Գրքաբույր առավոտ

Փետրվարի 20, 2023

Դպրոցական անցուդարձ

Դասվարը երեխայի հոգեկան աշխարհի կերտոողն է, իսկ դա հնարավոր չէ անել առանց ծնողի:

Ուսուցման ու դաստիարակության գործընթացում ցանկալի արդյունավետության ապահովումը պայմանավորված է հենց այդ աշխարհի արժեքային համակարգի ձևավորմամբ:

Դպրոցի 1-ին «բ» դասարանում, վաղ առավոտյան, նշանավորվեց գրքի դերը ամենայն հայոց բանաստեղծ Հովհաննես Թումանյանի ծննդյան օրվա շրջանակում , կարևորվեց գիրքը, որպես հոգևոր աղբյուր, որպես թանկ նվեր:

Դասարանի ծնողների համատեղ ջանքերով և դասվար Արևիկ Հայրապետյանի վայելուչ ձեռագրով սաների օրը տոն դարձավ, զարդարվեց գունեղ գրքերով, համեմվեց գեղեցիկ մտքերով:

Գրքային ընկերասիրությունն ու հոգատարությունն իր իրական դրսևորումը գտավ, երբ դասվարի ավագ սերունդը դպրոցի ուսմասվար Ալինա Մկրտչյանի ուղեկցությամբ անակնկալ մատուցեցին և իրենց սրտի գիրքը փոխանցեցին կրտսերներին:

- Գիրք կարդալու գրքի նկատմամբ դարեդար մեզ փոխանցված սերն ու պաշտամունքը սերնդին ժառանգելու նպատակով կարևում է միջոցառումը, բարձր գնահատում ուսուցչի և ծնողների ջանքերը,- շնորհավորանքի խոսքն այսպես ավարտեց դպրոցի տնօրեն Սիրանուշ Հարությունյանը

Կապանի N 5 հիմնական դպրոց