Շնորհավոր տո՛նդ, Հայո՛ց բանակ

Հունվարի 27, 2023

Դպրոցական անցուդարձ

Մեր բանակը երկրի սիրտն է: Փա՛ռք Աստծո, այն առողջ է։
Թեև վտանգը միշտ կողքիդ է, Հայո՛ց բանակ, բայց քո տոնն ենք նշում համարձակ:

Հունվարի 26-ին Կապանի N 5 հիմնական դպրոցի 7-9-րդ դասարանների սաները, դպրոցի զինղեկ՝ փոխգնդապետ Գարիկ Ներսեսյանի գործնական ջանադրությամբ ռազմամարզական մրցումների մասնակիցները դարձան:

Իրականացվեց ՆԶՊ նորմացույցների գործնական կատարում, խմբային աշխատանք, կրակային պատրաստություն, թեստի լրացում, առաջին բուժօգնության ցուցաբերում: Նպատակն էր՝ ստացած գիտելիքների գործնական կիրառում կրակային և մարտավարական պատրաստությունից (զենքի քանդում և հավաքում, փամփուշտների լիցքավորում, հրաձգություն) և ամփոփվեց մարտավարական ուսումնավարժությամբ:

Ընդգրկված 7-րդ դասարանները, ովքեր կամավոր, ազատ ժամերին, լրացուցիչ պարապմունքների մասնակցելով դպրոցի զինղեկի նախաձեռնությամբ իրենց ուժերն ու գիտելիքներ փորձեցին 8-9-րդ դասարանների հետ և արդյունքները գոհացուցիչ էին:

Դպրոցի ապագա զինվորները հպարտորեն, մեր նախնյաց փառքերը վերածնելու հավատով, իրենց կարևոր մասնակցությունը ցուցաբերեցին բանակաշինության սուրբ գործին:

Երեխաները կարգախոս ընդունելով մեծն զորավարի խոսքերը՝ «Մենք ենք հայրենիքի ապագա պաշտպանները և պետք է լինենք ուժեղ, քանի որ թույլերը բարեկամներ չեն ունենում...», համագործակցել են «Զարկ» ծրագրի Սյունիքի մարզի մասնաճյուղի ղեկավար Արման Հովհաննիսյանի հետ՝ կատարելով մարտական ջոկի դիրքի պաշտպանության ճեղքում հատուկ գործողությամբ զինավարժություններ՝ մոտեցված իսկական մարտական իրավիճակին՝ օգտագործելով մարտական ուսումնական ավտոմատ, ծխաքողարկում, «դրոն»...

Եռագույն դրոշի ծիսապատկերով սաները իրենց սերն ու պատրաստակամությունը արտահայտեցին բանակի, պետության և որդեգրած գործի նկատմամբ: Շնորհավոր տո՛նդ, Հայո՛ց բանակ:

Կապանի N 5 հիմնական դպրոց