Բացատրական, թարգմանչական և այլ կրթական գործառույթների իրականացում ISMA համակարգի միջոցով

Նոյեմբերի 29, 2022

ՏՀՏ նորություններ

http://translator.am/ համացանցային հասցեում գործում է ISMA համակարգը, որն ապահովում է բազմաթիվ՝ բացատրական, թարգմանչական և այլ կրթական գործառույթների իրականացում։

Այս նյութում ներկայացնում ենք ISMA համակարգի ընդամենը մի քանի հնարավորությունների մասին համառոտ տեղեկատվություն, իսկ, թե «Ի՞նչ է անում ISMA-ն», կարող եք կարդալ այստեղ՝ http://translator.am/am/help.html։

• Հայերենի բացատրական բառարան

Ապահովվում է հայերեն բառերի բացատրությունների ստացումը, ընդ որում բառերը կարող են լինել տարբեր ոլորտներից, հոլովված, խոնարհված, ներկայացված տարբեր սեռերով և թվերով։ Բառի բացատրությունը ստանալու համար անհրաժեշտ է սեղմել «բացատրել» կոճակը։ Բացվող էջում կերևան բառին համապատասխան հասկացույթների (բառի իմաստների) ցուցակը` իրենց բացատրություններով։

• Գրաբարի թարգմանչական բացատրական բառարան

Անհրաժեշտ է ընտրել մուտքային լեզուն՝ 14 լեզուներից որևէ մեկը, որպես ելքային պետք է նշել գրաբարը, ապա սեղմել թարգմանել կոճակը։ Բերված իմաստներից յուրաքանչյուրի մոտ կբացվի լրացուցիչ ինֆորմացիա, որտեղ կերևա հանրագիտարան կոճակը։ Հանրագիտարանին սեղմելով, բացվում է մուտքագրված բառի այդ իմաստի բացատրությունը, արևելահայերեն և գրաբար լեզուներով։

• Հայերենի և 14 այլ լեզուներինի միջև երկկողմանի թարգմանչական բառարան

Անհրաժեշտ է ընտրել մուտքային լեզուն, ապա ընտրել ելքային լեզուները (հնարավորություն կա ընտրել միանգամից մի քանի լեզու) և սեղմել թարգմանել կոճակը։ Ներքևում բերվում է բառի թարգմանությունը՝ բոլոր իմաստներով։

• Հայերենի ուսուցում հայերեն չիմացող սփյուռքահայերի համար

ա) Հայերեն բառերի և տառերի ուսուցում

բ) Հայերեն բառապաշարի զարգացում

գ) Հայերեն բառի օգտագործման սխեմայի յուրացում

դ) Բառի կամ տեքստի ուղղագրության ստուգում

ե) Հայերեն նախադասությունների շարահյուսական վերլուծության ապահովում

• Ուսումնական առարկաների հեռավար ավտոմատացված ուսուցումը հայերեն լեզվով

Առցանց ուսուցման ժամանակ հեռավար ուսուցման ավտոմատացված կազմակերպումը (կախված համացանցում ուսումնական նյութի ներկայացման ձևաչափից) ուսումնական նյութի ընթերցման ժամանակ սովորողին հնարավորություն է ընձեռում մկնիկով նշել (իրեն անհասկանալի) յուրաքանչյուր բառ կամ բառակապակցություն և ISMA շտեմարանից ստանալ այդ բառի բացատրությունը և այլ ինֆորմացիա։ Այս մեթոդը կիրառված է http://isma.polytechnic.am/ կայքում, մասնավորապես ավագ դպրոցի ԲՏՃՄ առարկաների որոշ դասագրքերի համար (http://isma.polytechnic.am/high_school.html)։