Մեկնարկել է ՀՀ կրթության, գիտության, մշակույթի և սպորտի նախարարության և ԱՄՆ Միջազգային զարգացման գործակալության համագործակցությամբ իրականացվող «Քաղաքացիական կրթություն և մասնակցություն» հնգամյա (2022-2027) ծրագիրը:
Միջոցառմանը մասնակցել են ՀՀ ԿԳՄՍ նախարար Ժաննա Անդրեասյանը, նախարարի տեղակալներ Արթուր Մարտիրոսյանը և Արաքսյա Սվաջյանը, ԱՄՆ Միջազգային զարգացման գործակալության Ժողովրդավարության և կառավարման գրասենյակի տնօրեն Քելլի Սթրիքլենդը, այլ միջազգային և տեղական գործընկերներ, կրթական ոլորտի ներկայացուցիչներ։
Նախարար Ժաննա Անդրեասյանը, ողջունելով ծրագրի մեկնարկը, նշել է, որ այն համահունչ է ՀՀ կառավարության՝ կրթության ոլորտում իրականացվող քաղաքականությանը. «Քաղաքացիական կրթության ուղղությամբ աշխատանքները երբեք շատ չեն կարող լինել, և գործընկերների մասնակցությունը կարող է խրախուսել և խթանել մեր նախաձեռնած ընդհանուր փոփոխությունները: Կարևոր է, որ համագործակցությունն իրապես դարձնենք արդյունավետ՝ ոչ թե կրկնելով մեկս մյուսի գործողությունները, այլ լրացնելով իրար, ծածկելով բացերը, ամբողջացնելով աշխատանքը՝ ի շահ մեր երեխաների և հանրության»:
Նախարարն ընդգծել է այն հանգամանքը, որ ծրագիրն իրականացվում է ոչ միայն ֆորմալ, այլև ոչ ֆորմալ ձևաչափով: Նա հույս է հայտնել, որ ֆորմալ կրթության մակարդակում հասարակագիտության ուսուցման բարելավումը, որն ամենաառանցքային խնդիրներից մեկն է, այս աշխատանքի արդյունքում կդառնա ավելի որակյալ:
«Հաճախ ենք նշում ԲՏՃՄ առարկաների կարևորությունը մեր կյանքում ու գիտության մեջ, և քիչ է շեշտվում հասարակագիտության դերի մասին: Ցանկացած ոլորտի գիտելիք կարող է դառնալ անօգուտ, եթե չունենք հասարակագիտական վերլուծություն, պատկերացում՝ օգտագործելու տեխնոլոգիաներն ու բնագիտական գիտելիքը»,- ասել է նախարարը:
Ժաննա Անդրեասյանն ընդգծել է նաև ծրագրի՝ ՀՀ երիտասարդական պետական քաղաքականությանը համահունչ լինելու հանգամանքը: Նա անդրադարձել է պետական աջակցությամբ իրականացվող այն ծրագրերին, որոնք նպատակաուղղված են երիտասարդների կարողությունների զարգացմանը, նոր հնարավորությունների ստեղծմանը, շարունակական կրթության ապահովմանը:
Նախարարը շնորհակալություն է հայտնել ԱՄՆ Միջազգային զարգացման գործակալությանը՝ որպես վստահելի գործընկերոջ և վերահաստատել համագործակցության պատրաստակամությունը:
Ծրագիրն իրականացնում է «Փրոջեքթ Հարմոնի Հայաստանի» գլխավորած կոնսորցիումը՝ «Մարդկային զարգացման միջազգային կենտրոնի», «Ժողովրդավարական կրթության հայկական կենտրոն–ՍԻՎԻՏԱՍ»-ի, Կրթական տեխնոլոգիաների ազգային կենտրոնի անդամակցությամբ։ Ծրագրի հիմնական գործընկերն է ՀՀ կրթության, գիտության, մշակույթի և սպորտի նախարարությունը։
Ծրագիրը կտեղայնացնի երիտասարդների դրական զարգացման միջազգային գործիքակազմի կարևոր միջոցները, կաջակցի հանրակրթական պետական չափորոշչի փորձարկմանն ու ներդրմանը՝ «Հասարակագիտություն» առարկայի մոտ 1000 ուսուցչի վերապատրաստման, դասավանդման 50 տեսանյութերի արտադրության, ուսումնական նախագծերի կազմակերպման, 55 դպրոցում քաղաքացիական մասնակցության խմբակների ստեղծման միջոցով։ Այս բոլոր ուղղություններով արդեն սկսել են աշխատանքները․ հրապարակվել են ձեռնարկներ, կազմակերպվել դասընթացներ մարզերում և մայրաքաղաքում։
Ծրագրով նախատեսված է նաև ՀՀ-ում երիտասարդների մասնակցության գնահատման գործիքի մշակում, ՀՀ ԿԳՄՍ նախարարին կից աշակերտական խորհրդի դերի բարձրացում, կրթական հաստատություններում քաղաքացիական կենտրոնների գործարկում, դպրոցական ու երիտասարդական նախագծերի ֆինանսավորում, ամառային դպրոցների և երիտասարդական էքսպոների կազմակերպում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
Այսօր ՀՀ-ում ուսուցիչների շարունակական մասնագիտական զարգացման համատեքստում կարևորագույն մարտահրավերներից մեկը համընդհանուր ներառական կրթական համակարգի ներդրումն է։ Ցավոք, ուսուցիչներից շատերը ներառական կրթությունն ընկալում են նեղ իմաստով, այն է` միայն հաշմանդամություն կամ այս կամ այն ֆունկցիայի խանգարում ունեցող երեխաների կրթությունը հանրակրթական դպրոցներում․․․Այս դասընթացի շրջանակներում նախատեսվում է կրթական բազմազան կարիքներ ունեցող երեխաների արդյունավետ ուսումնառության ապահովման և ներառող դասավանդման իրականացման համար անհրաժեշտ կարողունակությունների ձևավորում և զարգացում, մասնավորապես. ● Ծանոթանալ Համընդհանուր ներառական կրթության քաղաքականությանը, սկզբունքներին և օրենսդրական հիմքերին● Ճանաչել, տարբերակել և գնահատել աշակերտների կրթական կարիքները, հստակեցնել և մշակել այդ կարիքների՝ ժամանակին և արդյունավետ լուծման համար անհրաժեշտ ռազմավարություններ ●Պլանավորել, հարմարեցնել, անհատականացնել ուսումնառության գործընթացը` օգտագործելով կրթական բազմազան կարիքներից բխող դասավանդման մոտեցումներ և մեթոդներ, մասնավորապես՝ ուսումնառության համընդհանուր ձևավորումը (ՈՒՀՁ)։ ● Կազմել օրվա դասի պլան հինգ քայլով՝ «Կենտրոնների տեղափոխման » մոդելով Դասընթացավարներ՝ Արմենուհի Աբրահամյան, Արալեզի միջնակարգ դպրոց, անգլերենի ուսուցչուհի Մարինե Զարոյան, Արալեզի միջնակարգ դպրոց, դասվար