Հագեցած բաց դասեր՝ նվիրված Մայրենիի և Ամենայն հահոց բանաստեղծ Հ․Թումանյանի ծննդյան օրերին

Փետրվարի 21, 2023

Դպրոցական անցուդարձ

Եվ վարպետներ, խոնարհ ու հանճարեղ,
Հղկել են այն դարեր, որպես մարմար,
Եվ փայլել է նա մերթ, ինչպես բյուրեղ
Մերթ կոպտացել, ինչպես լեռնային քար:

Երջանիկ ենք, որ հայերենն է մեր մայրենին, մանկական թոթովանքից, մինչև բարբառ, քնարերգության ու գիտության լեզու, այն ամենուր է ու միշտ գրավիչ, մատչելի ու հուզիչ:

Լճաշեն գյուղի Ա. Տեր-Գրիգորյանի անվան միջնակարգ դպրոցում, թումանյանական շաբաթի շրջանակներում 2-րդա դասարանի աշակերտները (դասվար` Արևիկ Դավթյան) ներկայացրեցին. «Չարի վերջը», «Շունն ու կատուն», «ՈՒլիկը», «Ծիտը», «Ճամփորդները», «Պոչատ աղվեսը», «Սուտասանը», «Կիկոսի մահը», «Քաջ նազարը» հեքիաթները` նորովի մատուցմամբ:

4-րդա դասարանը (դասվար` Ռոմելա Գրիգորյան) ներկայացրեցին «Սուտասանը» հեքիաթը` գունեղ մտահաղացումներով:

4-րդ բ դասարանի աշակերտները ( դասվար` Լուսինե Վարդանյան) ցուցադրեցին «Անբան Հուռին» հեքիաթը` գեղեցիկ կահավորանքով ու բեմականացումով:

Դպրոցի ,,Տիկնիկային թատրոն,, ուսումնական խմբակի սաները (խմբակավար` Հերմինե Առաքելյան) ցուցադրեցին «Ոսկու կարասը» տիկնիկային ներկայացումը:

Բոլոր դասարանների ներկայացումները համեմված էին գեղեցիկ երգերով և Հ.Թումանյանի քառյակներով:

Դասերին ներկա էին դպրոցի տնօրինությունը, ուսուցիչներ և ծնողներ:

Սիրենք, սովորենք ու անաղարտ պահենք մեր մայրենին:

Դասերի ավարտին աշակերտները միմյանց գրքեր նվիրեցին, որն իսկական տոն էր նրանց համար:

 

Տարրական կրթության մ/մ նախագահ Հերմինե Առաքելյան
Ուսուցչի օգնական Սիրարփի Հովհաննիսյան