ՀՀ ԿԳՄՍՆ «Կրթության զարգացման և նորարարությունների ազգային կենտրոն» (ԿԶՆԱԿ) հիմնադրամը կրթության ոլորտի պետական, մասնավոր և հասարակական կառույցների մասնագետներին ներկայացրել է երկու տարվա ընթացքում իրականացրած ծրագրերը և գրանցված արդյունքները:
Հաշվետու աշխատաժողովին ներկա է եղել Կրթության, գիտության, մշակույթի և սպորտի նախարարի տեղակալ Ժաննա Անդրեասյանը, որը կարևորել է հիմնադրամի դերը կրթական ոլորտում իրականացող բարեփոխումների գործընթացում:
«Կրթության զարգացման և նորարարությունների ազգային կենտրոնը կրթության ոլորտում եզակի նշանակությամբ եզակի կառույց է: Կառույցի կազմավորման օրվանից մեծ ակնկալիքներ ունեինք ոլորտի խնդիրների լուծման տեսանկյունից: Այս երկու տարվա ընթացքում կենտրոնի մասնագետներն ու աշխատակիցները մեծ պատասխանատվությամբ են մոտեցել բոլոր ծրագրերին՝ գրանցելով որակյալ արդյունքներ»,- ասել է նախարարի տեղակալն ու հավելել, որ կենտրոնի գործունեությունը կրթության ոլորտում հստակություն և համակարգվածություն է ստեղծել:
ԿԶՆԱԿ-ի տնօրենի ժամանակավոր պաշտոնակատար Արտաշես Թորոսյանը տեսապատկերների միջոցով մանրամասն ներկայացրել է կենտրոնի գործունեությունը, նպատակները, իրականացրած ծրագրերն ու նախագծերը:
«Հպարտությամբ պետք է նշեմ, որ չնայած կարճ ժամանակահատվածին, այնուամենայնիվ, մենք կարողացել ենք մի շարք արդյունքներ գրանցել, ինչպես նաև ձեռք բերել հրաշալի գործընկերներ: Մեր մասնագետների համբերատար աշխատանքի և մասնագիտական մոտեցման շնորհիվ կրթական հաստատությունները պատրաստակամ համագործակցում են մեզ հետ»,- ասել է Արտաշես Թորոսյանը:
ԿԶՆԱԿ-ի տնօրենի ժամանակավոր պաշտոնակատարն անդրադարձել է նաև արդեն իսկ ավարտված և ընթացիկ ծրագրերին, մասնավորապես Տավուշի մարզում հանրակրթության պետական չափորոշիչների ներդրմանը, ինչպես նաև գնահատման մեթոդաբանության նախագծի և հանրակրթության պետական չափորոշչի կարողությունները սովորեցնող առցանց ինքնաշխատ դասընթացի մշակմանը, առարկայական ծրագրերի վերանայման գործընթացի կազմակերպմանն ու տարրական դպրոցում ընթերցանության որակի ապահովման ծրագրի իրականացմանը:
Արտաշես Թորոսյանն ընդգծել է, որ կենտրոնը մեծ ծավալի աշխատանք է իրականացրել վերապատրաստման ոլորտում:
Ելույթներից հետո աշխատաժողովի մասնակիցները հարցուպատասխանի ձևաչափով քննարկել են մի շարք հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ