ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարար ժաննա Անդրեասյանը պաշտոնավարման 100 օրվա առիթով հրավիրված ասուլիսի ընթացքում անդրադարձել է մշակույթի ոլորտում իրականացվող գործընթացներին՝ ընդգծելով, որ առկա են մեծ ծավալի անելիքներ:
Նախարարի ներկայացմամբ՝ մշակվել է «Մշակույթի պահպանության և զարգացման 2023-2027 թթ. ռազմավարությունը», որի նախագիծը սահմանված կարգով շրջանառվել և անցել է հանրային քննարկումների փուլը: Նախագծի վերջնական և ամբողջական փաթեթն առաջիկայում կներկայացվի ՀՀ կառավարության քննարկմանը: Հատուկ ուշադրություն է դարձվել մշակութային հաստատությունների՝ թատերահամերգային կազմակերպությունների ֆինանսավորման նոր մոդելին, որը միտված է մշակութային հաստատությունների ավելի մեծ չափով սեփական եկամուտների ապահովմանը, որին զուգընթաց պետությունն ավելի մեծ մասնակցություն կունենա կազմակերպության ֆինանսավորմանը:
Ֆինանսավորման նոր մոդելի փորձարկումը կիրականացվի օպերայի և բալետի ազգային ակադեմիական թատրոնում
«Թատերահամերգային կազմակերպությունների ֆինանսավորման նոր մոդելի ներդրումը փորձարկման տարբերակով նախատեսվում է իրականացնել Ա. Սպենդիարյանի անվան օպերայի և բալետի ազգային ակադեմիական թատրոնում: Կարծում եմ առաջիկայում կշրջանառվի նախագիծը՝ ֆինանսավորման նոր մոդելի փորձարկման նպատակով, և արդեն այս տարի օպերայի և բալետի ազգային ակադեմիական թատրոնը կկարողանա աշխատել այս հիմքով: Նոր մոդելը կբերի որակական փոփոխություններ մշակութային հաստատությունների գործունեության մեջ, որից առաջին հերթին պետք է շահեն մեր քաղաքացիները»,- ասել է նախարարը:
Հուշարձանների գրանցման ճկուն և արդյունավետ մեխանիզմ գտնել
Մշակույթի ոլորտում ընթացող գործընթացներից Ժաննա Անդրեասյանն առավելապես կարևորել է հուշարձանների ոլորտում օրենսդրական փոփոխությունների հաստատումը՝ «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» և «Գույքի նկատմամբ իրավունքների պետական գրանցման մասին» օրենքների ընդունումը ԱԺ-ում:
«Հիմա մենք նախատեսում ենք օրենքի ավելի մեծ փոփոխություն, որի շուրջ տարվում են աշխատանքներ: Հատկապես կարևորում եմ հուշարձանների կադաստրի վարման գործընթացը, որի պարտավորությունը գերատեսչությունն ունեցել է, սակայն սա այն գործառույթներից է, որ նախարարության կառուցվածքում իրացված չի եղել: Հիմա կառուցվածքային փոփոխությամբ մենք նաև արձանագրում ենք այս հարցը, ինչպես նաև օրենքի փոփոխությամբ պատմամշակութային հուշարձանների գրանցման առանձնահատկությունները սահմանող հնարավորություններ ենք ամրագրել, որը մեզ թույլ է տալու առկա հուշարձանների գրանցման ճկուն և արդյունավետ մեխանիզմ գտնել: Այստեղ ունենք լրջագույն խնդիրներ. հուշարձանների հիմնական մասը կադաստրի պետական գրանցման փուլով չեն անցել և սա առաջ է բերում այդ հուշարձանների պահպանության, դրանց տարածքների անխաթարության լրջագույն խնդիրներ: Պատրաստվում ենք լուծել այս և նմանատիպ խնդիրները»,- տեղեկացրել է Ժաննա Անդրեասյանը:
Քայլեր կձեռնարկվեն գրադարանները համայնքի կյանքին ինտեգրելու համար
Նախարարն անդրադարձել է նաև գրադարանների և գրահրատարակչության ոլորտներում առկա խնդիրներին և դրանց լուծմանն ուղղված քայլերին. «Մի քանի ոլորտային հանդիպումներ արդեն կայացել են, այսօր էլ հանդիպելու եմ գրադարանների տնօրենների հետ: Մենք պետք է գտնենք արդյունավետ մոդել, և դա առաջիկա անելիքներից է, մասնավորապես համայնքային, մարզային գրադարանների մասով՝ դրանք արդյունավետ միջավայր դարձնելու և համայնքի կյանքին ինտեգրելու համար: Խնդիրները բազմաթիվ են և պետք է քայլեր մշակել դրանց լուծման ուղղությամբ»:
«Գոյ» թատրոնի խնդրի մասին. այն պետք է շարունակի գործել
ԿԳՄՍ նախարարը լրագրողների հետ հանդիպման ժամանակ պարզաբանել է նաև «Գոյ» թատրոնի շուրջ ստեղծված իրավիճակը. ««Գոյ» թատրոնը պետական ոչ առևտրային կազմակերպություն է, այն ֆինանսավորվում է պետության կողմից և պետությունն է որոշում, թե ինչպես արդյունավետ օգտագործել հանրային ֆինանսները: Չկա որևէ տրամաբանություն՝ նույն շենքում տեղադրված երկու միավորումների համար ունենալ երկու առանձին վարչական միավոր: «Գոյ» թատրոնի աշխատանքները չեն դադարեցվելու, այն պետք է շարունակի գործել: Խոսքն ընդամենը վարչական միավորները միավորելու մասին է»,- ասել է Ժաննա Անդրեասյանն ու ընդգծել՝ «Գոյ» թատրոնի ստեղծագործական կազմի համար ստեղծում են նոր հնարավորություններ:
«Հիմա բոլոր ցուցանիշներով թատրոնի աշխատանքն արդյունավետ չէ: Թատրոնը չի կարողանում կատարել նույնիսկ սեփական եկամուտների այն ցուցանիշը, որը հենց իրենք են առաջարկում ու պլանավորում տարվա սկզբին: Այստեղ մենք ունենք արդյունավետ կառավարման խնդիր: Ինչ վերաբերում է ստեղծագործական գործունեությանը, դրան ոչինչ չի սպառնում: Ավելին, եթե այժմ ստեղծագործական կազմը միայն մեկ բեմ օգտագործելու հնարավորություն ունի, ապա միավորման արդյունքում կկարողանան օգտվել Սունդուկյանի անվան ազգային ակադեմիական թատրոնի բոլոր ենթակառուցվածքներից և հնարավորություններից՝ պահպանելով իրենց անունը, իրենց առանձին գոյությունը և ստանալով հնարավորություն զբաղվելու փորձարարությամբ»,- շեշտել է նախարարը և հավելել՝ «Գոյ» թատրոնի ստեղծագործական թիմի հետ պատրաստ են նորից մանրամասն քննարկումներ ունենալ և ներկայացնել գործունեության հեռանկարները:
Ժաննա Անդրեասյանն անդրադարձել է նաև Հատիս լեռան վրա նոր հայտնաբերված ամրոցի հետագա հնագիտական ուսումնասիրության, ամրակայման և վերականգնման աշխատանքներին: Նախարարն ընդգծել է՝ համապատասխան եղանակային պայմանների դեպքում հնավայրում իրականացվելու են պեղումներ և եթե պեղումների արդյունքները ցույց տան, որ դրանք հնարավոր են ամրակայել և վերականգնել, ապա պետք է իրականացվեն նաև այդ աշխատանքները:
«Այս պահին մենք խոսում ենք առաջին հերթին մշակութային ժառանգության ամբողջական ուսումնասիրության, դրա հետագա ճակատագրի որոշման մասին, որից ածանցյալ են լինելու բոլոր մյուս նախագծերը: Նախարարությունը պատասխանատվություն է կրում բոլոր հուշարձանների պահպանության համար»,- նշել է նախարարը և վստահեցրել, որ այս առումով նախարարությունը հետևողական է լինելու:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
ՀՀ ԿԳՄՍՆ «Կրթության զարգացման և նորարարությունների ազգային կենտրոն» հիմնադրամը մշակում է հերթական ատեստավորման ենթակա ուսուցչի մասնագիտական զարգացման կարիքների գնահատման աշխատակարգ և ուղեցույց: Գյումրու թիվ 38 հիմնական դպրոցը հանդիսանում է ԿԳՄՍ նախարարության կողմից հաստատված վերապատրաստող կազմակերպություն։ Վերապատրաստումների անցկացման ընթացքում ձեռք բերված փորձը հուշեց գրել այս ծրագիրը, որը հիմք կհանդիսանա ուսուցիչների ինքնագնահատման գործիքների ստեղծման համար։ Ուսուցչի մասնագիտական զարգացման կարիքների գնահատումը նախատեսվում է իրականացնել ուսուցչի ինքնագնահատման, ինչպես նաև ուսումնական հաստատության տնօրենի, տնօրենի տեղակալի, առարկայական մեթոդական միավորման նախագահի դիտարկումների և դասալսումների միջոցով: Գնահատումն իրականացվելու է ամեն տարի՝ սեպտեմբեր-հունվար ամիսներին: Ուսուցչի մասնագիտական զարգացման կարիքների գնահատման ենթակա են տվյալ հանրակրթական ուսումնական հաստատության ընթացիկ ուստարում հերթական ատեստավորման ենթակա բոլոր ուսուցիչները: Դպրոցի տնօրինությունը չունի գործընթացը լիարժեք վերահսկելու և կարիքների վերհանման գործուն մեխանիզմներ, իսկ ուսուցիչը՝ ինքնագնահատման գործիքներ, որը կառաջացնի որոշակի խուճապ ուսուցիչների մոտ։ Ելնելով վերոհիշյալից ԿԶՆԱԿ հիմնադրամի կողմից առաջարկվող ինքնագնահատման հարցաթերթիկը լրացնելու համար անհրաժեշտ է ապահովել ուսուցիչների մասնագիտական կարիքների վերհանման անկողմնակալ, միջանկյալ մեխանիզմ։ Ստեղծել ՈԻԿՀ (Ուսումնական կառավարման համակարգ) հարթակներից որևէ մեկի ՝ MS Teams, Google Classroom, Moodle միջոցով հարցերի բանկ, որն իր մեջ կընդգրկի շարունակական լրացվող հարցեր այն բոլոր բաղադրիչներից, որոնք ուսումնասիրվում են պարտադիր ատեստավորման ենթական ուսուցիչների վերապատրաստման ընթացքում։ Հարցաշարերը կկազմվեն Google Forms կամ MS Forms գործիքներով: Միջանկյալ գործիքները հնարավորություն կընձեռեն ուսուցիչներին մինչև տնօրինության կողմից հարցաթերթիկի լրացումը բացահայտել իրենց կարիքները և լինել ավելի ինքնավստահ և ինքնուրույն շարունակաբար աշխատել իր մասնագիտական զարգացման վրա։ Գործիքի ստեղծումից հետո կառաջարկենք վերապատրաստող կազմակերպություններին, որպեսզի նրանք ևս օգտագործեն այս միջանկայլ մեխանիզմը և վերապատրաստումների որակն ավելի բարձրացնեն, դարձնեն նպատակային, և´ ուսուցիչները, և´ վերապատրաստող կազմակերպությունները հնարավորություն կունենան իրենց աշխատանքի որակը բարձրացնելու, կաջակցենք ԿԳՄՍ նախարարությանը այս գործընթացը արդյունավետ անցկացնելու գործում։ Նմուշ օրինակ, որը սակայն մշտապես փոփոխվելու է և վերամշվելու պայմանավորված կրթական բարեփոխումներով։ Նախատեսում ենք նաև աջակցել մեթոդմիավորումներին դասալսումների վերլուծությունների համար։ Հարթակից օգտվելու հնարավորություն կստեղծվի նաև հանրակրթական դպրոցների տնօրինությանը։ Հաստատված պետական և առարկայական նոր չափորոշիչներում կարևոր դեր է հատկացված սովորողների քննադատական մտածողության զարգացմանը, նախագծեր իրականացնելուն, որը սակայն կարող է միայն իրականացնել այն ուսուցիչը որն ինքը ունի հետազոտական հմտություններ և կարողունակություններ: Չափորոշչային պահանջները իրականացնելու համար անհրաժեշտ է առաջին հերթին զարգացնել ուսուցիչների մասնագիտական և հետազոտական հմտությունները: Շատ ուսուցիչներ ի վիճակի չեն խնդիրները բացահայտելու ինքնուրույն լուծումներ առաջարկելու առավել ևս դրանք լուծելու: Ուսուցիչները պարտադիր ատեստացիոն վերապատրաստումների ժամանակ լուրջ դժվարությունների են հանդիպում հետազոտական աշխատանքեր գրելու ընթացքում, մասսայական արտագրություններ, կոռուպցիոն ռիսկեր: Վերապատրաստումները ավարտվելուց հետո ուսուցիչները մեծամասամբ ի վիճակի չեն լինում ինքնուրույն լուծումներ գտնելու, դպրոցը կենդանի օրգանիզմ է, անընդհատ նոր փոփոխությունների կարիք կզգացվի: Հետևաբար այս պահին առաջնահերթություն է ուսուցիչների հետազոտական հմտությունների զարգացումը: Նախնական փուլում մեր կողմից կիրականցվի հարցում ուսուցիչների հետ, վերապատրաստում անցած Շիրակի մարզի տարբեր շրջանների ուսուցիչների մոտ, բացահայտելու համար նրանց կրթական կարիքները, մասնավորապես հետազոտական աշխատանքներ իրականացնելիս, դասպլաններ կազմելիս: Երկրոդ փուլում ընտրված ուսուցիչների հետ ըստ իրենց կարիքների կանցկացվեն անհատական վերապատրաստումներ և հետազոտական հմտությունների զարգացման աշխատանքներ: Գործնական մասում նրանց հետ կզարգացնեք հետազոտական աշխատանքներ գրելու հմտություններ: Արդյունքում կստեղծվի հետազոտական աշխատանքների բանկ, որը հասանելի կլինի մյուս ուսուցիչներին ևս, որոնք կարող են այդ հետազոտությունների արդյունքներն օգտագործել խմբակների և նախագծային ուսուցման աշխատանքները պլանավորելիս: Բացահայտված կարիքները և առաջադրված խնդիրների լուծումները կփոխանցվեն ԿԳՄՍ նախարարություն կրթական քաղաքականության ռազմավարություններ մշակելու համար:
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
