀ կառավարության գերակա ուղղություններից մեկը համընդհանուր ներառականությունն է՝ հասանելի և մատչելի կրթության ապահովումը:
«Առաջնայինը մանկավարժների կարողությունների զարգացումն է, սակայն ոչ պակաս կարևորություն ունեն նաև շենքային պայմաններն ու գույքային հագեցվածությունը։ Ռեսուրս կենտրոնները, որոնք ստեղծված են ողջ հանրապետությունում, նպաստելու են համընդհանուր ներառականության արդյունավետությանը: Այս ծրագրի շրջանակում ռեսուրս սենյակների՝ չափանիշներին համապատասխան կահավորումն ու վերանորոգումը համընդհանուր ներառականության ապահովման գործընթացի իրականացումը կդարձնեն առավել հասցեական և նկատելի»։
Նա շնորհակալություն է հայտնել գործընկերներին համագործակցության համար՝ հույս հայտնելով, որ համատեղ աշխատանքները կշարունակվեն. «Այս ծրագիրը մեզ համար լավ փորձ էր՝ հետագայում համատեղ գործունեություն իրականացնելիս ավելի արդյունավետ աշխատելու և բացառելու բոլոր այն խնդիրները, որոնց բախվեցինք այս ընթացքում»:
ԿԳՄՍ փոխնախարարն իրազեկել է, որ ՏՄԱԿ-ները շուտով սպասարկելու են ոչ միայն դպրոցների ու նախակրթարանների, այլև ուսումնարանների ու քոլեջների շահառուներին։
«Արթիկի» ՏՄԱԿ-ի տնօրեն Լիլիթ Մողդովյանի խոսքով՝ կենտրոնը տարածաշրջանում սպասարկում է 65 դպրոց և 25 նախադպրոցական ուսումնական հաստատություններ: «Ներառական կրթության համակարգի հզորացում Հայաստանում» ծրագրի շրջանակում վերանորոգվել են 3 ռեսուրս սենյակ, 2 սանհանգույց, և տեղադրվել է թեքահարթակ:
ԱՄՆ ՄԶԳ Հայաստանի առաքելության տնօրենի պաշտոնակատար Ռեբեկա Ուայթը ևս շնորհակալություն է հայտնել գործընկերներին՝ ողջունելով «ՀՀ կրթության՝ մինչև 2030 թ. զարգացման պետական ծրագիրը», որտեղ առաջնային թիրախներից է նաև համընդհանուր ներառականության ապահովումը:
«Գերազանց համագործակցություն ենք ունեցել ՀՀ ԿԳՄՍ նախարարության հետ, ինչը խթան է հանդիսացել, որպեսզի հատկապես գյուղական համայնքներում կարողանանք ներդնել ներառական կրթությունը և տրամադրել բոլոր անհրաժեշտ ծառայությունները»,- ասել է Ռեբեկա Ուայթը՝ հույս հայտնելով, որ համագործակցության շրջանակները կընդլայնվեն, և այլ արդյունավետ ծրագրեր կիրականացվեն։
Հյուրերը շրջել են ՏՄԱԿ-ում, ծանոթացել պայմաններին, դիդակտիկ հագեցվածությանը և գործունեության: ՏՄԱԿ-ում գործում է նաև գորգագործության կենտրոն:
ՏՄԱԿ-ի աաները հանդես են եկել Հովհաննես Թումանյանի «Սուտասանը» հեքիաթի բեմականացմամբ, ինչպես նաև պարային և երաժշտական կատարումներով:
«Ներառական կրթության համակարգի հզորացում Հայաստանում» հնգամյա ծրագրի շրջանակում իրականացվել է ՀՀ Սյունիքի, Շիրակի, Լոռու մարզերում 27 հանրակրթական դպրոցների վերանորոգում, արտադպրոցական ծառայությունների իրականացման համար գույքի և սարքավորումների տրամադրում, ինչպես նաև 3 մանկավարժահոգեբանական աջակցության կենտրոնների փոքրածավալ վերանորոգում, յուրաքանչյուր կենտրոնում ռեսուրս սենյակների վերանորոգում, կահույքի և կրթական խաղերի տրամադրում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ