Խաղաղության գույնը

Փետրվարի 8, 2023

Դպրոցական անցուդարձ

Արևաշող անամպ երկինք,
Հովն է խաղում սարերում,
Փոքրիկները կապույտ գույնով
Խաղաղություն են նկարում:
Բնաբանին ներդաշնակ հնչում է հարցը.

- Ի՞նչ է խաղաղությունը;

- Խաղաղությունը հարստություն է,- չուշացավ պատասխանը:

-Խաղաղությունը ազատություն է,- միաբերան հնչեցրեց խումբը:

Շուրջ 10 տարի է Խաղաղության խմբակը վարում է դասվար Արևիկ Հայրապետյանը:

Սերունդներն, իրար հաջորդելով, սովորում են խաղաղության խորհրանիշները, նպաստում են խաղաղության հաստատմանը, միջանձնային հարաբերություններում;

Մինչ այս տարի խմբակը հովանավորվում էր ՎՎ Կապանի գրասենյակի կողմից, սակայն կառուցվածքային փոփոխությունների հետևանքով խմբակի գործունեությունն ապահովել է դպրոցը և մասնակիցները շարունակում են համագործակցել հիմնադիր ընկերների հետ, ի դեմս՝ Անուշ Մեժլումյանի:

Խաղաղության աղավնին այս անգամ բաց է թողնվում Արցախի երկնքում:

Ճախրանքն անխափան չէ... այստեղ բազում հասակակիցներ ազատություն են աղերսում, ուստի և խաղաղություն փափագում:

Ձիթենու ճյուղը, մատներով նշանը, N և D տառերի համադրումը (որը կոչվում է միջուկային զինադադար) և աղավնու ոտքը դրվեցին մերօրյա մարդու հոգում, Տիեզերքի Արցախ աշխարհում:

Խմբակի բաց պարապմունքին ներկա էին ուսուցիչներ և տնօրենության անդամներ:

Ուսմասվար Ալինա Մկրտչյանը և տնօրեն Սիրանուշ Հարությունյանը բարձր գնահատեցին ժամանակակից մոտիվներով կառուցված դասը, աշակերտների ձեռք բերած գիտելիքներն ու հմտությունները, շնորհակալություն հայտնեցին դասվար Արևիկ Հայրապետյանին և Անուշ Մեժլումյանին:

Կապանի N 5 հիմնական դպրոց