ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Քո արվեստը դպրոցում. մասնագիտության որոնումներում» հանրապետական ծրագիրը ՀՀ Արմավիրի մարզում է

Հոկտեմբերի 4, 2022
Մշակութային լուրեր

ՀՀ կրթության, գիտության, մշակույթի և սպորտի նախարարության աջակցությամբ «Երեխաների հատուկ ստեղծագործական կենտրոն» ՊՈԱԿ-ը 2022 թվականին իրականացնում է «Քո արվեստը դպրոցում. մասնագիտության որոնումներում» հանրապետական ծրագիրը, որի աշնանային փուլը մեկնարկել է սեպտեմբերին:

Հոկտեմբերի 4-7-ը ՀՀ Արմավիրի մարզի՝ Արմավիրի քաղաքապետարանի արվեստի դպրոցում, Էջմիածնի քաղաքապետարանի Մ. Եկմալյանի անվան N 1 երաժշտական դպրոցում, Մյասնիկյանի Արայի անվան միջնակարգ դպրոցում, Փարաքար համայնքի Հ. Էդգարյանի անվան արվեստի դպրոցում տեղի կունենա «Քո արվեստը դպրոցում. մասնագիտության որոնումներում» ծրագրի հերթական հանդիպումների շարքը:

Աշակերտները կհանդիպեն սիրված արվեստագետներ, օպերային երգիչ, բաս, ՀՀ ժողովրդական արտիստ Բարսեղ Թումանյանի, դուդուկահար, ՀՀ ժողովրդական արտիստ Գևորգ Դաբաղյանի, ՀՀ արվեստի վաստակավոր գործիչ, մանկավարժ, պրոֆեսոր Սերգեյ Քեչեկի, «Մեկնարկ» տաղանդի զարգացման նպատակային ծրագրի անդամներ Արթուր Գրիգորյանի (դաշնամուր), Մարի Դանիելյանի (դաշնամուր), ջազմեն, կոմպոզիտոր, ՀՀ ժողովրդական արտիստ Լևոն Մալխասյանի հետ:

Նշենք, որ ընդհանուր հանդիպումներին կմասնակցեն մարզի 41 դպրոցների 383 աշակերտ և 41 ուսուցիչ:

Հիշեցնենք, որ սեպտեմբերի 22-24-ը ՀՀ Կոտայքի մարզի Նոր Հաճնի արվեստի դպրոցում, Հրազդանի Կոստան Զարյանի անվան մանկական արվեստի դպրոցում և Աբովյան քաղաքի Զարե Սահակյանցի անվան երաժշտական դպրոցում տեղի են ունեցել դասախոսություն-հանդիպումների շարք հայտնի արվեստագետներ, կոմպոզիտոր, ՀՀ մշակույթի վաստակավոր գործիչ Էդգար Գյանջումյանի, կոմիտասագետ Արթուր Շահնազարյանի, ՀՀ վաստակավոր արտիստ, ջութակահար, Գինեսի ռեկորդակիր Նիկոլայ Մադոյանի հետ: ՀՀ Կոտայքի մարզում հանդիպումներին մասնակցել են 28 դպրոցների 267 աշակերտ։

Սեպտեմբերի 27-30-ը ՀՀ Շիրակի մարզի «Թումո» ստեղծարար տեխնոլոգիաների կենտրոնում տեղի է ունեցել դասախոսություն-հանդիպումների շարք հայտնի արվեստագետներ, բեմադրիչ, դերասան, ՀՀ վաստակավոր արտիստ Դավիթ Հակոբյանի, ռեժիսոր, դերասան Աղասի Մելքոնյանի, բեմադրիչ, ՀՀ ժողովրդական արտիստ, Վանաձորի Հովհաննես Աբելյանի անվան թատրոնի գեղարվեստական ղեկավար Վահե Շահվերդյանի, ջազ երաժիշտ, սաքսոֆոնահար, գործիքավորող, կոմպոզիտոր, մանկավարժ, ՀՀ արվեստի վաստակավոր գործիչ, Հայաստանի պետական ջազ նվագախմբի գեղարվեստական ղեկավար Արմեն Հյուսնունցի հետ: Ընդհանուր հանդիպումներին մասնակցել են Գյումրի քաղաքի 36 դպրոցների 288 աշակերտներ:

Տեղեկացնենք, որ «Քո արվեստը դպրոցում. մասնագիտության որոնումներում» ծրագրի շրջանակում իրականացվում են Հայաստանի մշակութային գործիչների, արվեստագետների կյանքի ու գործունեության ճանաչելիության բարձրացմանն ուղղված միջոցառումներ: Կազմակերպվում են հանդիպում-քննարկումներ արվեստագետների ու մշակութային գործիչների հետ:

Ծրագիրը միտված է նաև երեխաների մասնագիտական կողմնորոշմանը, հոգևոր զարգացմանը, արվեստի ճյուղերի ճանաչմանն ու հայ արվեստագետների հանրային ճանաչելիության բարձրացմանը:

Ծրագրում ընդգրկված են շուրջ 3500 դպրոցական՝ 450 դպրոցներից՝ ՀՀ մարզերից և Երևանից։ Հանդիպումներն իրականացվում են ինտերակտիվ ձևաչափով. երեխաներին հնարավորություն է ընձեռվում ստանալ ոչ միայն տեսական գիտելիքներ, այլև անմիջականորեն դիտել տվյալ արվեստագետի ներկայացումը, համերգային կատարումը, մասնակցել արվեստագետ-բանախոսի կողմից տեղում անցկացվող վարպետության դասին, արվեստի նմուշների ցուցադրմանը, ինչը հետագայում կարող է օգնել նրանց մասնագիտական կողմնորոշման հարցում:

Յուրաքանչյուր հանդիպման ընթացքում լինում է նաև հարցուպատասխանի հատված, որը նպաստում է աշակերտ-արվեստագետ առավել անմիջական շփմանը և երեխաներին հետաքրքրող հարցերի պարզաբանմանը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…