ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը Տավուշի մարզկենտրոն Իջևանում մասնակցել է ԵՄ աջակցությամբ իրականացվող «Մենք ենք, մեր սարերը» մշակութային ծրագրի մեկնարկին, որը տեղի է ունեցել «Վերնատուն» պատկերասրահում։
Միջոցառմանը ներկա են եղել նաև ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, Հայաստանում ԵՄ պատվիրակության դեսպան Անդրեա Վիկտորինը, Իջևանի համայնքապետ Արթուր Ճաղարյանը, պաշտոնատար այլ անձինք։
ՀՀ ԿԳՄՍ նախարարի տեղակալ Արթուր Մարտիրոսյանը շնորհավորել է Իջևան համայնքին ծրագրի մեկնարկի և մշակութահեն զարգացման նոր հնարավորության կապակցությամբ։ Նա ընդգծել է, որ Եվրոպական միության հետ կա բազմաշերտ համագործակցություն ինչպես գիտության ու երիտասարդության, այնպես էլ մշակույթի ոլորտում։
««Մենք ենք, մեր սարերը» ծրագիրը հնարավորություն է ստեղծում մշակույթի զարգացման, հայկական մշակույթի հանրահռչակման ու պահպանման ուղղությամբ, որը պետք է իրագործվի տարբեր օղակների համատեղ ջանքերի միավորմամբ,-ասել է փոխնախարարը և հավելել,- շատ կարևոր է արժեքների նկատմամբ սեփականության զգաղոցություն ունենալը, նախանձախնդիր լինելը և համայնքներում այս հարցի հետ կապված հանրային վարքականոնի ձևավորումը»։
Արթուր Մարտիրոսյանի գնահատմամբ՝ ծրագիրը կարող է դառնալ նախատիպային ՀՀ այլ խոշորացված համայնքների համար, որտեղ Իջևանը դառնում է առաջատարներից մեկը։ Նա նաև նշել է, որ շուտով ԿԳՄՍՆ դրամաշնորհային աջակցությամբ Իջևանում կբացվի երիտասարդական կենտրոն՝ հարստացնելու քաղաքի և հարակից բնակավայրերի մշակութային կյանքը։
Հայաստանում ԵՄ դեսպան Անդրեա Վիկտորինը իր հերթին նշել է, որ Եվրոպական միությունը արժևորում է Հայաստանի Հանրապետության մշակութային օրակարգը և ըստ այդմ՝ այս ծրագիրը կոչված է խրախուսելու նախաձեռնողականությունն ու ստեղծարար միտքը։
«Կարծում եմ՝ այս ռազմավարությունը կնպաստի ինչպես մշակութահեն տնտեսության զարգացմանը, այնպես էլ Հայաստանի հարուստ մշակութային ժառանգության պահպանմանը»,- ասել է ԵՄ դեսպանը։
«Մենք ենք, մեր սարերը» մշակութային զարգացման ռազմավարություն է, որը մշակել է Իջևանի համայնքապետարանը EU4Culture ծրագրի աջակցությամբ և «Ուրբան» կայուն զարգացման հիմնադրամի հետ համագործակցությամբ․ իրականացվելու է 2023-2024 թթ ընթացքում։
Ռազմավարության նպատակն է շարունակական ստեղծագործական գործունեության միջոցով բարելավել մշակութային ենթակառուցվածքները, ապահովել տնտեսական զարգացման հետ սերտորեն փոխկապակցված աշխույժ մշակութային կյանք՝ նպաստելով պատմամշակութային ժառանգության պահպանմանը և արդյունավետ կառավարմանը։
EU4Culture-ը քառամյա ծրագիր է, որը ֆինանսավորվում է Եվրոպական միության կողմից, աջակցում է մշակույթի ոլորտին՝ կենտրոնանալով Արևելյան գործընկերության երկրների մարզային քաղաքների վրա: Դրամաշնորհային հայտերի մրցույթը մեկնարկել է 2021 թվականի մայիսին և կգործի մինչև 2024 թվականի դեկտեմբերը: Ծրագրի շրջանակում ընտրված 3 քաղաքներից Իջևանի «Մենք ենք, մեր սարերը» ծրագիրը ճանաչվել է լավագույնը, որի իրականացման համար համայնքին միջոցներ են հատկացվել:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Արհեստական բանականությունը՝ օգնական, թե՞ «թշնամի». Հարգելի գործընկերներ, Թվային դարաշրջանի արագընթաց զարգացումները մեզ ստիպում են վերանայել դասավանդման ավանդական մեթոդները: Եթե նախկինում մեր գլխավոր խնդիրը տեղեկատվության հայթայթումն էր, ապա այսօր մարտահրավերը փոխվել…
Բարև ձեզ, եկեք քննարկենք այս թեման փորձի փոխանակման նպատակով:
Հարգելի՛ գործընկերներ, եկե՛ք քննարկենք․ ՏՀՏ –ն ուսումնական գործընթացում խթա՞ն, թե ավելորդ ժամանակի վատնում․․․ 21–րդ դարում դժվար է պատկերացնել որակյալ կրթությունն առանց տեղեկատվական տեխնոլոգիաների:Կրթության ոլորտը դիտարկվում է որպես երկրի կայուն զարգացման…
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
