ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Քննարկվել է Ֆրանկոֆոնիայի խաղերը ՀՀ-ում անցկացնելու հնարավորությունը

Մարտի 14, 2023
Միջազգային լուրեր Սպորտային լուրեր

ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Ֆրանկոֆոնիայի խաղերի մի­ջազգային կոմիտեի տնօրեն Զեյնա Մինային՝ քննարկելու 2027 թ. Ֆրանկոֆոնիայի խաղերը ՀՀ-ում անցկացնելու հնարավորությունը:

Հանդիպմանը ներկա են եղել նաև ԿԳՄՍ նախարարի տեղակալներ Արթուր Մարտիրոսյանը և Կարեն Գիլոյանը:

Ողջունելով Ֆրանկոֆոնիայի խաղերի միջազգային կոմիտեի տնօրեն Զեյնա Մինային՝ նախարար Ժաննա Անդրեասյանը շնորհակալություն է հայտնել այցի համար՝ ընդգծելով, որ կարևորում է Ֆրանկոֆոնիայի միջազգային կազմակերպության (ՖՄԿ) հետ համագործակ­ցութ­յու­նը:

«Հայաստանը ՖՄԿ-ին անդամակցության առաջին իսկ օրվանից եղել է շատ ակտիվ, այդ թվում՝ կազմակերպության խոշոր միջոցառումների հյուրընկալության և կազմա­կերպման հարցերում: Հայաստանը վերջին տարիներին զգալի փորձ է կուտակել նաև մեր երկրում միջազգային խոշոր սպորտային միջոցառումներ անցկացնելու առումով։ Նախորդ տարի Երևանը հյուրընկալել էր բռնցքամարտի Եվրոպայի առաջնությունը, այս գարնանը ՀՀ մայրաքաղաքում կանցկացվի ծանրամարտի Եվրոպայի, իսկ աշնանը՝ սամբոյի մեծահասակների աշխարհի առաջնությունը: Այս տարիներին կուտակված փորձը և Հայաստանի ակտիվ ներգրավումը ՖՄԿ բոլոր կառույցների գործունեության մեջ թույլ են տալիս Հայաստանին դիտարկել 2027 թվա­կանին կայանալիք Ֆրանկոֆոնիայի 10-րդ՝ հոբելյանական խաղերը Երևանում հյու­րընկալելու և համապատասխան հայտ ներկայացնելու հնարավորությունը»,- նշել է ԿԳՄՍ նախարարը։

Ժաննա Անդրեասյանը Զեյնա Մինային տեղեկացրել է նաև, որ 2018 թվականի Հայաստանում անցկացել է ՖՄԿ 17-րդ գագաթաժողովը՝ հյուրընկալելով 75 պետությունների կառավարության ղեկավարների և ներկայա­ցու­ցիչների։

«Մեր երկիրը գիտակցում է Ֆրանկոֆոնիայի խաղերի ամբողջ ծավալը և հսկայական պատասխանատվությունը։ Ձեր խորհրդատվությունը, դիտարկումները և գնահատականները մեզ համար շատ օգտա­կար կլի­նեն կազմակերպական աշխատանքներն արագացնելու և վերջնական որոշում կայացնելու տեսանկյունից»,- ավելացրել է ԿԳՄՍ նախարար Ժաննա Անդրեասյանը:

Ֆրանկոֆոնիայի խաղերի մի­ջազգային կոմիտեի տնօ­րեն Զեյնա Մինան շնորհակալություն է հայտնել ջերմ ընդունելության և պատրաստակամության համար, ինչպես նաև մատնանշել, որ տպավորված է Հայաստանի մարզական և մշակութային ենթակառուցվածքներով:

«Ֆրանկոֆոնիայի մի­ջազգային խաղերը ներառում են բազմաթիվ մարզաձևեր, ունեն ազգային և միջազգային ժյուրի ու կոմիտե: Այն ավելի նման է Օլիմպիական խաղերին: Կարևոր պայման է, որ հյուրընկալող երկիրը նախարարի ղեկավարությամբ ստեղծի միջկառավարական ղեկավարող կոմիտե, որն էլ կզբաղվի խաղերի՝ ինչպես նախապատրաստական, կազմակերպչական, այնպես էլ տեխնիկական և համակարգման հարցերով»,- տեղեկացրել է Ֆրանկոֆոնիայի խաղերի մի­ջազգային կոմիտեի տնօ­րենը:

Կողմերը քննարկել են նաև խաղերի արարողակարգային, հեռարձակման, Հայաստանում ֆրանսերենի տարածման հետ կապված մի շարք հարցեր:

ԿԳՄՍ նախարար Ժաննա Անդրեասյանը շնորհակալություն է հայտնել կառուցողական հանդիպման համար, ինչպես նաև նշել, որ Հայաստանը մեծ փորձառություն ունի նմանօրինակ խաղերի կազմակերպման աշխատանքներում. «Ամեն տարի Հայաստանը պատշաճ կազմակերպում է Համահայկական խաղերը, որի շրջանակում հյուրընկալում է ավելի քան 6000 մասնակցի՝ 132 երկրից: Այս տարի Համահայկական ամառային ութերորդ խաղերը 17 մարզաձևերով կանցկացվեն օգոստոսին»:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Առցանց գործիքների կարևորությունը ուսուցման գործընթացում

    Թեմայի հեղինակ՝ Maro

    Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության նոր հնարավորություններ: Դրանք ոչ միայն հեշտացնում են կրթական գործընթացը, այլև այն դարձնում ավելի հետաքրքիր, մատչելի և արդյունավետ:Դրանց…

  • ՀԵՔԻԱԹԱՍՏԵՂԾՄԱՆ ԿԱՐՈՂՈՒԹՅԱՆ ՁԵՎԱՎՈՐՈՒՄԸ ՏԱՐՐԱԿԱՆ ԴԱՍԱՐԱՆՆԵՐՈՒՄ

    Թեմայի հեղինակ՝ hak.xachatryan

    Հարգելի ուսուցիչներ, սիրով ձեզ եմ ներկայացնում իմ <<Հեքիաթաստեղխման կարողության ձևավորումը տարրական դասարաններում>> վերնագրով թեման: Մայրենիի ծրագրերում և դասագրքերում ոչ պակաս կարևոր է հեքիաթի տեղն ու դերը, քանի որ հեքիաթն ունի…

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…