ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Եվրոպայի և Եվրասիայի հատուկ օլիմպիադաների ավագ տնօրեն Քշիշտոֆ Կրուզովսկուն, պրոֆեսիոնալ բռնցքամարտիկ, WBA, WBC և IBF վարկածներով աշխարհի նախկին չեմպիոն, «Հայկական հատուկ օլիմպիադաներ» հասարակական կազմակերպության պատվավոր նախագահ Վիկ Դարչինյանին և կազմակերպության գործադիր տնօրեն Արտակ Ստեփանյանին:
Հանդիպման ընթացքում քննարկվել են Հայաստանում կրթության առանձնահատուկ պայմանների կարիք ունեցող երեխաների՝ ֆիզիկական կուլտուրայով և սպորտով զբաղվելուն առնչվող հարցեր:
ԿԳՄՍ նախարարի տեղակալն ընդգծել է՝ կարևոր է կրթության առանձնահատուկ պայմանների կարիք ունեցող երեխաների համար մարզվելու համապատասխան միջավայր ստեղծելը. «Մեր քաղաքականությունը միտված է համընդհանուր ներառականությանը նաև սպորտում. այդ երեխաները մեր շահառուներն են, և մենք պետք է ապահովենք հավասար հնարավորություններ»:
Եվրոպայի և Եվրասիայի հատուկ օլիմպիադաների ավագ տնօրեն Քշիշտոֆ Կրուզովսկին 15 պետությունում, այդ թվում՝ Հայաստանում, հետևում է սպորտի ոլորտում ներառականության խնդիրներով զբաղվող պետական և հասարակական կառույցների աշխատանքին: Նա պաշտոնական այցով ժամանել է Հայաստան՝ ծանոթանալու «Հայկական հատուկ օլիմպիադաներ» հասարակական կազմակերպության գործունեությանը:
«Ուրախ եմ, որ Հայաստանում սպորտային կրթության ներառականության խնդիրը գտնվում է պետության ուշադրության և հոգածության ներքո: Երեկ հանդիպել եմ «Հայկական հատուկ օլիմպիադաներ» ՀԿ-ում ներգրավված երեխաների ծնողների հետ: Միայն մեկ հարց եմ տվել՝ ձեզ համար ի՞նչ նշանակություն ունի այն, որ ձեր երեխան սպորտով զբաղվելու հնարավորություն ունի: Նրանք պատմեցին, որ վերջապես իրենց երեխաների աչքերում ուրախություն են տեսնում, և որ ամենակարևորն է՝ մի քանի ամիս կամ թեկուզ 1 տարի անց մեծ փոփոխություններ են նկատում երեխաների վարքագծում: Երեխաներն ավելի բաց և շփվող են դառնում: Սպորտը, անկասկած, դրական ազդեցություն է ունենում»,- նշել է Քշիշտոֆ Կրուզովսկին:
ԿԳՄՍ նախարարի տեղակալի փոխանցմամբ՝ ադապտիվ սպորտի զարգացումը պետության կարևոր խնդիրներից մեկն է, և այս համատեքստում կրթության առանձնահատուկ պայմանների կարիք ունեցող երեխաների հանդեպ ևս ուշադրությունը կմեծանա՝ հաջորդ տարի ֆինանսական ավելի մեծ աջակցություն ենթադրելով «Հայկական հատուկ օլիմպիադաներ» հասարակական կազմակերպության համար:
«Հայկական հատուկ օլիմպիադաներ» ՀԿ-ն այս տարի երկու հանրապետական միջոցառում է իրականացրել՝ աթլետիկա և ֆուտբոլ մարզաձևերից. ևս մեկը նախատեսվում է նոյեմբերին: Մասնակից երեխաների ընտրությունը կատարում է հասարակական կազմակերպության խորհուրդը՝ համագործակցելով հանրակրթական դպրոցների հետ՝ հաշվի առնելով ՀՀ-ում իրականացվող համընդհանուր ներառական կրթության պետական քաղաքականության պահանջները:
«Հայկական հատուկ օլիմպիադաներ» ՀԿ-ում իրականացվում են լողի, աթլետիկայի, բասկետբոլի, ադապտիվ ֆիզիկական կուլտուրայի մարզումներ:
Կազմակերպության գերակա խնդիրը 2023 թվականի հունիսին Բեռլինում 14 տարեկանից բարձր պատանիների համար նախատեսված հատուկ օլիմպիադաների ամառային խաղերին մասնակցելն է, որին հայկական կողմը նախատեսում է ներկայանալ 6 մարզիկով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ