Հերթական ծրագիրը Խաշթառակի ԻՄՓԱՔԹ ակումբի կողմից

Մարտի 13, 2017

Լուրեր կազմակերպություններից

Տավուշի մարզի Խաշթառակի ԻՄՓԱՔԹ ակումբը, որն արդեն գործում է ավելի քան երկու տարի, իր յուրօրինակ ծրագրերի շարքը համալրեց ևս մեկ համայնքային նախագծով: Ավարտելով «Առաջնորդում» կրթական մուդուլը և ստանալով առաջնորդելու հիմնարար գիտելիքներ ու կարողություններ, ակումբի անդամները և ակումբի ղեկավարները (Լ.Վանեսյան,Մ.Եղիկյան) մշակեցին թվով 4-րդ համայնքային ծառայության ուսումնական ծրագիրը «Մտքի և մարմնի ֆիզկուլտուրա» անվամբ:  Ծրագիրն ուղղված էր համայնքի 13-16 տարեկան դպրոցահասակ երեխաներին, որի  նպատակն էր տեղեկատվություն հաղորդել  կամավորության մասին, առողջ ապրելակերպի ու ծխախոտի վնասակար հատկությունների մասին, ինչպես նաև  սերմանել սեր դեպի առօրյա մարմնամարզության և առհասարակ սպորտի հանդեպ, խթանել երեխաների շրջանում առողջ ապրելակերպի մշակույթը: Միջոցառման սկզբնական հատվածում ակումբականները ներկայացրեցին ակումբըի այս տարիների գործունեությունը, կամավորությունը խթանող նախագծերը և քայլերը՝ աշակերտների շրջանում բարձրացնել կամավորության առավելությունների վերաբերյալ վերաբերմունքի աստիճանը: Այնուհետև ներկայացվեց ծխախոտի վատ հետևանքների ու վնասների, առողջ ապրեպակերպի կարևորության մասին, որին հետևեց փոքրիկ բեմականացում՝ «Ծխախոտի դատը»: Մասնակիցներին իրազեկման նպատակով  համար բաժանվեց ծխախոտի բացասական հետևանքների  վերաբերյալ տեղեկատվական էջանիշներ: Ծրագրի շրջանակում նաև  կազմակերպվեց մարզական աշխույժ խաղերի մրցույթ դասարանների միջև, որի ավարտին դասարանները ստացան շնորհակալագրեր և  նվիրեցին առողջ ապրելակերպի մասին գրքեր:

Ակումբի անդամ   17 ամյա Հարությունը  նշում է .«Ակումբի հերթական հաջղությունն էր, որ ունեցանք անդամների ու առաջնորդների լավ աշխատանքի շնորհիվ: Կարողացանք մեր հասակակիցներին փոխանցել այն, ինչը ձեռք ենք բերել ակումբում՝ օգտակար ու ուղղորդող կրթական ծրագրերի միջոցով»: Ակումբի առաջնորդ, ուսանողուհի 21-ամյա Լիանա Վանեսյանը ևս կարևոր է համարում իր աշխատանքն ակումբում և անձնապես իր համար, քանի որ ձեռք է բերում երեխաների հետ թիմային ու հաղորդակցման  ունակություններ, որն անկասկած կօգնի հետագայում մասնագիտությամբ աշխատելու դեպքում:

Դպրոցի մեծ մասնաշենքում փակցվեցին նաև  առողջ ապրելակերպը և  ֆիզպատրաստման կարևորությունը նկարագրող խրախուսող պաստառներ:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: 2016թ. դրությամբ մոտ 33 ակտիվ ԻՄՓԱՔԹ ակումբներ էին գործում  Հայաստանի 6 մարզերում, որոնք ունեն ավելի քան 500 անդամ: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Այն ստեղծագործաբար միավորում է զվարճանքը, ուսուցումը և համայնքային ծառայությունը, նաև խրախուսում է երիտասարդներին` նրանց տրամադրելով սոցիալական, քաղաքական և տնտեսական կյանքում մասնակցելու անհրաժեշտ ունակություններ և կարողություններ:

ՎՎՀ Իջևանի Տարածքային ծրագրի գրասենյակ