ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը մասնակցել է Ֆրանս-հայկական մասնագիտական ուսումնական կենտրոնում «Արհեստների կամպուս» ծրագրի առաջին փուլի մեկնարկին:
Միջոցառմանը մասնակցել են նաև ՀՀ աշխատանքի և սոցիալական հարցերի նախարարի տեղակալ Ռոբերտ Սարգսյանը, Երևանի քաղաքապետի ժամանակավոր պաշտոնակատար Լևոն Հովհաննիսյանը: Հայաստան այցի շրջանակում միջոցառմանը ներկա են եղել նաև Ֆրանսիայի Օվերնյ-Ռոն-Ալպ (ՕՌԱ) շրջանի նախագահ Լորան Վոքիեի գլխավորած պատվիրակության անդամները (այդ թվում՝ Ֆրանսիայի տարբեր քաղաքների քաղաքապետեր):
Նրանք շրջել են ուսումնական հաստատությունում, ծանոթացել գործունեությանը, ուսուցանվող մասնագիտություններին, աշխատանքային և տեխնիկական պայմաններին: Ուսանողները ցուցադրել են իրենց մոդելավորած հագուստները, ներկայացրել խոհարարական հմտությունները:
ԿԳՄՍ նախարարի տեղակալ Արաքսիա Սվաջյանը շնորհակալություն է հայտնել գործընկերներին, մասնավորապես ՕՌԱ շրջանային խորհրդին՝ որպես կենտրոնի գործունեության ֆինանսավորող, արդյունավետ համագործակցության և այսօրինակ կրթական որակ ապահովելու համար:
«Այս ուսումնական հաստատության ձեռք բերած արդյունքները լիովին համահունչ է ԿԳՄՍ նախարարության՝ միջին մասնագիտական կրթության զարգացմանն ուղղված քաղաքականությանը և արտացոլում են մեր սահմանած գերակայությունները: Այս ոլորտում անելիքները շատ են. պլանավորում ենք կրթության տարբեր մակարդակներում՝ թե՛ ենթակառուցվածքների, թե՛ կարողությունների զարգացման, թե՛ ուսումնական ծրագրերի վերանայման միջոցով բարձրացնել ոլորտի գործունեության արդյունավետությունը»,- ասել է ԿԳՄՍ նախարարի տեղակալը՝ ընդգծելով, որ ուսումնական հաստատության հաջողության գրավականը տարբեր կառույցների և արտասահմանյան գործընկերների թիմային աշխատանքի արդյունք է:
Արաքսիա Սվաջյանի տեղեկացմամբ՝ «ՀՀ կրթության զարգացման՝ մինչև 2030 թվականի ռազմավարական ծրագրում» առանձին և շատ կարևոր մասնաբաժին ունեն մասնագիտական կրթության զարգացմանն ուղղված գործողությունները: Այս համատեքստում նախատեսվում է ունենալ ռեսուրս կենտրոններ, հանրապետական նշանակության քոլեջներ, և այս գործընթացի շրջանակում ֆրանս-հայկական քոլեջի կարողությունների և հնարավորությունների զարգացումը համահունչ է պետական առաջնահերթություններին:
ԿԳՄՍ նախարարի տեղակալը կարևորել է փորձի փոխանակումը նաև այլ ուսումնական հաստատությունների հետ և վստահություն է հայտնել, որ ֆրանսիական փորձն օգնելու է զարգացնել հնարավորությունները, կրթական ծրագրերը և քննարկել նոր մասնագիտություններ ներդնելու հեռանկարները: Փոխնախարարը նկատել է՝ սովորողները հիացնում են ոչ միայն լավ կրթությամբ, այլև գեղեցիկ ֆրանսերենով արտահայտվելու կարողությամբ:
Կողմերի հավաստմամբ՝ արհեստների կամպուսի գործունեության կարևոր ուղղությունը Հայաստանի մարզերում լավագույն փորձի տարածումն է լինելու` պետական և մասնավոր հաստատությունների հետ համագործակցությամբ: Այս համատեքստում նախատեսվում է համագործակցության հուշագիր կնքել Սյունիքի մարզի հետ՝ կարևորելով կրթության վրա հիմնված տնտեսության զարգացումը:
Նշենք, որ «Ֆրանս-հայկական մասնագիտական ուսումնական կենտրոն» հիմնադրամը ստեղծվել է Ֆրանսիայի ու Հայաստանի կառավարությունների միջև 1995 թվականին կնքված մշակույթի, գիտության և տեխնիկայի բնագավառներում կնքված համագործակցության հուշագրի շրջանակում և գործում է 2002 թվականից, որտեղ մինչ օրս կրթվել են 3000-ից ավելի ուսանող:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
Այսօր ՀՀ-ում ուսուցիչների շարունակական մասնագիտական զարգացման համատեքստում կարևորագույն մարտահրավերներից մեկը համընդհանուր ներառական կրթական համակարգի ներդրումն է։ Ցավոք, ուսուցիչներից շատերը ներառական կրթությունն ընկալում են նեղ իմաստով, այն է` միայն հաշմանդամություն կամ այս կամ այն ֆունկցիայի խանգարում ունեցող երեխաների կրթությունը հանրակրթական դպրոցներում․․․Այս դասընթացի շրջանակներում նախատեսվում է կրթական բազմազան կարիքներ ունեցող երեխաների արդյունավետ ուսումնառության ապահովման և ներառող դասավանդման իրականացման համար անհրաժեշտ կարողունակությունների ձևավորում և զարգացում, մասնավորապես. ● Ծանոթանալ Համընդհանուր ներառական կրթության քաղաքականությանը, սկզբունքներին և օրենսդրական հիմքերին● Ճանաչել, տարբերակել և գնահատել աշակերտների կրթական կարիքները, հստակեցնել և մշակել այդ կարիքների՝ ժամանակին և արդյունավետ լուծման համար անհրաժեշտ ռազմավարություններ ●Պլանավորել, հարմարեցնել, անհատականացնել ուսումնառության գործընթացը` օգտագործելով կրթական բազմազան կարիքներից բխող դասավանդման մոտեցումներ և մեթոդներ, մասնավորապես՝ ուսումնառության համընդհանուր ձևավորումը (ՈՒՀՁ)։ ● Կազմել օրվա դասի պլան հինգ քայլով՝ «Կենտրոնների տեղափոխման » մոդելով Դասընթացավարներ՝ Արմենուհի Աբրահամյան, Արալեզի միջնակարգ դպրոց, անգլերենի ուսուցչուհի Մարինե Զարոյան, Արալեզի միջնակարգ դպրոց, դասվար